Հայ-բուլղարական միջկառավարական հանձնաժողովի նիստը տեղի կունենա Երևանում սեպտեմբերի 9-10-ը

16 հունիսի 2010 - 18:34 AMT

PanARMENIAN.Net - ՀՀ տրանսպորտի և կապի նախարար Մանուկ Վարդանյանը հունիսի 16-ին ընդունել է Հայաստանում Բուլղարիայի արտակարգ և լիազոր դեսպան Տորդոր Ստայկովին: Ինչպես հաղորդում է ՀՀ տրանսպորտի և կապի նախարարության մամլո ծառայությունը, հանդիպման ընթացքում քննարկվել են սեպտեմբերի 9-10-ը Երևանում անցկացվելիք Առևտրատնտեսական և գիտատեխնիական համագործակցության հարցերով հայ-բուլղարական միջկառավարական հանձնաժողովի վեցերորդ նիստի կազմակերպչական աշխատանքներին, ինչպես նաև նիստին զուգահեռ հայ-բուլղարական գործարար համագումարի անցկացմանը վերաբերող հարցեր: Հայ-բուլղարական միջկառավարական հանձնաժողովի հայկական կողմի համանախագահը ՀՀ տրանսպորտի և կապի նախարար Մանուկ Վարդանյանն է:

Դեսպան Տորդոր Ստայկովն անդրադարձել է նաև երկուստեք հետաքրքրություն ներկայացնող ծրագրերի իրականացմանը, մասնավորապես` Երևան-Սոֆիա-Երևան ուղիղ ավիաչվերթի կազմակերպմանը,տեղեկատվական տեխնոլոգիաների ոլորտի ակտիվացմանը, ինչպես նաև տուրիզմի զարգացմանը:

Հայ-բուլղարական միջկառավարական հանձնաժողովի նախորդ նիստը կայացել է 2008թ. դեկտեմբերի 9-10-ը Բուլղարիայի մայրաքաղաք Սոֆիայում:

Ուշագրավ

Ըստ ԿԲ-ի՝ Արցախի կուտակային կենսաթոշակային համակարգի գումարներն ապահով ակտիվներում են

Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը

Խաղողի 65,000 տ ավելցուկ կա. Մթերող ընկերությունները կսուբսիդավորվեն

Կապահովվի խաղողի մթերումների գործընթացի կազմակերպումը

ԵԱԶԲ–ն չի բացառել՝ ՀՀ տնտեսական աճը տարեվերջին կարող է գերազանցել 7․5%-ը

Բանկի զեկույցում նշվում է, որ Հայաստանի տնտեսական ակտիվությունն ավելացել է 10․4 տոկոսով հունվար–օգոստոսին

ԿԲ. Տեղահանված արցախցիների վարկերի մասով անհատական կամ ընդհանուր լուծումներ կառաջարկվեն

Տարհանված քաղաքացիների ֆինանսական սպասարկման հետ կապված կարող են խնդիրներ առաջանալ հիմնականում գրավադրված գույքի (ոսկով գրավադրված վարկերի) ֆիզիկական առկայության մասով