Երևանում ամենամեծ աղմուկն առաջացնում են տրանսպորտը և շինարարությունը10 հուլիսի 2010 - 14:23 AMT PanARMENIAN.Net - 100 դեցիբելից բարձր աղմուկը մարդու մոտ առաջացնում է հարբածության նման վիճակ: Դա արյան մեջ ադրենալինի արտադրության մեծ քանակության հետևանք է: Աղմուկի բարձր մակարդակը կարող է դառնալ սթրեսների պատճառ, ինչպես նաև հանգեցնել լսողական օրգանների դեգրադացիայի: Այդ մասին հուլիսի 10-ին մամլո ասուլիսում հաղորդել է «Արևորդի» բնապահպանական կազմակերպության աշխատակից Թամարա Գալստյանը: Նրա խոսքերով, Երևանում ամենամեծ աղմուկը ստեղծում են տրանսպորտը և շինարարությունը: Նա օրինակ բերեց այն, որ մետրոն առաջացնում է 80 դեցիբել աղմուկ, ռոք-համերգը` 100, իսկ ռեակտիվ ինքնաթիռը` 110: Չնայած Երևանում աղմուկի մակարդակի չափումներ չեն իրականցվել: «Մենք պետք է նոր օրենք մշակենք «Աղմուկի մասին», որն իր մեջ կներառի քաղաքում աղմուկի կարգավորման տարբեր ասպեկտները»,- ասել է ԵՊՀ էկոլոգիական իրավունքի գիտաուսումնական կենտրոնի ղեկավար Աիդա Իսկոյանը: «Օրենքի մշակմանը պետք է մասնակցի նաև հասարակությունը, որը պետք արտահայտի իր կարծիքը, որովհետև «Աղմուկի մասին» օրենքը միահյուսվում է մարդու իրավունքների սահմանափակման հետ»,- նշել է Իսկոյանը և հավելել, որ Հայաստանի բնակչությունը հարևանների կամ այլ քաղաքացիների` չաղմկելու խնդրանքն ընդունում է որպես իր անձնական կյանքին միջամտություն և բավական ագրեսիվ է արձագանքում: «Մենք համարյա ամեն օր բողոքներ ենք ստանում քաղաքացիներից, որոնց աղմուկը խանգարում է և նրանք չգիտեն ում դիմեն, բայց դրանցից ոչ մեկն անպատասխան չի մնում»,- նշել է Առողջապահության նախարարության իրավական ապահովության բաժնի գլխավոր մասնագետ Պերճ Խաչատրյանը: Ուշագրավ
«Ամեն բնակչի կողքին 15 ոստիկան է կանգնած, անձնագրով են ներս թողնում միայն Կիրանցի բնակիչներին»,–ասել է վարչական ղեկավարը Որոշ դեպքերում անձանց ազատությունից զրկելիս չեն ներկայացվում նրանց ազատությունից զրկելու հիմքերն ու պատճառները Պահանջն առնչվում է նրա հետ փոխկապակցված 7 անձի Վարդանյանն ասել է, որ գտնվում է մեկուսացման խցում Ամենաընթերցվողը բաժնում | ԱՄՆ կոնգրեսականին մեղադրանք է առաջադրվել Ադրբեջանից տարիներ շարունակ կաշառք ստանալու համար Նույն գործով անցնում է նաև կոնգրեսականի կինը ՄԻՊ․ Անթույլատրելի է աուտիզմով մարդկանց ծաղրելու տեսարան պարունակող տեսանյութի տարածումը Պաշտպանն օգտատերերին հորդորել է հեռացնել վերոնշյալ տեսանյութը և բացառել դրա տարածումը ՀՀ և Մալթայի ԱԳ նախարարները քննարկել են ԵԱՀԿ գործունեությանն ու Ադրբեջանի հետ կարգավորման զարգացումները Հայաստանի և Մալթայի ԱԳ նախարարներն անդրադարձել են տարածաշրջանային հարցերի Eurowings–ը Բեռլին-Երևան ուղղությամբ թռիչքներ է սկսել Չվերթերը կիրականացվեն շաբաթական մեկ չվերթ |