Հայաստանում սահմանային ինտեգրացված կառավարման համակարգ կներդրվի 6 սեպտեմբերի 2010 - 19:26 AMT PanARMENIAN.Net - ՀՀ փոխվարչապետ, տարածքային կառավարման նախարար Արմեն Գևորգյանն այսօր ընդունեց Միգրացիայի միջազգային կազմակերպության (ՄՄԿ) տարածաշրջանային ներկայացուցիչ Հանս-Պետեր Բոէի գլխավորած պատվիրակությանը: Հանդիպմանը ներկա էր նաև ՏԿՆ միգրացիոն պետական ծառայության պետ Գագիկ Եգանյանը: Ինչպես հաղորդում է տարածքային կառավարման նախարարության մամլո ծառայությունը, Արմեն Գևորգյանը նշեց, որ այս տարի ՀՀ կառավարությանը կներկայացվի Հայաստանի Հանրապետության միգրացիայի պետական կարգավորման քաղաքականության հայեցակարգի նախագիծը, որն արդեն մշակվել և շրջանառության մեջ է դրվել: Փոխվարչապետն առանձնացրեց նաև կենսաչափական կողմնորոշիչներ պարունակող էլեկտրոնային անձնագրերի և անձը հաստատող բիոմետրիկ քարտերի համակարգը Հայաստանում ներդնելու գործընթացը, որին աջակցություն է ցուցաբերում ՄՄԿ-ն: Տեղեկացվեց, որ վերջերս ՀՀ կառավարությունը հաստատել է համակարգի ներդրման տեխնիկական առաջադրանքը, և նախատեսվում է, որ հաջորդ տարվանից կլինեն ծրագրի առաջին արդյունքները: Լուրջ աշխատանքներ են տարվում նաև Հայաստանում սահմանային ինտեգրացված կառավարման համակարգ ներդնելու ուղղությամբ: Միգրացիոն խնդիրները գտնվում են նաև Հայաստան- Եվրամիություն համագործակցության օրակարգում: Եվրոպական հարևանության քաղաքականության ծրագրով և Արևելյան գործընկերության նախաձեռնության շրջանակում զգալի դեր է հատկացված միգրացիոն հարցերին` ընդհուպ մինչև անցում Հայաստանի քաղաքացիների համար վիզաների տրամադրման դյուրացված համակարգի: Հանս-Պետեր Բոէն իր հերթին հաստատեց Հայաստանի հետ գործակցությունը շարունակելու պատրաստակամությունը և նշեց, որ ՄՄԿ-ն կօժանդակի ոլորտի խնդիրների լուծմանը: Արտերկրում հայ միգրանտներին աջակցելու գործում ՄՄԿ-ն նախատեսում է աշխատել նաև հայկական սփյուռքի կազմակերպությունների հետ: Ուշագրավ
«Ամեն բնակչի կողքին 15 ոստիկան է կանգնած, անձնագրով են ներս թողնում միայն Կիրանցի բնակիչներին»,–ասել է վարչական ղեկավարը Որոշ դեպքերում անձանց ազատությունից զրկելիս չեն ներկայացվում նրանց ազատությունից զրկելու հիմքերն ու պատճառները Պահանջն առնչվում է նրա հետ փոխկապակցված 7 անձի Վարդանյանն ասել է, որ գտնվում է մեկուսացման խցում Ամենաընթերցվողը բաժնում | Շվեյցարացի պատգամավոր․ Սահմանային հարցերը պետք է լուծել, որ Բաքվի կողմից հարձակվելու պատրվակ չդառնան «Խավիարային դիվանագիտությունն» այժմ ճանաչված տերմին է, ցավոք, դա հաջողվում է»,–ասել է նա Փաշինյան․ Ժամանակն է Բաքվի հետ ձեռք բերված համաձայնությունները ներառել խաղաղության պայմանագրում և ստորագրել Նա անդրադարձել է նաև հայկական «Խաղաղության խաչմերուկ» նախագծին Փաշինյան. Սպասում ենք ԵՄ որոշմանը՝ ՀՀ-ին ԵՄ խաղաղության հիմնադրամում ներառելու վերաբերյալ Ըստ որոշ աղբյուրների, այդ գործընթացն արգելակում է Հունգարիան, որը պահանջում է, որ Բաքվին էլ գումար հատկացվի «ՀայաՔվեն» հանցագործության մասին հաղորդում է ներկայացրել դատախազություն. Սահմանազատմանն է առնչվում Դիմումը ներկայացվել է ընդդեմ սահմանազատման հանձնաժողովի, փոխվարչապետի և վարչապետի |