Նոյեմբերի 30-ին Երևանում տեղի կունենա Օտարերկրյա ուղղակի ներդրումները Հայաստանում Ազգային կոնֆերանսը, որը կազմակերպել է Զարգացման հայկական գործակալությունը Մենեջմենթ Միքս և Էկորիս` Հետազոտություն և խորհրդատվություն ընկերությունների հետ համատեղ :
Ինչպես հայտնում է Զարգացման հայկական գործակալության հասարակայնության հետ կապերի բաժինը, կոնֆերանսի նպատակն է հրավիրել Հայաստանում ներդրումներ իրականացրած ընկերություններին ովքեր կխոսեն իրենց հաջողությունների մասին: Կոնֆերանսը հնարավորություն կտա ներդրողներին խոսել իրենց խնդիրների և մարտահրավերների մասին և կփորձի լուծումներ գտնել կառավարության պաշտոնյաների հետ մեկտեղ:
Կոնֆերանսի ժամանակ կքննարկվեն հետևյալ թեմաները. Հայաստանի ներդրումային միջավայրը և պետական, մասնավոր և դոնոր հաստատությունների դերն այն բարելավելու համար և հաջող ներդրումները Հայաստանում:
