Կոմանդոս. Աստանայում Հայաստանի նախագահը կասեցրեց պարտվողականությունը ղարաբաղյան կարգավորման գործընթացում14 դեկտեմբերի 2010 - 16:25 AMT PanARMENIAN.Net - Աստանայում կայացած ԵԱՀԿ գագաթնաժողովում կտրուկ առաջընթաց ղարաբաղյան կարգավորման հարցում չգրանցվեց: Այդ մասին Երևանում կայացած մամլո ասուլիսում հայտարարել է ղարաբաղյան պատերազմի վետերան, Արցախի հերոս, գեներալ-մայոր Արկադի Տեր-Թադևոսյանը (Կոմանդոս)՝ պատասխանելով PanARMENIAN.Net –ի թղթակցի հարցին ԵԱՀԿ գագաթնաժողովի արդյունքների մասին: Ըստ նրա, նախորդ հանդիպումներում Հայաստանը միշտ զիջում էր Ադրբեջանին: «Աստանայում նախագահ Սերժ Սարգսյանը կասեցրեց պարտվողականությունը ղարաբաղյան կարգավորման գործընթացում»,-ասել է նա: Նա նշել է նաև, որ Բաքուն ցանկանում էր ամրագրել իր հաջողությունները, սակայն դա նրան չհաջողվեց: Նա չհամաձայնվեց շրջանառվող այն կարծիքների հետ, որ Հայաստանի ղեկավարությունը վերջերս սկսել է հանդես գալ ագրեսիվ հայտարարություններով, ասելով, որ ուղղակի ղեկավարությունը ելնում է առկա իրողություններից: Կոմանդոսը նշել է նաև, որ Ադրբեջանը ակտիվ քարոզչություն է վարում միջազգային կազմակերպություններում և դրան հակազդելու համար Հայաստանը պետք է ակտիվացնի գործունեությունը սփյուռքի հետ համատեղ: Անդրադառնալով ԼՂՀ ճանաչմանը՝ Արկադի Տեր-Թադևոսյանն ասել է, որ սկզբում հարկ է ճշտել, թե որ սահմաններում է պետք ճանաչել ԼՂՀ-ն՝ ԽՍՀՄ-ի թե ներկա սահմաններում: Նա նշել է, որ ԱԺ-ն ձախողեց «ԼՂՀ անկախության ճանաչման մասին» օրինագծի քվեարկությունը, քանի որ խորհրդարանը հստակ ծրագիր չուներ այդ առումով: Ուշագրավ «Մենք համոզված ենք, որ կառուցողական երկխոսությունը հավասարների միջև անփոխարինելի է»,–ասել է նա Նա հավելել է, որ սահմանազատումն ու սահամանգծումը պետք է իրականցվեն համապատասխան սկզբունքներով Նա հավելել է, որ որևէ երկիր չի կարող վիճարկել որևէ այլ երկրի մարտունակ բանակ ունենալու իրավունքը Նա նաև ասել է, որ Հայաստանի և Վրաստանի միջև սահմանազատման աշխատանքները վերսկսելու պայմանավորվածություն կա Ամենաընթերցվողը բաժնում | Բագրատ սրբազանն ուղերձ է հղել. Այլընտրանք չկա` կամ այսօր, կամ երբեք Կիրանցեցիները փակել են Հայաստան–Վրաստան միջպետական ճանապարհը Իդրամ Ջունիորն ու Կորիզը գործակցության հուշագիր են կնքել Կազմակերպությունները մշակում են ֆինանսական կրթության նոր մրցույթ ԿԽՄԿ աշխատակիցներն այցելել են Բաքվում պահվող Արցախի ղեկավարներին Նրանք կապ են հաստատել ընտանիքների հետ «Մեկնարկի՛ր». Կրթական հարթակ՝ ստարտափ ստեղծող երիտասարդների համար Ավագ դպրոցի աշակերտուհին որոշել է Վանաձորում թեմատիկ քվեսթ (quest) սենյակներ ստեղծել |