  Ռուբեն Մելքոնյան. 2010 թվականն ապացուցեց, որ թուրքական վերնախավը պատրաստ չէ Հայաստանի հետ հարաբերությունների կարգավորմանը 18 դեկտեմբերի 2010 - 10:14 AMT PanARMENIAN.Net - «Ես գտնում եմ, որ «լուռ դիվանագիտությունը», որի մասին խոսում է թուրքական ղեկավարությունը, չի համապատասխանում իրականությանը»,- PanARMENIAN.Net ի թղթակցի հետ զրույցում հայտնեց թուրքագետ Ռուբեն Մելքոնյանը: Նրա խոսքով` այն բանից հետո, երբ Թուրքիան ձախողեց հայ-թուրքական Արձանագրությունների վավերացման գործընթացը, երկու երկրների միջև ոչ մի իրական դիվանագիտական գործընթացներ տեղի չեն ունեցել: «2010 թվականն ապացուցեց, որ թուրքական վերնախավը պատրաստ չէ Հայաստանի հետ հարաբերությունների կարգավորմանը»,- նշեց հայ փորձագետը: Անդրադառնալով 2011 թվականին հայ-թուրքական հարաբերությունների հնարավոր զարգացմանը` Ռուբեն Մելքոնյանն ասաց, որ մինչև 2011 թվականի երկրորդ կեսն այդ հարցում առանձնակի զարգացումներ չեն լինի: Սակայն հայ փորձագետը չբացառեց, որ Թուրքիայի իշխանությունները, մասնավորապես ապրիլի 24-ին (Հայոց ցեղասպանության զոհերի հիշատակի օրը) կարող են իմիտացիոն քաղաքականության դիմել, որպեսզի միջազգային հանրությանը ցույց տան, որ Հայաստանի և Թուրքիայի միջև հարաբերությունների կարգավորման գործընթացն առաջ է շարժվում: Մելքոնյանը նկատեց նաև, որ եթե առաջիկա տարին Թուրքիայում ընթանա նույն մթնոլորտում, ինչ ընթացիկը, ապա հնարավոր է, որ 2011 թվականին հայ-թուրքական հարաբերություններում դարձյալ որևէ զարգացումներ տեղի չունենան:   Ուշագրավ Նա ասել է, որ աշխատելու է Մոսկվայի և Երևանի հարաբերությունների կարգավորման վրա Նստաշրջանը կայանալու է նոյեմբերին Նրա խոսքով, աշխարհում իրավիճակը բավականին բարդ է, տարածաշրջանում` առավել ևս   Ամենաընթերցվողը բաժնում |  Սյուժե Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
