Առաջիկա ամսիներին Հայաստանում հնարավոր կլինի կենսաթոշակ ստանալ բանկային քարտերի միջոցով13 հունվարի 2011 - 17:12 AMT PanARMENIAN.Net - Հայաստանում կենսաթոշակային բարեփոխումների շրջանակներում 2011-ից պետք է կիրառվի կենսաթոշակների վճարման նոր կարգ: Կամավոր հիմքերի վրա թոշակառուները կարող են օգտվել անկանխիկ հաշվեհամարից: Անկանխիկ հաշվեհամարի միջոցը կիրառվելու է միայն փետրվար-մարտից, քանի որ դեռ չլուծված են մնում որոշ տեխնիկական հարցեր` կապված առևտրային բանկերի և աշխատանքի և սոցիալական հարցերի նախարարության միջև տեղեկատվության փոխանակման հետ: Թոշակառուների հաշվեհամարը բացվելու է և սպասարկվելու անվճար, իսկ ծախսերն իր վրա վերցնում է ՀՀ կառավարությունը: Ինչպես հայտնել է PanARMENIAN.Net ին ՀՀ ԿԲ մամլո ծառայությունը, հայկական բանկերի մի մասն արդեն կենսաթոշակների անկանխիկ վճարման նոր կարգին մասնակցելու հայտ է ներկայացրել: Բանկի և թոշակառուի միջև ստորագրվելու են հատուկ պայմանագրեր, որոնցում նշվելու են կողմերի իրավունքները և պարտավորությունները: Պետք է նշել է, որ թոշակառուն իրավունք ունի ցանկացած ժամանակ փոխել բանկը կամ դարձնել առկա հաշիվն անկանխիկ և հակառակը: Միաժամանակ, թոշակառուն տարին մեկ անգամ պետք է բանկ ներկայանա կնքված պայմանագրերի վերաձևակերպման համար: Ինչպես հայտնել է «Առէկսիմբանկ` Գազպրոմբանկի խումբ» ՓԲԸ-ն, որը նույնպես մտադիր է միանալ կենսաթոշակների վճարման նոր համակարգին, բանկում հաշվեհամար բացելու համար Հայաստանի քաղաքացին պետք է ներկայացնի անձնագիր և սոցքարտ: Թոշակառուն պետք է դիմում գրի այն մասին, որ ցանկանում էմ որ իրեն սպասարկեն բանկում, այլ ոչ թե փոստում: «Հայփոստ» ՓԲԸ-ն հիշեցնում է, որ տարեսկզբից Երևանում կենսաթոշակների վճարումն իրականացվում է Հայփոստի փոստային բաժանմունքներից, և փոստատարների առաքման միջոցով: Երկու դեպքում էլ վճարումը կատարվում է անվճար: «Թոշակառուները որևէ պարագայում չպետք է վճարում կատարեն կենսաթոշակ ստանալիս` ոչ փոստային բաժանմունքում, ոչ էլ փոստատարին»,- ասվում է հաղորդագրության մեջ: «Հայփոստ» ընկերությունը խախտումների դեպքում խնդրում է անմիջապես տեղեկացնել «Հայփոստ» ՓԲԸ-ում այսուհետ գործող թեժ գծի հեռախոսահամարներով` 514-666, 514-667:
Ուշագրավ Ուսումնասիրությունները մեկնարկել են Փաշինյանի հանձնարարությամբ Երասխում պողպատի գործարանի կառուցման համար ընկերությունը ներդրել էր 2 միլիարդ դրամ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը | Սիմոնյանը Ժնևում քննարկումներ է ունեցել Կանադայի սենատի նախագահի և Քաթարի խորհրդարանի փոխխոսնակի հետ Քննարկվել են մի շարք փոխադարձ հետաքրքրություն ներկայացնող հարցեր Միրզոյանը Նիդերլանդների ԱԳ նախարարի հետ հանդիպմանն անդրադարձել է տարածաշրջանային հարցերի Միրզոյանը շեշտել է Ալմաթիի հռչակագրի հիման վրա սահմանազատման հստակության ապահովման կարևորությունը Միրզոյանը ԵԽ մարդու իրավունքների հանձնակատարի հետ հանդիպամնն անդրադարձել է Բաքվում պահվող հայերի ազատ արձակման խնդրին Անդրադարձ է կատարվել նաև հումանիտար բնույթի հարցերի Բագրատ սրբազանը՝ վարչապետի թեկնածու առաջադրվելու մասին․ Պաշտոնական որոշում չկա Նա նշել է, որ մյուս կիրակի է հանդիպելու Ամենայն հայոց կաթողիկոս Գարեգին Երկրորդի հետ |