Երևանում ստորագրվեց «Ծիրանի գենետիկ ռեսուրսների պահպանում և օգտագործում» տեխնիկական աջակցության ծրագիր 8 ապրիլի 2011 - 20:12 AMT PanARMENIAN.Net - Ապրիլի 8-ին Հայաստանի գյուղատնտեսության նախարար Սերգո Կարապետյանն ընդունել է Հայաստանում ՄԱԿ-ի Պարենի և գյուղատնտեսության կազմակերպության ներկայացուցիչ, Կենտրոնական Ասիայի և Արևելյան Եվրոպայի ենթատարածաշրջանային համակարգող տիկին Յուտտա Կրաուզեին: «Սա երկրորդ առիթն է, որպեսզի մենք նորից քննարկենք և անդրադառնանք մեր առաջիկա անելիքներին», -նշել է Սերգո Կարապետյանը` հավելելով, որ գյուղատնտեսական աշխատանքներն արդեն մտել են հունի մեջ, և առաջնային է ծրագրերի կատարման ընթացքին հետևելն ու դրանց արդյունավետության գրանցումը: Հանդիպման ընթացքում կողմերը ստորագրել են «Ծիրանի գենետիկ ռեսուրսների պահպանում և օգտագործում» Տեխնիկական աջակցության ծրագիրը: ՊԳԿ-ի կողմից տրամադրվող ծրագրի բյուջեն կազմում է 355.000ԱՄՆ դոլար: Ծրագրի հիմնական նպատակը ծիրանի հուսալի արտադրության հիմքերի արմապնդումն է` ծիրանենու գենետիկ ռեսուրսների հավաքման և պահպանման միջոցով: Տարբեր գոտիներում կհիմնվեն ցուցադրական այգիներ` ծիրանենու աճեցման մեջ օգտագործելով ցածրաճ արմատակալներ և ժամանակակից տեխնոլոգիաներ, ինչպես նաև ֆերմերների համար կիրականացվեն ուսուցողական ծրագրեր: Հանդիպման ընթացքում քննարկվել է նաև Պարենի և գյուղատնտեսության կազմակերպության ու գյուղատնտեսության նախարարության միջև համագործակցությանն առնչվող մի շարք այլ հարցեր: Նախարարն անդրադաձել է ՊԳԿ-ի կողմից 1 մլն 622 հազար դոլար արժողությամբ «Սպանդանոցների կառուցման» ծրագրին, որի իրականացումը ոլորտում սանիտարահիգիենիկ պայմաններ ստեղծելուց բացի կանոնավոր հիմքերի վրա կդնի նաև մսամթերքի վաճառքն ու իրացումը: Անդրադարձ է կատարվել նաև գյուղատնտեսական տոնավաճառների կազմակերպմանը: Տիկին Յուտտա Կրաուզեն պատրաստակամություն է հայտնել քննարկումներ կազմակերպել ոլորտի մասնագետների հետ, անհրաժեշտության դեպքում Հայաստան գործուղել փորձագետների, որոնք տեխնիկական աջակցություն կցուցաբերեն հայաստանցի մասնագետներին, հաղորդում է Հայաստանի գյուղատնտեսության նախարարության մամլո ծառայությունը: Ուշագրավ Ուսումնասիրությունները մեկնարկել են Փաշինյանի հանձնարարությամբ Երասխում պողպատի գործարանի կառուցման համար ընկերությունը ներդրել էր 2 միլիարդ դրամ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը | ՊՆ․ Զինծառայողների հարազատները ծանրոցներ ուղարկում են բացառապես կամավոր Նշվում է, որ զինծառայողների թիկունքային ապահովման բոլոր աշխատանքները պատշաճ իրականացվում են ԱՄՆ սենատորները կոչ են արել Բայդենին հակազդել մամուլի ազատության դեմ հարձակումներին՝ այդ թվում Ադրբեջանում Նշվում է, որ վերջին ամիսներին Ադրբեջանում 10 լրագրող է կալանավորվել Բելառուսն Արցախում 420 ընտանիքի համար բնակավայր կկառուցի Հայտարարվել է, որ ավանը կկառուցվի Աղդամի շրջանում ՀՀ և Հորդանանի ԱԳՆ-ները մտահոգություն են հայտնել Երուսաղեմի հայկական թաղամասում ստեղծված իրավիճակի վերաբերյալ Կոստանյանը ներկայացրել է «Խաղաղության խաչմերուկ» նախագիծը |