Առաջիկա տարիներին Հայաստանում պեռք է սովորեն ազդել մթնոլորտի և մթնոլորտային երևույթների վրա 4 մայիսի 2011 - 16:47 AMT PanARMENIAN.Net - Մայիսի 4-ին Ազգային անվտանգության խորհրդի աշխատակազմի գրասենյակում ԱԱԽ քարտուղար Արթուր Բաղդասարյանի նախագահությամբ տեղի է ունեցել ՀՀ ԱԻՆ «Մթնոլորտային երևույթների վրա ակտիվ ներգործության ծառայություն» (ՄԵՎԱՆԾ) ՊՈԱԿ-ի գործունեության արդյունավետության դիտարկման արդյունքների վերաբերյալ խորհրդակցություն` ԱԱԽ աշխատակազմի և ՀՀ ԱԻՆ ներկայացուցիչների մասնակցությամբ: Խորհրդակցությանը ներկա էր նաև ՀՀ Արտակարգ իրավիճակների նախարար Ներսես Երիցյանը: Իր խոսքում Արթուր Բաղդասարյանն անդրադարձել է մթնոլորտային երևույթների բացասական ազդեցությանը` ներկայացնելով մասնավորապես վերջին տարիներին կարկտահարության պատճառով տնտեսության կրած միլիարդավոր դրամների վնասը: Հանրապետության նախագահի 2010թ.-ի կարգադրությամբ մշակված «Մթնոլորտի և մթնոլորտային երևույթների վրա ակտիվ ներգործության հայեցակարգի» հիման վրա պետք է մշակվի հստակ պետական ծրագիր 2011-2015թթ. համար, որի նպատակն է մթնոլորտի և մթնոլորտային երևույթների վրա ակտիվ ներգործության` ժամանակակից տեխնոլոգիաներով հագեցած գործուն համակարգի ստեղծումը: Այդ նպատակի կենսագործման համատեքտում կարևորվել է ոլորտի տեխնիկական բազայի արդիականացումը, չգործող ռադիոլոկացիոն կայանների վերազինումը և գործարկումը, ինչպես նաև միջազգային փորձի և պրակտիկայի կիրառումը: Կարևորվել է նաև համապատասխան որակյալ կադրերի ապահովման հարցը: Այս կապակցությամբ ԱԱԽ քարտուղար Արթուր Բաղդասարյանն առաջարկել է Ճգնաժամերի կառավարման ակադեմիայում կազմակերպել համապատասխան վերապատրաստման դասընթացներ և միջազգային փորձի ուսումնասիրությունների հիման վրա ներդնել կադրերի պատրաստման միասնական համակարգ: ԱԱԽ Ազգային անվտանգության ռազմավարության իրականացման վարչության պետ Ա. Թանանյանը ներկայացրել է հայեցակարգի դրույթների իրականացմանն ուղղված գործունեության արդյունավետության դիտարկման արդյունքները, որից հետո ԱԱԽ-ում անցկացված նախորդ խորհրդակցության ժամանակ տրված հանձնարարականների կատարման վերաբերյալ տեղեկատվությամբ հանդես է եկել ՀՀ ԱԻՆ-ի ներկայացուցիչը (Ռ. Հովսեփյան)` նշելով, որ ԱԱԽ-ի աշխատակազմի հետ քննարկումները մշտապես անցում են կառուցողական մթնոլորտում: Ուշագրավ
«Ամեն բնակչի կողքին 15 ոստիկան է կանգնած, անձնագրով են ներս թողնում միայն Կիրանցի բնակիչներին»,–ասել է վարչական ղեկավարը Որոշ դեպքերում անձանց ազատությունից զրկելիս չեն ներկայացվում նրանց ազատությունից զրկելու հիմքերն ու պատճառները Պահանջն առնչվում է նրա հետ փոխկապակցված 7 անձի Վարդանյանն ասել է, որ գտնվում է մեկուսացման խցում Ամենաընթերցվողը բաժնում | ԱՄՆ կոնգրեսականին մեղադրանք է առաջադրվել Ադրբեջանից տարիներ շարունակ կաշառք ստանալու համար Նույն գործով անցնում է նաև կոնգրեսականի կինը ՄԻՊ․ Անթույլատրելի է աուտիզմով մարդկանց ծաղրելու տեսարան պարունակող տեսանյութի տարածումը Պաշտպանն օգտատերերին հորդորել է հեռացնել վերոնշյալ տեսանյութը և բացառել դրա տարածումը ՀՀ և Մալթայի ԱԳ նախարարները քննարկել են ԵԱՀԿ գործունեությանն ու Ադրբեջանի հետ կարգավորման զարգացումները Հայաստանի և Մալթայի ԱԳ նախարարներն անդրադարձել են տարածաշրջանային հարցերի Eurowings–ը Բեռլին-Երևան ուղղությամբ թռիչքներ է սկսել Չվերթերը կիրականացվեն շաբաթական մեկ չվերթ |