  Կաննի կինոշուկայի շրջանակներում տեղի ունեցավ հայկական «Չնչիկ» ֆիլմի դրվագների ցուցադրությունը 16 մայիսի 2011 - 10:07 AMTPanARMENIAN.Net - Հայաստանի ազգային կինոկենտրոնի թիվ 20.03 տաղավարում մայիսի 14-ին Կաննի կինոշուկայի շրջանակներում տեղի ունեցավ ռեժիսոր Արամ Շահբազյանի (պրոդյուսերներ` Արա Մնացականյան, Մելիք Կարապետյան) հետարտադրական փուլում գտնվող «Չնչիկ» ֆիլմի աշխատանքային տարբերակի դրվագների ցուցադրությունը: Կինոնկարի հոլանդացի համաարտադրող Էլս Վանդեվորստը խոսելով ֆիլմի մասին, նշեց, որ այն բավականին երկար ճանապարհ է անցել և այժմ գտնվում է մոնտաժային աշխատանքների փուլում, որոնք կսկսվեն հունիսի 1-ից: Տիկին Էլսը նշեց նաև, որ կինոնկարի նախագծի մեկնարկը ֆինանսավորվել է «Ավանտի» նախագծերի և սցենարների զարգացման աջակցության ծրագրի կողմից: Էլս Վանդեվորստը ներկայացրեց կինոնկարի աշխատանքային տարբերակից հատվածներ և լուսանկարներ, որոնք արժանացան ներկաների հավանությանը: Ազգային կինոկենտրոնի տնօրեն Գևորգ Գևորգյանի խոսքերով, այս տարի իրենք նախատեսել են Կաննի կինոշուկայում կազմակերպելու և ներկայացնելու ևս մի քանի այլ հետարտադրական փուլում գտնվող ֆիլմերի աշխատանքային նյութերը, որոնք նոր գործընկերների կարիք ունեն: Ազգային կինոկենտրոնի աջակցությամբ նկարահանված այդ ֆիլմերը Կաննի կինոշուկայում ներկայացնելու համար իրենք նախապես ստացել են դրանց պրոդյուսերների համաձայնությունը: Գ.Գևորգյանը վստահեցնում է, որ աշխատանքային նյութերի ցուցադրությունները կինոշուկայում կնպաստեն նոր գորընկերների ձեռքբերմանը: Ֆիլմի ռեժիսոր Արամ Շահբազյանը, ով հայկական պատվիրակության հետ այս օրերին գտնվում է Կաննում, նշեց, որ ինքը զբաղվում է միայն կինոնկարի ստեղծագործական հատվածով, իսկ մնացածը վստահված է պրոդյուսերներին (Արա Մնացականյան, Մելիք Կարապետյան): «Ներկայումս ֆիլմն ունի ֆինանսկան խնդիրներ, և այս ցուցադրությունը թերևս լավ հնարավորություն է նոր գործընկերներ գտնելու`այն ավարտին հասցնելու համար»,- ասաց ռեժիսորը: Նույն օրը, Հայաստանի ազգային կինոկենտրոնի տնօրեն Գևորգ Գևորգյանը հանդիպեց նաև չեխական «Բարանդով» ընկերության ներկայացուցիչների հետ: Հանդիպման ընթացքում քննարկվեցին համատեղ արտադրության մի քանի ծրագրեր, ինչպես նաև պայմանավորվածություն ձեռք բերվեց աշնանը Երևանում կազմակերպել «Բարանդով» ստուդիայի շնորհանդեսը, ինչպես նաև «Մոսկվա» կինոթատրոնում ցուցադրել մեկ մանկական ֆիլմ: Մայիսի 14-ին ֆրանսիական Կաննի հայկական տաղավարում տեղի ունեցավ երեկոյան կոկտեյլ, հաղորդում է Հայաստանի ազգային կինոկենտրոնի մամուլի ծառայությունը:  Ուշագրավ Տիգրան Ավինյանն ու Գրեգորի Դուսեն այցելել են պատմական թաղամաս Snap-ը պլատինե երգի կարգավիճակ է ստացել նաև մի քանի այլ երկրներում Հայկական դուդուկի երաժշտությունը ՅՈՒՆԵՍԿՕ-ի ցանկում է ընդգրկվել դեռևս 2008 թ․ Ցուցադրությունը կազմակերպվում է այս երեք ֆիլմերի Պոմպիդու կենտրոնին հանձնման արարողության առիթով   Ամենաընթերցվողը բաժնում |  Վերջին լուրեր ՊՆ․ Զինծառայողների հարազատները ծանրոցներ ուղարկում են բացառապես կամավոր  Նշվում է, որ զինծառայողների թիկունքային ապահովման բոլոր աշխատանքները պատշաճ իրականացվում ենԱՄՆ սենատորները կոչ են արել Բայդենին հակազդել մամուլի ազատության դեմ հարձակումներին՝ այդ թվում Ադրբեջանում Նշվում է, որ վերջին ամիսներին Ադրբեջանում 10 լրագրող է կալանավորվելԲելառուսն Արցախում 420 ընտանիքի համար բնակավայր կկառուցի Հայտարարվել է, որ ավանը կկառուցվի Աղդամի շրջանումՀՀ և Հորդանանի ԱԳՆ-ները մտահոգություն են հայտնել Երուսաղեմի հայկական թաղամասում ստեղծված իրավիճակի վերաբերյալ Կոստանյանը ներկայացրել է «Խաղաղության խաչմերուկ» նախագիծը |
