Հայ երիտասարդներն անցկացրել են թմրանյութերի դեմ պայքարին նվիրված ակցիա25 հունիսի 2011 - 18:25 AMT PanARMENIAN.Net - Հայաստանի երիտասարդական հիմնադրամը ՀՀԿ երիտասարդական կազմակերպության հետ համատեղ հունիսի 24-ի երեկոյան Շառլ Ազնավուրի անվան հրապարակում Թմրանյութերի չարաշահման և ապօրինի շրջանառության դեմ պայքարի միջազգային օրվա առթիվ անցկացրին «Նկարում ենք կյանք» խորագրով ծրագիրը։ «Ծրագրի հիմնական նպատակը թմրամոլության վատ հետևանքների մասին բարձրաձայնելն է, երևույթի վրա հասարակության ուշադրությունը սևեռելը, քանի որ շատ հաճախ երիտասարդների շրջանում ինֆորմացիայի պակաս կա, իսկ նման միջոցառումները երիտասարդներին խնդիրն ավելի հասանելի են դարձնում և հասարակությանն ուղղորդում դեպի առողջ ապրելակերպ։ Թեև Հայաստանում վերջին տարիներին արձանագրվել է թմրամոլության աճ, սակայն հարևան հանրապետությունների հետ համեմատած՝ մեզ մոտ խնդիրն այնքան էլ մեծ չէ։ Բայց, այդուհանդերձ, խնդիրը մտահոգիչ է, և մենք ամեն ինչ պետք է անենք, որպեսզի ավելի ու ավելի քիչ երիտասարդներ դիմեն թմրամոլություն կոչվող չարիքին»,- նշեց Հայաստանի երիտասարդական հիմնադրամի հոգաբարձուների խորհրդի համակարգող, ԱԺ պատգամավոր Կարեն Ավագյանը։ Հայաստանի երիտասարդական հիմնադրամի գործադիր տնօրեն Ալեքսանդր Տեր-Հովակիմյանը նշեց, որ «Նկարում ենք կյանք» ծրագիրն ունի նաև մշակութային բաղադրիչ. համերգային ծրագրով ելույթ էր ունենում «Արմենոիդս» խումբը։ Երևանի գեղարվեստի պետական ակադեմիայի և Երևանի Փ. Թերլեմեզյանի անվան պետական քոլեջի ուսանողների՝ Շառլ Ազնավուրի անվան հրապարակում նկարած նկարները կտրամադրվեն բուժհաստատություններին։ Հայաստանի երիտասարդական հիմնադրամի առողջապահական ծրագրերի ղեկավար Արուսյակ Պողոսյանը նշեց, որ նման միջոցառումները կծառայեն ոչ միայն որպես վտանգի ազդակ, այլև խնդրի նկատմամբ կհրավիրեն հանրության ուշադրությունը. «Թմրամոլությունը կանխարգելելու համար պետք է առավել զգոն լինենք` հասկանալով, որ այս պայքարում հասարակության տարբեր շերտերի համագործակցության պարագայում միայն կարելի է կասեցնել չարիքը», հաղորդում է Հայաստանի երիտասարդական հիմնադրամի մամլո ծառայությունը։ Ուշագրավ Պահանջն առնչվում է նրա հետ փոխկապակցված 7 անձի Վարդանյանն ասել է, որ գտնվում է մեկուսացման խցում Նրանք ձերբակալվել են խուլիգանական արարքների կատարման մեջ մասնակցության կասկածանքով Փաշազադեն հայտարարել էր, թե «հայկական եկեղեցին, ռևանշիզմ է քարոզում” Ամենաընթերցվողը բաժնում | Կոլումբիան խզում է հարաբերություններն Իսրայելի հետ Գազայի հատվածի շրջափակումը այդ երկրի նախագահը «ցեղասպանություն» է անվանել ՀՀ և Ուկրաինայի ԱԳ նախարարները հեռախոսազրույցում անդրադարձել են տարածաշրջանային հարցերի Միրզոյանն ընդգծել է սահմանազատման գործընթացում տարածքային ամբողջականության սկզբունքի անվերապահ հարգման կարևորությունը ԱՄՆ–ն կշարունակի աջակցել ՀՀ-ում պաշտպանական բարեփոխումներին Պապաիկյանն ու ԱՄՆ դեսպանը քննարկել են համագործակցության ներկայիս ընթացքը և զարգացման հեռանկարները Առողջապահության նախարարին պաշտոնից ազատելու լուրերը հերքվել են Ավելի վաղ խուզարկություններ են իրականացվել առողջապահության նախարարությունում և բուժհաստատություններից մեկում |