  Կազանից առաջ Արևմուտքն Ալիևի հետ հատուկ աշխատանք է տարել, համոզված է ռուս փորձագետը  28 հունիսի 2011 - 15:20 AMTPanARMENIAN.Net - Մինչ Կազանի հանդիպումն արևմտյան ուժերն Ադրբեջանի նախագահ Իլհամ Ալիևի հետ հատուկ աշխատանք են տարել, որպեսզի հանդիպմանը չստորագրվի փաստաթուղթ: Այդ մասին Երևան-Մոսկվա հեռուստակամրջի ընթացքում հայտարարել է Սևծովյան և Կասպից տարածաշրջանի քաղաքական և սոցիալական հետազոտությունների ինստիտուտի տնօրեն Վլադիմիր Զախարովը: Ռուս փորձագետի համոզմամբ, միայն այդպես կարելի է բացատրել այն հանգամանքը, թե ինչու հանդիպմանն Ալիևը ներկայացրեց 10 նոր առաջարկ: «Բանն այն է, որ ԱՄՆ չի հրաժարվել Իրանի հետ պատերազմ սկսելու մտքից, որը նախատեսված է 2012-ին: Որքան աճում է պատերազմի հավանականությունը, այնքան ակնհայտ է, որ անհրաժեշտ է ունենալ Իրանին մոտ տարածքներ, որտեղից կարող են երկինք բարձրանալ ամերիկյան ինքնաթիռները: Ադրբեջանի հետ դա չի ստացվի, իսկ ահա Ղարաբաղը կարելի է օգտագործել որպես վայրէջքի և վերելքի հարթակ ամերիկյան ինքնաթիռների համար»,- ասել է Զախարովը: Ռուս փորձագետի կարծիքով, առաջիկայում հեռանկարներ չկան ղարաբաղյան հակամարտության կարգավորման համար, քանի որ չափազանց շատ խաղացողներ են ցանկանում զբաղվել այս հակամարտությամբ: Հունիսի 24-ին Կազանում Հայաստանի, Ռուսաստանի և Ադրբեջանի նախագահների հանդիպումն ավարտվեց առանց Լեռնային Ղարաբաղի հակամարտության կարգավորման շուրջ հիմնարար սկզբունքների մասին պայմանավորվածությունների ձեռքբերման: Կողմերը համատեղ հայտարարություն ընդունեցին, որում առաջընթաց են արձանագրել այդ նպատակին հասնելու ճանապարհին: «Պետությունների ղեկավարներն արձանագրել են փոխըմբռնման ձեռքբերումն այն հարցերի շուրջ, որոնց լուծումը նպաստում է հիմնարար սկզբունքներին համաձայնելու համար պայմանների ստեղծմանը»,- ասվում է նախագահների հայտարարության մեջ: Փաստաթղթում ասվում է, որ հանդիպման մասնակիցները դիտարկել են հիմնարար սկզբունքների նախագծի համաձայնեցման նպատակով իրականացվող աշխատանքների ընթացքը: Ադրբեջանի և Հայաստանի նախագահներն իրենց երախտագիտությունն են հայտնել Ռուսաստանի, ԱՄՆ և Ֆրանսիայի առաջնորդներին, որոնք ԵԱՀԿ Մինսկի խմբի համանախագահներն են, «Լեռնային Ղարաբաղի հիմնախնդրի կարգավորման հանդեպ նրանց մշտական ուշադրության համար»: Նրանք բարձր են գնահատել ՌԴ նախագահի անձնական ջանքերը պայմանավորվածությունների ձեռքբերմանն աջակցելու գործում, ասվում է համատեղ հայտարարության մեջ:   Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար Շատերը զրկվել են տանիքից և գիշերում են փողոցում   |  Սյուժե Վերջին լուրեր ՀՀ և Ղազախստանի ԱԳ նախարարները շեշտել են սահմանազատման գործընթացում Ալմաթիի հռչակագրի նշանակությունը  Անդրադարձ է կատարվել տարածաշրջանային տնտեսական ու տրանսպորտային փոխկապակցվածության հարցերինՕսկանյան. Անցումային շրջանի համար վարչապետի ամենահարմար թեկնածուն Բագրատ սրբազանն է Նա նշել է, որ Փաշինյանի հրաժարականի պահանջն արդար և կարելի է իրականացնել սահմանադրական ճանապարհովԵրևանի տարբեր հատվածներում անհնազանդության ակցիաներ են «Ինձ ասում են կոնկերտ ասեմ փողոց փակեք, ոչ թե ակցիաներ արեք, ասում եմ փողոց փակեք»,–ասել է սրբազանը«Ավրորա» մրցանակին է արժանացել բժիշկ և իրավապաշտպան Դենիս Մուկվեգեն Կոնգոյից Արարողությունը տեղի է ունեցել Լոս Անջելեսում |
