  Հայաստանում հանդիսավոր կերպով նշել են Երկաթուղայինի օրը 6 օգոստոսի 2011 - 14:37 AMT PanARMENIAN.Net - Երևանում` «Հարավկովկասյան երկաթուղի» ՓԲԸ կենտրոնական գրասենյակում, կայացել է Երկաթուղայինի օրվան նվիրված հանդիսավոր միջոցառում: Միջոցառման շրջանակում ընկերության լավագույն աշխատակիցները պարգևատրվել են Հայաստանի Ազգային Ժողովի խոսնակ Հովիկ Աբրահամյանի, ՀԿԵ, ՌԵ, ինչպես նաև ՀՀ տրանսպորտի նախարարության անունից: Պարգևատրված աշխատակիցներին հանձնվել են շնորհակալագրեր, անվանական ժամացույցներ, դրամական մրցանակներ, երեք աշխատակիցների ՀԿԵ, իսկ մեկին ՌԵ անունից «Պատվավոր երկաթուղայինի» շքանշան է հանձնվել: «Սրտանց շնորհավորում եմ բոլորիդ Երկաթուղայինի օրվա կապակցությամբ»,- պարգևատրման արարողության ժամանակ ասել է Հայաստանի տրանսպորտի և կապի նախարար Մանուկ Վարդանյանը: Նա գոհունակությամբ նշել է այն մեծ աշխատանքը, որը վերջին տարիներին երկաթուղու աշխատանքի բարելավման ուղղությամբ իրականացրել են ՀԿԵ ղեկավարությունն ու աշխատակիցները Հայաստանի տրանսպորտի նախարարության հետ համատեղ: ՀԿԵ գլխավոր տնօրեն Շևկեթ Շայդուլլինն իր հերթին նշել է ընկերության ձեռք բերած հաջողությունները, մասնավորապես` բեռնափոխադրումների ծավալի աճը, ինչպես նաև առանձնակի ուշադրություն դարձրել ընկերության աշխատակազմի հետ տարած աշխատանքի վրա:   Ուշագրավ «Ամեն բնակչի կողքին 15 ոստիկան է կանգնած, անձնագրով են ներս թողնում միայն Կիրանցի բնակիչներին»,–ասել է վարչական ղեկավարը Որոշ դեպքերում անձանց ազատությունից զրկելիս չեն ներկայացվում նրանց ազատությունից զրկելու հիմքերն ու պատճառները Պահանջն առնչվում է նրա հետ փոխկապակցված 7 անձի Վարդանյանն ասել է, որ գտնվում է մեկուսացման խցում   Ամենաընթերցվողը բաժնում |  Վերջին լուրեր ԱՄՆ կոնգրեսականին մեղադրանք է առաջադրվել Ադրբեջանից տարիներ շարունակ կաշառք ստանալու համար  Նույն գործով անցնում է նաև կոնգրեսականի կինըՄԻՊ․ Անթույլատրելի է աուտիզմով մարդկանց ծաղրելու տեսարան պարունակող տեսանյութի տարածումը Պաշտպանն օգտատերերին հորդորել է հեռացնել վերոնշյալ տեսանյութը և բացառել դրա տարածումըՀՀ և Մալթայի ԱԳ նախարարները քննարկել են ԵԱՀԿ գործունեությանն ու Ադրբեջանի հետ կարգավորման զարգացումները Հայաստանի և Մալթայի ԱԳ նախարարներն անդրադարձել են տարածաշրջանային հարցերի |
