Մի շարք հայ մշակութային գործիչներ արժանացան ՀՀ Ժողովրդական արտիստի կոչմանը16 սեպտեմբերի 2011 - 22:08 AMT PanARMENIAN.Net - Այսօր` սեպտեմբերի 16-ին, Հայաստանի Հանրապետության նախագահ Սերժ Սարգսյանը ՀՀ անկախության 20-ամյակի կապակցությամբ պարգևատրեց Հայ Առաքելական եկեղեցու, գիտության, մշակույթի և սպորտի ոլորտում մեծ ավանդ ներդրած անձանց: Իր ելույթում նախագահը նշեց, որ մտավորականները միշտ եղել են անկախության գաղափարների կրողն ու քարոզողը: Նրանք ենթարկվել են հալածանքների, երբեմն կյանքն են զոհաբերել հանուն հայրենիքի: Նախագահը շեշտեց նաև Հայ Առաքելական եկեղեցու մեծ դերակատարման մասին` նշելով, որ նրանք, բացի հոգևոր առաքելությունից, կատարել են նաև մշակութային և դատական մեծ գործունեություն: Հայ Առաքելական եկեղեցու ներկայացուցիչներից նախագահը պարգևատրել է Տեր Վաչե արքեպիսկոպոս Հովսեփյանին, Տեր Ավագ արքեպիսկոպոս Ասատուրյանին և Պարգև արքեպիսկոպոս Մարտիրոսյանին: Մշակույթի ոլորտում նշանակալի ավանդի համար պարգևատրվել են երգիչներ Օֆելյա Համբարձումյանը և Ռուբեն Մաթևոսյանը, կոմպոզիտորներ Ալեքսանդր Հարությունյանը և Տիգրան Մանսուրյանը: Հայրենիքին մատուցած ծառայությունների համար նախագահը 1-ին աստիճանի մեդալով պարգևատրեց դերասանուհի Ժենյա Ավետիսյանին, 2-րդ աստիճանի մեդալով` գրող Արտեմ Հարությունյանին: Գիտության վաստակավոր գործչի կոչման են արժանացել ԳԱԱ ակադեմիկոսներ Ռոբերտ Աթոյանը, Էդուարդ Խաչեյանը, ԵՊՀ պրոֆեսոր Գևորգ Բաղդասարյանը, ԵՊՀ հայոց լեզվի ամբիոնի վարիչ Լևոն Եզեկյանը, Երևանի պետական ագրարային համալսարանի ռեկտոր Արշալույս Թարվերդյանը: ՀՀ Ժողովրդական արտիստի կոչման արժանացան կոմպոզիտոր Վլադիլեն Բալյանը, Գեղունի Չիտչյանը, Գյումրու Վ. Աճեմյանի անվան դրամատիկական թատրոնի գեղարվեստական ղեկավար Նիկոլայ Ծատուրյանը, երգիչներ Ֆլորա Մարտիրոսյանը և Թովմաս Պողոսյանը, կոմպոզիտոր Մարտին Վարդազարյանը: Ժողովրդական նկարչի կոչման արժանացավ Ստեփան Անդրանիկյանը: Սպորտի ոլորտում Հայրենիքին մատուցած ծառայությունների համար նախագահը 1-ին աստիճանի մեդալով պարգևատրեց բռնցքամարտիկներ Արթուր Աբրահամին և Վախթանգ Դարչինյանին, նախկին ֆուտբոլիստներ Արկադի Անդրեասյանին և Էդուարդ Մարկարովին, իսկ Սպորտի վաստակավոր գործչի կոչման արժանացրեց ֆուտբոլիստ Հովհաննես Զանազանյանին: Ուշագրավ
«Ամեն բնակչի կողքին 15 ոստիկան է կանգնած, անձնագրով են ներս թողնում միայն Կիրանցի բնակիչներին»,–ասել է վարչական ղեկավարը Որոշ դեպքերում անձանց ազատությունից զրկելիս չեն ներկայացվում նրանց ազատությունից զրկելու հիմքերն ու պատճառները Պահանջն առնչվում է նրա հետ փոխկապակցված 7 անձի Վարդանյանն ասել է, որ գտնվում է մեկուսացման խցում Ամենաընթերցվողը բաժնում | Զախարովա․ ՀՀ-ն շարունակում է ՀԱՊԿ լիարժեք անդամ մնալ իր համապատասխան պարտավորություններով Նա նաև ասել է, որ ՌԴ–ն կասկածի տակ չի դնում իր արտաքին քաղաքական կուրսն ընտրելու ՀՀ սուվերեն իրավունքը Կուպմանը Բաքվում ասել է, որ Եվրահանձնաժողովը ողջունում է ՀՀ-ի և Ադրբեջանի միջև վերջին պայմանավորվածությունները Նա ասել է, որ Եվրահանձնաժողովում դրական են գնահատում Հարավային Կովկասում վերջին իրադարձությունները ԱՄՆ–ն պատժամիջոցներ է սահմանել որոշ թուրքական և ադրբեջանական ընկերությունների դեմ՝ ՌԴ–ին աջակցելու համար Պատժամիջոցներն առնչվում են այն ընկերություններին և ֆիզիկական անձանց, որոնք օգնում են Մոսկվային ռազմական բաղադրիչներ ստանալ Էրդողան․ Թուրքիան որոշել է խզել առևտրային կապերն Իսրայելի հետ Առևտրաշրջանառությունը երկրների միջև հասնում է 9․5 մլրդ դոլարի |