Մուսֆաթա Ջասեմ ալ Շամալի. Իրան-Հայաստան երկաթուղին կծառայի ինչպես Հայաստանի բարօրությանը, այնպես էլ Քուվեյթի 5 հոկտեմբերի 2011 - 13:39 AMT PanARMENIAN.Net - Քուվեյթը մտադիր է մասնակցել Հայաստանում խոշոր ենթակառուցվածքային ծրագրերի իրագործմանը, այդ մասին Հայաստանի փոխվարչապետ Արմեն Գևորգյանի հետ համատեղ մամլո ասուլիսում հայտարարել է Քուվեյթի ֆինանսների նախարար Մուսթաֆա Ջասեմ ալ Շամալին: «Մենք ցանկանում ենք, որպեսզի Քուվեյթը դառնա Հայաստանում իրագործվող ծրագրերի մասը: Մեր երկիրն ուշադրություն է դարձնում տրանսպորտի ոլորտին, իսկ Իրան-Հայաստան երկաթուղու շինարարությունը ծառայելու է Հայաստանի և Քուվեյթի բարօրությանը»,- նշել է նա: Իր հերթին Հայաստանի փոխվարչապետը հավելել է, որ Իրան-Հայաստան երկաթուղու շինարարության նախագծից բացի Քուվեյթը շահագրգռված է նաև ենթակառուցվածքային նախագծերում, մասնավորապես, Հյուսիս-Հարավ ավտոմայրուղու շինարարության մեջ: Երևանում հոկտեմբերի 5-ին կայացավ Հայ-քուվեյթական միջկառավարական հանձնաժողովի անդրանիկ նիստը` ՀՀ փոխվարչապետ, տարածքային կառավարման նախարար Արմեն Գևորգյանի և Քուվեյթի Պետության ֆինանսների նախարար Մուստաֆա Ջասեմ ալ Շամալիի համանախագահությամբ: Նիստում քննարկվեցին տնտեսական, առևտրի, ներդրումների, գիտատեխնիկական, կրթական և մշակութային ոլորտներում համագործակցության ներկա վիճակը և զարգացման հեռանկարները, կարևորվեց առևտրատնտեսական հարաբերությունների խորացման և ընդլայնման անհրաժեշտությունը: Արձանագրվեց, որ վերջին շրջանում երկկողմ շփումների ակտիվացում է նկատվում, ինչին նպաստել են բարձր մակարդակով փոխայցելությունները, ինչպես նաև Քուվեյթում Հայաստանի դեսպանատան բացումը: Նշվեց, որ առաջիկայում Հայաստանում Քուվեյթի դիվանագիտական ներկայացուցչության հիմնումը կարևոր նշանակություն կունենա երկկողմ հարաբերությունների զարգացման և ամրապնդման համար: Ուշագրավ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը Բանկի զեկույցում նշվում է, որ Հայաստանի տնտեսական ակտիվությունն ավելացել է 10․4 տոկոսով հունվար–օգոստոսին Տարհանված քաղաքացիների ֆինանսական սպասարկման հետ կապված կարող են խնդիրներ առաջանալ հիմնականում գրավադրված գույքի (ոսկով գրավադրված վարկերի) ֆիզիկական առկայության մասով Ամենաընթերցվողը բաժնում | Բագրատ սրբազան․ Մեծ հանդիպում ենք նախատեսում բոլոր քաղուժերի հետ` քննարկվելու է վարչապետի թեկնածուի հարցը Նա նշել է, որ Բաքվի բանտերում պահվող Արցախի ղեկավարության հետ աղ ու հաց են կիսել, բայց հարցը չեն բարձրաձայնում Փաշինյանը՝ Ադրբեջանի հետ խաղաղ գործընթացի մասին. Տիեզերք թռիչքները ևս անիրական էին թվում Նա ընդգծել է, որ ՀՀ ռազմավարությունն ուղղված է տարածաշրջանի հարևանների հետ տնտեսական ինտեգրման խորացմանը Ուրուգվայի Ներկայացուցիչների պալատը միաձայն ընդունել է ապրիլի 24-ը Հայոց ցեղասպանության հիշատակի օր հռչակող օրինագիծը Նախաձեռնությունը Սենատի կողմից հավանության էր արժանացել մայիսի 7-ին ՀՀ–ն և Սլովակիան պայմանավորվել են ռազմատեխնիկական գործակցության շուրջ Կարեն Բրուտյանի գլխավորած պատվիրակությունը Բրատիսլավայում է |