Ճարտարապետ Ռաֆայել Իսրայելյանի տունը Երևանում այլևս չկա. Բառացիորեն մեկ օրում այն հողին է հավասարեցվել 10 հոկտեմբերի 2011 - 21:21 AMT PanARMENIAN.Net - Հայտնի ճարտարապետ Ռաֆայել Իսրայելյանի տունը Երևանում այլևս գոյություն չունի: Բառացիորեն մեկ օրում տունը, որտեղ բնակվել է «Սարդարապատի ճակատամարտ» հուշահամալիրի, Հաղթանակի հուշարձանի հեղինակը, հողին է հավասարեցվել: Հոկտեմբերի 8-ին PanARMENIAN.Net ը լուսանկարչական տեսանյութ և փոքր հոդված հրապարակեց Իսրայելյանի տան ոչնչացման մասին, որը կառուցվել է նրա իսկ կողմից 1954 թվականին, և որի պատերի որոշ զարդաքանդակներ նա ինքն է փորագրել սեփական ձեռքերով: Լուսանկարների հրապարակումից հետո Ինտերնետի հայկական սեգմենտում վրդովմունքի ալիք բարձրացավ, Facebook սոցիալական ցանցում վանդալիզմի հակառակորդների խումբ ստեղծվեց, նույն Facebook-ում Երևանի քաղաքապետ Կարեն Կարապետյանի էջում հայտնվեցին կոչեր` դադարեցնելու Հայաստանի համար այդքան բան արած մարդու տան ոչնչացումը: Իսկ այսօր` հոկտեմբերի 10-ին, Սարյան փողոցում` նույն տեղում, որտեղ դեռևս մի քանի օր առաջ կանգուն էին տան պատերը, միայն շինարարական աղբի սարեր են խոյանում: Եվ կասկածելու առիթ անգամ չկա, որ շուտով այդ տեղում հերթական հյուրանոցային համալիրն է կառուցվելու: Ինչպես ավելի վաղ հայտնել էր ճարտարապետ Սարհատ Պետրոսյանը, այդ տարածքը, ըստ Երևանի Կենտրոնի գոտիավորման հատակագծի, հանդիսանում է ցածրահարկ բնակելի կառուցապատման գոտի, և նշված նախագիծը հակասում է Երևանի քաղաքապետարանի պատվերով կատարված գոտիավորման նախագծին։ Իր հերթին ճարտարապետ Արսեն Կարապետյանը PanARMENIAN.Net ի թղթակցի հետ զրույցում հայտարարել էր. «Կարելի է մատների վրա հաշվել այն շենքերը, որոնք պահպանում են մեր քաղաքի հիշողությունը»: Ըստ նրա, Իսրայելյանն այն մարդն էր, որն արժանի է, որ նրա տունը պահպանվի: «Նրա ավանդը հայկական ճարտարապետության մեջ այնքան մեծ է, որ հերթական հյուրանոցը կառուցելու փոխարեն ավելի ճիշտ կլիներ այն վերածել տուն-թանգարանի»,- ասել է նա : Ըստ նրա, Երևանը վերածվում է հիշողություն չունեցող մի քաղաքի: Ռաֆայել Իսրայելյանի նախագծերով կառուցվել է շուրջ 150 շենք: Նա ստեղծել է հուշակոթողների նոր տեսակ` ոչ մեծ հուշարձան-կոթողներ` ի հիշատակ Հայրենական Մեծ պատերազմի հերոսներին: Իսկ տունը, որտեղ ապրում էր գործընկերների հարգանքը վայելող և Երևանը, ինչպես և ողջ Հայաստանը ավելի գեղեցիկ դարձնել ձգտող հայտնի ճարտարապետը, արժանացավ ոչ նախանձելի ճակատագրի. ոչնչացվեց, ինչպես սերունդներ անց, հնարավոր է, կոչնչանա իրենց կյանքը հայրենիքին նվիրած մարդկանց հիշատակը: Ուշագրավ
«Ամեն բնակչի կողքին 15 ոստիկան է կանգնած, անձնագրով են ներս թողնում միայն Կիրանցի բնակիչներին»,–ասել է վարչական ղեկավարը Որոշ դեպքերում անձանց ազատությունից զրկելիս չեն ներկայացվում նրանց ազատությունից զրկելու հիմքերն ու պատճառները Պահանջն առնչվում է նրա հետ փոխկապակցված 7 անձի Վարդանյանն ասել է, որ գտնվում է մեկուսացման խցում Ամենաընթերցվողը բաժնում | Զախարովա․ ՀՀ-ն շարունակում է ՀԱՊԿ լիարժեք անդամ մնալ իր համապատասխան պարտավորություններով Նա նաև ասել է, որ ՌԴ–ն կասկածի տակ չի դնում իր արտաքին քաղաքական կուրսն ընտրելու ՀՀ սուվերեն իրավունքը Կուպմանը Բաքվում ասել է, որ Եվրահանձնաժողովը ողջունում է ՀՀ-ի և Ադրբեջանի միջև վերջին պայմանավորվածությունները Նա ասել է, որ Եվրահանձնաժողովում դրական են գնահատում Հարավային Կովկասում վերջին իրադարձությունները ԱՄՆ–ն պատժամիջոցներ է սահմանել որոշ թուրքական և ադրբեջանական ընկերությունների դեմ՝ ՌԴ–ին աջակցելու համար Պատժամիջոցներն առնչվում են այն ընկերություններին և ֆիզիկական անձանց, որոնք օգնում են Մոսկվային ռազմական բաղադրիչներ ստանալ Էրդողան․ Թուրքիան որոշել է խզել առևտրային կապերն Իսրայելի հետ Առևտրաշրջանառությունը երկրների միջև հասնում է 9․5 մլրդ դոլարի |