Փոխվարչապետ Արմեն Գևորգյանն աշխատանքային այցով մեկնել է Շիրակի մարզ26 դեկտեմբերի 2011 - 18:35 AMT PanARMENIAN.Net - ՀՀ փոխվարչապետ, տարածքային կառավարման նախարար Արմեն Գեւորգյանն այսօր մեկնեց Շիրակի մարզ` այցն սկսելով Աշոցքի տարածաշրջանից: Աշոցքի համայնքապետարանում տարածաշրջանի համայնքների ղեկավարների մասնակցությամբ անցկացված խորհրդակցության ընթացքում քննարկվեցին սեփական եկամուտների հավաքագրմանը, ընթացիկ խնդիրներին առնչվող հարցեր: Հաշվի առնելով, որ համայնքներում արձանագրվել է եկամուտների հավաքագրման` միջինից ցածր մակարդակ, փոխվարչապետը հորդորեց քայլեր ձեռնարկել ցուցանիշների բարելավման ուղղությամբ: Քննարկվեցին նաեւ համայնքապետերի կողմից հողօգտագործմանը, հարկային վարչարարության օրենսդրության կիրառման առանձնահատկություններին վերաբերող հարցեր: Փոխվարչապետին զեկուցվեց նաեւ մարզի առաջնահերթ խնդիրների լուծման ծրագրի ընթացքի մասին. ծրագրի առաջին մասով նախատեսված աշխատանքներն ամբողջությամբ ավարտվել են, երկրորդ մասով եւս որոշակի միջոցառումներ իրականացվել են, եւ աշխատանքները կշարունակվեն գարնանը: Համայնքի ղեկավարները բարձրացրեցին միջհամայնքային ճանապարհների` ձմեռային շրջանում պահպանության խնդիրը, ինչն առաջնահերթ է` հաշվի առնելով տարածաշրջանի խիստ եղանակային պայմանները: Այդ նպատակով նրանք լրացուցիչ օժանդակություն են ակնկալում կառավարությունից: Փոխվարչապետը տեղում ծանոթացավ նաեւ համայնքում «Հայաստան» հիմնադրամի կողմից կառուցվող դպրոցի շինաշխատանքների ընթացքին: Նշվեց, որ աշխատանքները կավարտվեն 2013թ. գարնանը: Մարզպետ Ա. Գիզիրյանի ուղեկցությամբ փոխվարչապետը եղավ նաեւ Մայիսյան համայնքում, ծանոթացավ նորակառույց մշակույթի տան պայմաններին: Մարզի առաջնահերթ խնդիրների լուծման ծրագրի առաջին մասով համայնքում նոր մշակույթի տան կառուցման նպատակով հատկացվել էր 160 մլն դրամ, ծրագրի երկրորդ մասով`եւս 12 մլն դրամ` բարեկարգման համար: Աշխատանքներն արդեն ամբողջությամբ ավարտված են, եւ փոխվարչապետին զեկուցվեց, որ մշակույթի տունը պատրաստ է շահագործման: Նշենք, որ համայնքի մշակույթի տունը փլուզվել էր 1988թ. երկրաշարժի ժամանակ: Շիրակի մարզպետարանում առողջապահության նախարար Հարություն Քուշկյանի մասնակցությամբ քննարկվեցին մարզում առաողջապահական հաստատությունների ներկա վիճակին, դրանց արդիականացմանն առնչվող հարցեր: Քննարկվեցին նաեւ ընթացիկ այլ խնդիրներ: Փոխվարչապետը, առողջապահության նախարարի, մարզպետի եւ Գյումրիի քաղաքապետի ուղեկցությամբ եղավ նաեւ Գյումրիի նոր բժշկական կենտրոնի շինհրապարակում, ծանոթացավ կատարվող աշխատանքների ընթացքին: Նոր բժշկական կենտրոնը կառուցվում է ՀԲ կողմից ֆինանսավորվող «Առողջապահության համակարգի արդիականացում» ծրագրի շրջանակում: Շինարարական աշխատանքները մեկնարկել են 2010թ. սեպտեմբերին: Շինարարությունն իրականացնող ընկերության ղեկավարները տեղեկացրեցին, որ աշխատանքները նախատեսվում է ավարտել 2012թ ապրիլի վերջին: Ստեղծվելու է արդի բազմապրոֆիլային բժշկական կենտրոն` լայն ախտորոշիչ հնարավորություններով, վերազինված ժամանակակից սարքավորումներով: Ներդրումների ընդհանուր ծավալը կազմում է 4,6 մլրդ դրամ: Փոխվարչապետը ներկա գտնվեց նաեւ Գյումրիի տարածքային հարկային տեսչության սպասարկման կենտրոնի բացման արարողությանը, որին մասնակցում էին ՊԵԿ նախագահ Գագիկ Խաչատրյանը, մարզային եւ համայնքային իշխանությունների ներկյացուցիչներ: Հիմնանորոգված կենտրոնը սպասարկելու է Գյումրիի, Ամասիայի, Աշոցքի եւ Ախուրյանի ավելի քան 3800 գործող հարկ վճարողների: Նոր պայմանները հնարավորություն կընձեռեն նվազեցնել հարկային տեսուչ-հարկատու շփումը, կենտրոնում գործելու է մեկ պատուհանի սկզբունքը: Հյուրերը շրջայց կատարեցին կենտրոնում, ծանոթացան ստեղծված պայմաններին եւ հնարավորություններին, հայտնում է ՀՀ տարածքային կառավարման նախարարության հասարակայնության հետ կապերի բաժինը: Ուշագրավ
«Ամեն բնակչի կողքին 15 ոստիկան է կանգնած, անձնագրով են ներս թողնում միայն Կիրանցի բնակիչներին»,–ասել է վարչական ղեկավարը Որոշ դեպքերում անձանց ազատությունից զրկելիս չեն ներկայացվում նրանց ազատությունից զրկելու հիմքերն ու պատճառները Պահանջն առնչվում է նրա հետ փոխկապակցված 7 անձի Վարդանյանն ասել է, որ գտնվում է մեկուսացման խցում Ամենաընթերցվողը բաժնում | Զախարովա․ ՀՀ-ն շարունակում է ՀԱՊԿ լիարժեք անդամ մնալ իր համապատասխան պարտավորություններով Նա նաև ասել է, որ ՌԴ–ն կասկածի տակ չի դնում իր արտաքին քաղաքական կուրսն ընտրելու ՀՀ սուվերեն իրավունքը Կուպմանը Բաքվում ասել է, որ Եվրահանձնաժողովը ողջունում է ՀՀ-ի և Ադրբեջանի միջև վերջին պայմանավորվածությունները Նա ասել է, որ Եվրահանձնաժողովում դրական են գնահատում Հարավային Կովկասում վերջին իրադարձությունները ԱՄՆ–ն պատժամիջոցներ է սահմանել որոշ թուրքական և ադրբեջանական ընկերությունների դեմ՝ ՌԴ–ին աջակցելու համար Պատժամիջոցներն առնչվում են այն ընկերություններին և ֆիզիկական անձանց, որոնք օգնում են Մոսկվային ռազմական բաղադրիչներ ստանալ Էրդողան․ Թուրքիան որոշել է խզել առևտրային կապերն Իսրայելի հետ Առևտրաշրջանառությունը երկրների միջև հասնում է 9․5 մլրդ դոլարի |