ԵԱՀԿ Մինսկի խումբ և Ղարաբաղ. Քաղաքական գործիչների հետ չստացվեց, փորձենք համոզել ժողովուրդների՞ն 6 մարտի 2012 - 21:24 AMT PanARMENIAN.Net - ԵԱՀԿ Մինսկի խմբի համանախագահները, որոնք ավարտում են իրենց շրջագայությունը ղարաբաղյան հակամարտության գոտում, այսօր հանդես են եկել ևս մեկ հայտարարությամբ: Կարծես ոչ մի օրիգինալ ու նոր բան այդ կոնկրետ հայտարարության մեջ չկա, սակայն Բաքվում միջնորդների հնչեցրած հայտարարություններից հետո ստացվում է, որ ավելի շատ ուշադրություն է սկսել հատկացվել բանակցային գործընթացի հումանիտար-սոցիալական, քան քաղաքական բաղկացուցչին: Ինչպես ասվում է հայտարարության մեջ, ԵԱՀԿ Մինսկի խմբի համանախագահներ Ռոբերտ Բրադտկեն (ԱՄՆ), Ժակ Ֆորը (Ֆրանսիա), Իգոր Պոպովը (Ռուսաստան) և ԵԱՀԿ գործող նախագահի անձնական ներկայացուցիչ Անջեյ Կասպրշիկը Հայաստանի, Արցախի և Ադրբեջանի ղեկավարությունների հետ քննարկել են հումանիտար հարցեր, մասնավորապես` երկու ժողովրդների միջև շփումների հաստատման ուղղությամբ, ինչը «կնպաստի տարածաշրջանի ժողովուրդների միջև փոխըմբռնման զարգացմանը»: Իսկ Բաքվում ամերիկյան միջնորդ Ռոբերտ Բրադտկեն ուղղակիորեն հայտարարել է, որ միջնորդները սկսել են «հումանիտար կապեր կառուցել ժողովուրդների միջև». «Սա դեռևս սկիզբն է: Համագործակցությունն այս փուլում շատ հուսադրող է»: Հիշեցնելով, որ անցյալ տարվա դեկտեմբերին համանախագահներն այցելել էին Ադրբեջանի և Արցախի սահման` Բրադտկեն ասել է. «Մենք տեսանք, որ երկու կողմերում բնակվող մարդիկ միատեսակ խնդիրների են բախվում` ջրամատակարարում, էներգետիկ խնդիրներ: Մենք կուզենայինք ինչ-որ համագործակցություն կառուցել մարդկանց միջև, որոնք բախվում են միևնույն խնդիրներին»: Բայց հարցն ինչո՞ւմ է: Նրանում, որ կենսական կարևորություն ներկայացնող ջրամակատարարման, նույն էներգետիկ խնդիրները, ինչպես նաև շատ այլ խնդիրներ ինքնին հակամարտության հետևանքներն են միայն: Եվ միջնորդները լրջորեն կարծում են, որ ջրի ու էլեկտրաէներգիայի հետ կապված ընդհանուր խնդիրները կարող են ելակետ դառնալ արցախցիների հաշտեցման համար ադրբեջանցիների հետ, ովքեր ոչնչացնում էին հայերին Բաքվում, Սումգայիթում, Կիրովաբադում և հենց Ղարաբաղում: Կարող են Արցախի բնակիչներին ստիպել մոռանալ պատերազմի ողջ սարսափն ու հեռանալ հայրենի հողից, որի համար 20 տարի առաջ վճարել են սեփական որդիների արյա՞մբ: Իսկ ադրբեջանցիներին կարող են ստիպել հրաժարվել ժամանակին հայերին «նվիրված» հայկական իսկ հողերը խլելու փորձի՞ց: Ըստ երևույթին, իրականում ղարաբաղյան հիմնախնդրի լուծման շուրջ բանակցությունները փակուղի են մտել, հատկապես եթե հաշվի առնենք այն փաստը, որ Բաքուն պարբերաբար փորձում է խանգարել գոնե ինչ-որ առաջընթացի ձեռքբերմանը կարգավորման գործընթացում և ոչ մի կերպ չի ցանկանում հրաժարվել ռազմատենչ հայտարարություններից, որոնք օգնում են ադրբեջանական իշխանություններին շեղել իր ժողովրդի ուշադրությունը ներքին խնդիրներից` նրա էներգիան ուղղելով արտաքին թշնամու` հայի վրա: Այնպիսի տպավորություն է ստեղծվում, որ ԵԱՀԿ Մինսկի խումբը, 20 տարվա ընթացքում չկարողանալով համոզել Հայաստանի, Ղարաբաղի և Ադրբեջանի ղեկավարություններին գնալ հաշտեցման, որոշել է դիմել հասարակ ժողովրդին, որը, եթե բախտը բերի, միգուցե, կարողանա ստիպել իր իշխանություններին լուծել հակամարատությունը… Իսկ եթե ո՞չ… Մարինա Անանիկյան / PanARMENIAN News Ուշագրավ
Նրանք նաև կոչ են արել դադարեցնել Ադրբեջանին ցանկացած ռազմական օգնության Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը Ամենաընթերցվողը բաժնում | Գասպարյան․ 2022-ի սեպտեմբերի 13-ին զոհված 2 զինվորի դիերը դեռ միջդիրքային հատվածում են Չնայած նրան, որ հայկական կողմը Ադրբեջանին է տրամադրել դիերի կոորդինատները, սակայն մինչ օրս որևէ պատասխան չի ստացվել ԱՄՆ կոնգրեսականին մեղադրանք է առաջադրվել Ադրբեջանից տարիներ շարունակ կաշառք ստանալու համար Նույն գործով անցնում է նաև կոնգրեսականի կինը Բագրատ սրբազան․ Կիրանցից քայլերթով շարժվում ենք Երևան Նախատեսում են Երևան հասնել մայիսի 9-ին Կիրանցի բնակչուհի. Արդեն մենք չենք ուզում, որ ոստիկանները գնան՝ ականները հանել են, այլևս անվտանգ չէ «Երեկ ականազերծել են, թե ինչու են ոստիկանները գյուղում մնացել չգիտեմ»,–ասել է նա |