ՀՀ վարչապետ Նիկոլ Փաշինյանն օգոստոսի 17-ին նոր կառավարության գործունեության առաջին 100 օրն ամփոփող հանարահավաքում խոսել էր պետական ապարատի օպտիմալացման անհրաժեշտության մասին:

Օգոսոտոսի 17-ին Հանրապետության հրապարակում կայացել է ՀՀ վարչապետ Նիկոլ Փաշինյանի հրավիրած բազմամարդ հանրահավաքը՝ նվիրված նոր կառավարության գործունեության 100 օրվան: Փաշինյանն ամփոփել է կատարված աշխատանքը, ներկայացրել առաջիկա անելիքները, անդրադարձել հանրային հնչեղություն ունեցող ներքաղաքական և արտաքին քաղաքական հարցերին: PanARMENIAN.Net – ը ներկայացնում է վարչապետի ելույթի կարևոր դրույթները:

Օգոստոսի 17-ին Հայաստանի գործող կառավարությունը կամփոփի իր գործունեության 100 օրը, որն առաջին հերթին աչքի ընկավ երկրի տարբեր ոլորտներում նախկին կամ գործող պաշտոնյաների չարաշահումների, կոռուպցիոն գործարքների աղմկահարույց բացահայտումներով, քրեական գործերով և ձերբակալություններով: PanARMENIAN.Net ն ամփոփում է Թավշյա հեղափոխությունից հետո Հայաստանի նախկին վերնախավի ներկայացուցիչների և նրանց հետ փոխկապակցված անձանց հետ կապված քրեական բացահայտումները:

Մայիսի 8-ին ՀՀ երրորդ նախագահ Սերժ Սարգսյանի հետագա պաշտոնավարման և ՀՀԿ-ի իշխանության դեմ պայքարող շարժման առաջնորդ Նիկոլ Փաշինյանը դարձավ Հայաստանի 16-րդ վարչապետը: Արդեն նախկին ընդդիմադիր գործիչը 10 օր է, ինչ ղեկավարում է Հայաստանը: Ինչ որոշումներ են կայացրել և գործողություններ են նախաձեռնել նորընտիր վարչապետն ու իր կառավարությունն այս ընթացում՝ ամփոփում է PanARMENIAN.Net ը:

Մայիսի 8-ին ԱԺ կողմից ՀՀ վարչապետ ընտրվելուց հետո Նիկոլ Փաշինյանը հիմնովին փոխեց կառավարության կազմը. նախարարական պորտֆելներ հասան ինչպես շատերին անծանոթ, այնպես էլ նախկինում պետական պաշտոններ զբաղեցրած գործիչների: Նոր կառավարությունն աչքի է ընկնում հատկապես իր երիտասարդ նախարարներով, որոնց ղեկավարած գերատեսչություններն անկախ Հայաաստանի պատմության ընացքում երբեէ այդքան երիտասարդ գործիչներ չեն գլխավորել:

Մայիսի 9-ին Արցախում գտնվող ՀՀ նորընտիր վարչապետ Նիկոլ Փաշինյանը, անդրադառնալով ԼՂ հիմնախնդրի կարգավորմանը, ասաց, որ պատրաստ է Հայաստանի անունից բանակցել Ալիևի հետ, բայց Արցախի անունից պիտի խոսի ԼՂ իշխանությունը՝ ի դեմս նախագահ Բակո Սահակյանի:

Նախագահ Արմեն Սարգսյանի համապատասխան հրամանագրերով մայիսի 12-ին նոր նախարարներ են նշանակվել՝ համալրելով Կառավարության կազմը, որոնցից ոմանց անունները կարող են շատերին անծանոթ լինել։

Մայիսի 11-ի երեկոյան ՀՀ նախագահ Արմեն Սարգսյանը համապատասխան հրամանգրեր ստորագրեց՝ նոր կառավարության մի շարք անդամների նշանակելով: Մասնավորապես, առաջին փոխվարչապետի պաշտոնը զբաղեցնելու է Արարատ Միրզոյանը, փոխվարչապետերից մեկինը՝ Տիգրան Ավինյանը, պաշտպանության նախարարինը՝ Դավիթ Տոնոյանը, ԿԳՆ ղեկը կստանձնի Արայիկ Հարությունյանը, ՏԿԶ նախարարությունը կղեկավարի Սուրեն Պապիկյանը, իսկ սփյուռքին կներկայացնի Մխիթար Հայրապետյանը: Դրանից մեկ օր առաջ էլ ՀՀ ոստիկանապետի պաշտոնում էր նշանակվել Վալերի Օսիպյանը, իսկ վարչապետի աշխատակազմի ղեկավար՝ Էդուարդ Աղաջանյանը:

Ապրիլի 13-ից Հայաստանում մեկնարկած հանրային ընդվզման միջոցառումներն աննախադեպ էին իրենց թափով, ծավալով, բողոքի արտահայտման կրեատիվ տեխնոլոգիաներով և իհարկե զավեշտալի պահերով, որոնք մանրապատումների տեսքով դեռ երկար կշրջանառվեն հանրության շրջանում: PanARMENIAN.Net ը մեկտեղել է «թավշյա» հեղափոխության ամենադրական և զավեշտալի պահերը:

Ապրիլի 13-ից Երևանում մեկնարկեցին ՀՀ երրորդ նախագահ Սերժ Սարգսյանի վարչապետության դեմ պայքարող ընդդիմադիր ուժերի՝ «Քաղաքացիական պայմանագիր» (ՔՊ) կուսակցության «Իմ Քայլը», «Մերժիր Սերժին» նախաձեռնությունների և «Հանուն Հայաստան պետության ճակատի» հավաքները, քայլերթերն ու բողոքի այլ ակցիաներ: ՔՊ-ի «Իմ քայլը» նախաձեռնությունը պայքարը սկսել էր ավելի վաղ. կուսակցության անդամները և փոքրաթիվ համախոհներ 14-օրյա քայլարշավի էին դուրս եկել Հայաստանի տարբեր քաղաքներում և հեռավոր համայնքներում: Նրանք ապրիլի 13-ին հասան Երևանի հյուսիսային ավտոկայան: Բողոքի ոչ բռնի զանգվածային ակցիաների 11 օրը՝ ձերբակալություններից, ոստիկանության կողմից ուժի կիրառումից, երկխոսության բազմաթիվ կոչերից և ձախողված բանակցություններից հետո, Նիկոլ Փաշինյանի հայտարարած «թավշյա» հեղափոխության առաջին նպատակն իրագործվեց՝ ՀՀ նորանշական վարչապետ Սերժ Սարգսյանը՝ պաշտոնավարելով ընդամենը յոթ օր, հրաժարական տվեց: