Հայաստանի Ռազմական դոկտրինը ուղարկվել է միջազգային փորձաքննության Ռուսաստան, ՆԱՏՕ եւ ԱՄՆ24 հոկտեմբերի 2007 - 17:44 AMT PanARMENIAN.Net - Հայաստանի Ռազմական դոկտրինը ներկայացվելու է նախագահի հաստատմանը 2007 թվականի դեկտեմբերին, հայտարարել է Հայաստանի պաշտպանության նախարար Միքայել Հարությունյանը, չորեքշաբթի ելույթ ունենալով Պաշտպանության նախարարության ազգային ռազմավարական հետազոտությունների ինստիտուտում` Ռազմական դոկտրինի նախագծի փորձագիտական եւ հասարակական քննարկումներին: Նրա խոսքերով, Ռազմական դոկտրինի մշակման ժամանակացույցին համապատասխան, որը հաստատվել է Հայաստանի նախագահի կողմից, փաստաթուղթը ուղարկվելու է միջազգային փորձաքննության Ռուսաստան, ՆԱՏՕ եւ ԱՄՆ:«Մինչեւ հոկտեմբերի վերջ մենք կստանանք փորձաքննության արդյունքները, ինչից հետո Ռազմական դոկտրինի նախագիծը կներկայացվի կառավարությանը, կանցնի լսումներ Ազգային ժողովում եւ կքննարկվի Ազգային անվտանգության խորհրդում: Դրա արդյունքում մենք կկարողանանք ներկայացնել փաստաթուղթը Հայաստանի նախագահի հաստատմանը 2007 թվականի դեկտեմբերին»,- ասել է Հարությունյանը: Նա նշել է, որ Ռազմական դոկտրինը հանդիսանում է Հայաստանի առջեւ դրված ռազմական սպառնալիքներին եւ դրանց չեզոքացմանը, պետության պաշտպանության կազմակերպմանը, դրա կառուցվածքին, խնդիրներին, Զինված ուժերի նպատակներին եւ գործունեությանը վերաբերող, տեսականորեն հիմնավորված պաշտոնական դիրքորոշումների կոնցեպցիա: «Ռազմական դոկտրինի հիմնական իմաստը պետության անվտանգության սպառնալիքների որոշումն է եւ դրանց կանխումը: Սակայն դոկտրինը միայն այդքանով չի սահմանափակվում: Դա ընդարձակ փաստաթուղթ է, որում ընդհանուր ներկայացված է պետության ռազմական անվտանգության կազմակերպման, Զինված ուժերի եւ պաշտպանության համակարգի բոլոր ուղղությունները»,- ասել է Հարությունյանը: Նրա խոսքերով, Ռազմական դոկտրինը հանդիսանում է կողմնորոշիչ բոլոր այն պետական գերատեսչությունների համար, որոնք պատասխանատու են ռազմական անվտանգության համար, եւ ապահովում է նրանց ընհանուր ռազմավարությունը երկրի պաշտպանության գործում: Պաշտպանության նախարարը նշել է, որ Ռազմական դոկտրինի նախագծի մշակման ժամանակ մանրամասնորեն ուսումնասիրվել է միջազգային փորձը եւ տարբեր երկրների նմանատիպ փաստաթղթերը: «Սակայն մենք մեր առջեւ այլ երկրի մոդելը վերցնելու նպատակ չենք դրել: Մենք, օգտագործելով առավել արդյունավետ մոտեցումներն ու միջոցները, փորձում էինք այնպիսի փաստաթուղթ ստեղծել, որը առավելագույնս կհամապատասխաներ մեր պահանջներին եւ յուրահատկություններին, միաժամանակ լինելով հասկանալի միջազգային հանրության համար»,- ասել է Հարությունյանը: Ինչ վերաբերում է փասաթղթի բովանդակությանը, ապա, նրա խոսքերով, այդ տեսանկյունից, փաստաթուղթը մշակվել է` ելնելով բացառապես Հայաստանի եւ տարածաշրջանի յուրահատկություններից, երկրի Ազգային անվտանգության ռազմավարության հիմքի վրա, հաղորդում է «Նովոստի-Առմենիան»: Ուշագրավ «Մենք համոզված ենք, որ կառուցողական երկխոսությունը հավասարների միջև անփոխարինելի է»,–ասել է նա Նա հավելել է, որ սահմանազատումն ու սահամանգծումը պետք է իրականցվեն համապատասխան սկզբունքներով Նա հավելել է, որ որևէ երկիր չի կարող վիճարկել որևէ այլ երկրի մարտունակ բանակ ունենալու իրավունքը Նա նաև ասել է, որ Հայաստանի և Վրաստանի միջև սահմանազատման աշխատանքները վերսկսելու պայմանավորվածություն կա Ամենաընթերցվողը բաժնում | Բագրատ սրբազանն ուղերձ է հղել. Այլընտրանք չկա` կամ այսօր, կամ երբեք Կիրանցեցիները փակել են Հայաստան–Վրաստան միջպետական ճանապարհը Իդրամ Ջունիորն ու Կորիզը գործակցության հուշագիր են կնքել Կազմակերպությունները մշակում են ֆինանսական կրթության նոր մրցույթ ԿԽՄԿ աշխատակիցներն այցելել են Բաքվում պահվող Արցախի ղեկավարներին Նրանք կապ են հաստատել ընտանիքների հետ «Մեկնարկի՛ր». Կրթական հարթակ՝ ստարտափ ստեղծող երիտասարդների համար Ավագ դպրոցի աշակերտուհին որոշել է Վանաձորում թեմատիկ քվեսթ (quest) սենյակներ ստեղծել |