Արցախի հայկական պետականություն` 1500 տարի առաջ կամ Ղարաբաղը Հայաստան է և պետություն17 սեպտեմբերի 2010 - 21:20 AMT PanARMENIAN.Net - Սեպտեմբերի 17-ին Հայաստանի ազգային գրադարանի նիստերի սրահում տեղի ունեցավ պատմական գիտություների դոկտոր, Խ.Աբովյանի անվան հայկական պետական մանկավարժական համալսարանի պրոֆեսոր Կիմ Ղահրամանյանի «Վաչագան թագավորի Սահմանադրությունը: Իրավակարգի ակունքները ԼՂՀ-ում» գրքի շնորհանդեսը, որը նվիրված է Աղվենում (Արցախ) հանրաքվեով ընդունված «Կանոնական Սահմանադրության» 1500-ամյակին: Բացման խոսքում հաստատության տնօրեն Դավիթ Սարգսյանը կարևորեց հրատարակությունը, նշելով, որ այն կօգնի համակողմանիորեն ընկալելու արցախյան հարցի էությունը և այն ներկայացնելու աշխարհին, հասկացնելու համաշխարհային հանրությանը, թե ով է հայ ժողովուրդը, ինչպիսի պատմական հիմքեր ունի Արցախը, ինչու առաջացավ արցախյան հիմնախնդիրը և այլն: Նա հույս հայտնեց, որ հրատարակությունն իր դրական դերը կունենա արցախյան հիմնախնդրի կարգավորման գործում: Տեղեկացրեց նաև, որ առաջիկայում Ազգային գրադարանը կկազմակերպի Վաչագան թագավորի մեծարմանը նվիրված միջոցառում: Դ.Սարգսյանն առաջարկեց մասնագետներին` առանձին գրքով հրատարակել «Հայկական Սահմանադրություն», որը կներկայացնի Վաչագան թագավորի, Մխիթար Գոշի հեղինակած սահմանադրությունները, «Որոգայթ փառաց»-ը, ՀՀ Սահմանադրությունը: Կիմ Ղահրամանյանի խոսքով` եզակի փաստաթուղթ է գիրքը, այն ապացուցում է, որ 1500 տարի առաջ ոչ միայն պետականություն ենք ունեցել, այլև այսօրվա չափանիշներին համապատասխան սահմանադրություն: «Այս գիրքը ցույց է տալիս, որ մենք ունեցել ենք Արցախի հայկական պետություն, որը կառավարվել է ոչ թե տիրակալի կամքով, այլ օրենքով»: Օրվա բանախոսները կարևորեցին գրքի տարածումը հայկական գաղթօջախներում: Դ.Սարգսյանը խոստացավ Ազգային գրադարանի կապերի միջոցով այն տարածել սփյուռքում, և տարբեր երկրների ազգային գրադարաններում: Նախկինում Լևոն Մելիք-Շահնազարյանն զբաղվել է Արցախի արտաքին հարաբերություններին վերաբերող հարցերով: Նա խոստացավ ինտերնետի միջոցով տարածել գիրքը: Գրքի ծնունդը ողջունեցին և կարևորեցին Խ.Աբովյանի անվան պետական մանկավարժական համալսարանի գրադարանի տնօրեն Տիգրան Պետրոսյանցը, «Ժառանգություն» կուսակցության քարտուղար Կարինե Հակոբյանը, արձակագիր Վանուշ Շերմազանյանը, պատմաբան Լևոն Շիրինյանը, «Ղարաբաղյան էքստրեմիստ» ռուսալեզու ամսագրի գլխավոր խմբագիր Կարեն Զախարյանը: Եռալեզու (հայերեն, ռուսերեն, անգլերեն) գրքի սկզբում համառոտ ներկայացվում է Արցախի պատմությունը: Այստեղ նշվում է, որ 5-րդ դարի 2-րդ կեսին Հայոց Արևելից աշխարհում ձևավորված թագավորությունն իր ծաղկմանն է հասել Վաչագան թագավորի օրոք, որն իր թագն ստացել է պարսից շահի կողմից: Ըստ Մովսես Կաղանկատվացու պատմության, Վաչագան թագավորին թագադրել է պարսից Վաղարշակ արքան: «Իր բուռն և արգասավոր եկեղեցանպաստ գործունեության շնորհիվ Վաչագան թագավորն ստացել է Բարեպաշտ անվանումը»: Ըստ գրքի, Վաչագան թագավորի նախաձեռնությունը երկու փուլով է իրականացվել: Առաջինը եղել է օրենքների (կանոնների), կարելի է ասել` նախագծի մշակման փուլը: Երկրորդը եղել է այդ նախագծի քննարկման և ընդունման փուլը: Վաչագան թագավորի Սահմանադրությունը բաղկացած է 22 կետերից: Գրքում կան պատմական հետաքրքիր լուսանկարներ, որոնց հեղինակը Սամվել Կարապետյանն է: Ուշագրավ է Եղիշե առաքյալի վանքը, որտեղ գտնվում է Վաչագան թագավորի դամբարանը: Ուշագրավ է, որ այն շուրջ 1500 տարի առաջ հենց այդպես էլ կոչվել է` Սահմանադրություն: Ինչո՞ւ է առաջացել Սահմանադրության ստեղծման պահանջ, ինչպե՞ս է այն ստեղծվել: Այս և նման այլ հարցերի պատասխանները ընթերցողները կարող են գտնել ներկայացվող գրքում: Գրքի հրատարակությունը հովանավորել է Արմեն Դավթյանը: Ուշագրավ
«Ամեն բնակչի կողքին 15 ոստիկան է կանգնած, անձնագրով են ներս թողնում միայն Կիրանցի բնակիչներին»,–ասել է վարչական ղեկավարը Որոշ դեպքերում անձանց ազատությունից զրկելիս չեն ներկայացվում նրանց ազատությունից զրկելու հիմքերն ու պատճառները Պահանջն առնչվում է նրա հետ փոխկապակցված 7 անձի Վարդանյանն ասել է, որ գտնվում է մեկուսացման խցում Ամենաընթերցվողը բաժնում | Զախարովա․ ՀՀ-ն շարունակում է ՀԱՊԿ լիարժեք անդամ մնալ իր համապատասխան պարտավորություններով Նա նաև ասել է, որ ՌԴ–ն կասկածի տակ չի դնում իր արտաքին քաղաքական կուրսն ընտրելու ՀՀ սուվերեն իրավունքը Կուպմանը Բաքվում ասել է, որ Եվրահանձնաժողովը ողջունում է ՀՀ-ի և Ադրբեջանի միջև վերջին պայմանավորվածությունները Նա ասել է, որ Եվրահանձնաժողովում դրական են գնահատում Հարավային Կովկասում վերջին իրադարձությունները ԱՄՆ–ն պատժամիջոցներ է սահմանել որոշ թուրքական և ադրբեջանական ընկերությունների դեմ՝ ՌԴ–ին աջակցելու համար Պատժամիջոցներն առնչվում են այն ընկերություններին և ֆիզիկական անձանց, որոնք օգնում են Մոսկվային ռազմական բաղադրիչներ ստանալ Էրդողան․ Թուրքիան որոշել է խզել առևտրային կապերն Իսրայելի հետ Առևտրաշրջանառությունը երկրների միջև հասնում է 9․5 մլրդ դոլարի |