Արցախյան ազատամարտի հերոս Դմիտրի Մոտրիչը ՀՀ նախագահի անունից հետմահու պարգևատրվել է «Արիության» մեդալով28 մարտի 2011 - 19:57 AMT PanARMENIAN.Net - Մարտի 25-ին Վլադիվոստոկ քաղաքի հայկական համայնքի մշակույթի կենտրոնում Ռուսաստանում Հայաստանի դեսպան Օլեգ Եսայանը հանդիսավոր միջավայրում և հայ համայնքի անդամների ներկայությամբ ՀՀ նախագահի անունից արցախյան ազատամարտի հերոս, ռուս կամավոր Դմիտրի Մոտրիչի մորը` Լյուբով Մոտրիչին, հանձնեց «Արիության» մեդալը: Ինչպես PanARMENIAN.Net ին հաղորդեցին Ռուսաստանում Հայաստանի դեսպանատնից, հանձնման արարողությունից առաջ դեսպանը ներկայացրեց ղարաբաղյան հիմնախնդրի ծագման նախապատմությունն ու խոսեց 90-ականներին ազգային ազատագրական շարժման վերսկսման շարժառիթների մասին: Հանձնելով մեդալը` դեսպան Օլեգ Եսայանը ողջ հայ ժողովրդի խորին շնորհակալությունը հայտնեց ռուս կամավորի մորը` վստահեցնելով, որ Արցախն ու հայ ժողովուրդը չեն մոռացել նրա որդու սխրագործությունը: Իր խոսքում Օլեգ Եսայանն ասաց. «Ես ծնունդով Արցախի Մարտունու շրջանից եմ և այս մեդալի հանձնումը, որի մեջ յուրաքանչյուր հայի երախտագիտության մասնիկն է, ինձ համար մեծ կարևորություն ունի: Շնորհիվ Դիմա Մոտրիչի հերոսական քայլերի թշնամու հարձակումը ԼՂՀ Մարտունու շրջանի ուղղությամբ կանգնեցվեց: Դիման և իր ընկեր-կամավորները հայ ժողովրդի հետ միասին հավատացին ընտրած ճանապարհի ճշմարտացիությանը և իրենց սխրագործություններով ձեռք բերեցին անմահություն մեր սրտերում և վերածնված Արցախի պատմության էջերում: Նրանց համար այս պատերազմը պատվի և գաղափարի համար պայքար էր»: Ռուս կամավոր Դմիտրի Մոտրիչը Վլադիվոստոկ քաղաքից 90-ականներին սրտի կանչով թողեց հայրենի տունն ու մեկնեց Ղարաբաղ, որպեսզի օգնի հայ ժողովրդին և նրա հետ միասին պայքարի հանուն հայերի անկախության: Առաջին իսկ մարտից մինչև ողբերգական մահը Դմիտրին դարձավ հայ և ռուս ժողովուրդների միջև փոխօգնության խորհրդանիշ: Օլեգ Եսայանը նշեց նաև, որ «Արիության» համար մեդալով պարգևատրվում են հայրենիքի պաշտպանության ժամանակ անձնական խիզախության համար, և Հայաստանն ու ազատագրված Արցախը Դիմտրի Մոտրիչի և նրա ընտանիքի համար այլևս երկրորդ հայրենիք են: Միջոցառումը շարունակվեց Դմիտրի Մոտրիչին նվիրված ռեժիսոր Ա.Թովմասյանի «Կամավորը» ֆիլմի ցուցադրությամբ: Ուշագրավ
«Ամեն բնակչի կողքին 15 ոստիկան է կանգնած, անձնագրով են ներս թողնում միայն Կիրանցի բնակիչներին»,–ասել է վարչական ղեկավարը Որոշ դեպքերում անձանց ազատությունից զրկելիս չեն ներկայացվում նրանց ազատությունից զրկելու հիմքերն ու պատճառները Պահանջն առնչվում է նրա հետ փոխկապակցված 7 անձի Վարդանյանն ասել է, որ գտնվում է մեկուսացման խցում Ամենաընթերցվողը բաժնում | Զախարովա․ ՀՀ-ն շարունակում է ՀԱՊԿ լիարժեք անդամ մնալ իր համապատասխան պարտավորություններով Նա նաև ասել է, որ ՌԴ–ն կասկածի տակ չի դնում իր արտաքին քաղաքական կուրսն ընտրելու ՀՀ սուվերեն իրավունքը Կուպմանը Բաքվում ասել է, որ Եվրահանձնաժողովը ողջունում է ՀՀ-ի և Ադրբեջանի միջև վերջին պայմանավորվածությունները Նա ասել է, որ Եվրահանձնաժողովում դրական են գնահատում Հարավային Կովկասում վերջին իրադարձությունները ԱՄՆ–ն պատժամիջոցներ է սահմանել որոշ թուրքական և ադրբեջանական ընկերությունների դեմ՝ ՌԴ–ին աջակցելու համար Պատժամիջոցներն առնչվում են այն ընկերություններին և ֆիզիկական անձանց, որոնք օգնում են Մոսկվային ռազմական բաղադրիչներ ստանալ Էրդողան․ Թուրքիան որոշել է խզել առևտրային կապերն Իսրայելի հետ Առևտրաշրջանառությունը երկրների միջև հասնում է 9․5 մլրդ դոլարի |