Մաշտոցի պողոտայի այգում ակտիվիստները ներս չեն թողել կրպակների համար հիմնակմախքով և ապակիներով մեքենաները 20 փետրվարի 2012 - 20:10 AMT PanARMENIAN.Net - Մաշտոցի պողոտայի այգում ակտիվիստները շարունակում են խոչընդոտել շինարարությանը: Այդպես, ակտիվիստները ներս չեն թողել կրպակների համար հիմնակմախքով և ապակիներով մեքենաները: Ինչպես հաղորդել է PanARMEIAN.Net-ի թղթակիցը, մեքենաները ստիպված են եղել հեռանալ շինհրապարակից: Փետրվարի 20-ին հայ բնապահպան-ակտիվիստները, որոնք հանդես են գալիս Մաշտոցի այգում կրպակների տեղադրման դեմ, հավաքվեցին Երևանի քաղաքապետարանի շենքի դիմաց` պահանջելով դադարեցնել շինարարությունն ու հանդիպում քաղաքապետ Տարոն Մարգարյանի հետ: Նրանց այդ պահանջը մերժվեց, և ակտիվիստները վերադարձան Մաշտոցի այգի` դիրքեր զբաղեցնելով շինհրապարակում: Ակտիվիստները կոտրել են ցանկապատն ու մտել կրպակների մեջ: Ոստիկանության փոխգնդապետ Կարեն Մովսիսյանը դիմել է ցուցարարներին. «ՀՀ Ոստիկանությունը, առաջնորդվելով «Ոստիկանության մասին» ՀՀ օրենքով, պարտավոր է օրինական շինարարության պահպանման համար համապատասխան միջոցներ ձեռնարկել, ինչպես նաև ապահովել ակցիայի մասնակիցների խաղաղ ցույցի իրավունքը: Բայց միևնույն ժամանակ անհրաժեշտ է գիտակցել, որ շինարարական աշխատանքներին խոչընդոտելը հակասում է «Ժողովներ, հանրահավաքներ, երթեր և ցույցեր անցկացնելու մասին» ՀՀ օրենքին»: Իրադրությունը ներկա պահին բավականին լարված է, ակտիվիստները չեն պատրաստվում լքել Մաշտոցի այգու շինհրապարակը:
Ուշագրավ Պահանջն առնչվում է նրա հետ փոխկապակցված 7 անձի Վարդանյանն ասել է, որ գտնվում է մեկուսացման խցում Նրանք ձերբակալվել են խուլիգանական արարքների կատարման մեջ մասնակցության կասկածանքով Փաշազադեն հայտարարել էր, թե «հայկական եկեղեցին, ռևանշիզմ է քարոզում” Ամենաընթերցվողը բաժնում | Ղազախստանի ԱԳՆ․ Միջնորդության մասին խոսք չկա՝ բանակցելու են բացառապես ՀՀ-ն ու Ադրբեջանը «Մենք լոկ բարի կամքի ծառայություն ենք տրամադրում՝ այսպես կոչված good offices»,– ասել է նա «Հայաքվեի» կոչը՝ միասնական ճակատ ձևավորել, կառավարությանն անվստահություն հայտնելու գործընթաց նախաձեռնել Նաև է կոչ է արվել իշխանական պատգամավորներին դուրս գալ «Քաղաքացիական պայմանագիր» խմբակցությունից Օսկանյան. Արցախի հարցը փակված չէ Նա նշել է, որ Հայաստանն այսքան խոցելի է դարձել հիմնականում այն պատճառով, որ մենք կորցրել ենք Արցախը Նարեկ Մանասյանը՝ բռնցքամարտի ԵԱ արծաթե մեդալակիր Ավելի վաղ Եվրոպայի առաջնության փոխչեմպիոն էր դարձել Բարեղամ Հարությունյանը |