Մյունխենը կարող է նախավերջին կանգառ դառնալ ղարաբաղյան կարգավորման որոշիչ փուլից առաջՂարաբաղյան հակամարտության կարգավորումն այդքան երկարաձգվում է նաեւ այն պատճառով, որ դրան չափազանց շատ երկրներ են միջամտում Մի տեսակ խորհրդանշական բան կա նրանում, որ պետությունների ղեկավարների կարեւոր, կարելի է նույնիսկ ասել ճակատագրական հանդիպումները տեղի են ունենում «վատ» համբավ ունեցող քաղաքներում: Ստացվում է, որ ի սկզբանե հանդիպումը կամ դատապարտված է ձախողման, կամ էլ վատագույն դեպքում կավարտի կողմերից մեկի պարտությամբ: Բացառություն չէ, ցավոք, նաեւ Մյունխենը, որտեղ նոյեմբերի 22-ին կկայանա Լեռնային Ղարաբաղի հակամարտության կարգավորում կոչված ելքի որոնման ճանապարհին Հայաստանի ու Ադրբեջանի նախագահների հերթական հանդիպումը: 20 նոյեմբերի 2009 PanARMENIAN.Net - Ասել, որ Մյունխենը վատ համբավ ունի, նշանակում է դեռեւս ոչինչ չասել: Սկսած 1923-ից, երբ այստեղ իր վերելքը սկսեց Ադոլֆ Հիտլերը եւ ավարտած 1938-ով, երբ Մեծ Բրիտանիան ու Ֆրանսիան Գերմանիային հանձնեցին Չեխիայի Սուդետյան մարզը` դրանով իսկ սկիզբ դնելով Երկրորդ աշխարհամարտին, Մյունխենը հասարակ անուն է դարձել: Նախագահներից ո՞վ կկիսի Չեխիայի նախագահ Բենեշի ճակատագիրը եւ արդյոք իսկապես այդպես է լինելու: Սակայն մենք շտապում ենք եւ ավելի հավանական է, որ այս անգամ էլ ոչ մի առանձնահատուկ բան տեղի չի ունենա: Սարգսյանն ու Ալիեւն առանց Ստեփանակերտի չեն կարողանալու պայմանավորվել, արդյո՞ք միջնորդները, համաշխարհային տերությունները, G8-ը եւ ղարաբաղյան հակամարտության լուծման կամ վերջնական սառեցման հարցում շահագրգիռ մնացած բոլոր կողմերը մինչեւ հիմա դա չեն հասկացել: Ճիշտ է, եթե չստացվի պայմանավորվել, ապա ոչ մի Ստեփանակերտ չի օգնի, միգուցե նույնիսկ կխանգարի: Ինչ էլ որ ասեն Բաքվի, ինչպես եւ հայկական քաղաքական գործիչներն ու քաղաքագետները, առայժմ չարժե որեւէ բան ակնկալել: Իսկական ճեղքում կարող էր տեղի ունենալ Ռամբույում, բայց... չստացվեց. ակնհայտ էր, որ համաձայնագիրը «լավ չէր մշակված»: Ղարաբաղյան հակամարտության կարգավորումն այդքան երկարաձգվում է նաեւ այն պատճառով, որ դրան չափազանց շատ երկրներ են միջամտում: Դատեք ինքներդ` համանախագահները, Իրանը, Թուրքիան, Հայաստանն ու Ադրբեջանը: Ընդ որում, թե ինչ համաձայնագիր պետք է ստորագրվի, ոչ ոք չգիտի` ներառյալ բանակցությունների անմիջական մասնակիցները` Հայաստանի ու Ադրբեջանի նախագահները: Նույն իրավիճակն էր նաեւ 1938-ին, երբ Չեխիայի նախագահին փաստի առաջ կանգնեցրին: Ինչպես մենք արդեն նշել ենք, առայժմ հայտնի չէ, թե ով կհաղթի առաջիկա հաշտության պայմանագրից: Կապիտ ասած` ում շահերը տերությունները կգերադասեն զոհաբերել: Ինչ վերաբերում է Ռուսաստանին, ապա Հայաստանը որոշակի, իհարկե ոչ շատ մեծ հույսեր է տածում, որ Մոսկվան հենց այնպես չի հանձնի Երեւանը, հակառակ դեպքում ինչու պետք է Թուրքիայի հետ սահմանի վրա իր զորքերը պահի: Միանշանակ չարժե հույս դնել ԱՄՆ կամ Եվրոպայի վրա` ի դեմս Ֆրանսիայի, բայց այստեղ եւս կարող են տարբերակներ լինել: Ամեն դեպքում իսկական պատերազմը կսկսվի հենց այն ժամանակ, երբ Ռուսաստանը ստիպված լինի պաշտպանել իր շահերը Հարավային Կովկասում: Եւ հենց այդ ժամանակ նա խիստ կարիք կունենա Հայաստանի: Հիշենք պատմությունը. 11-րդ Կարմիր բանակը Հայաստան մտավ Ադրբեջանից: Եթե Մոսկվային պետք լինի, կարող է հակառակը ստացվել, բայց դա այն դեպքում, եթե ԱՄՆ-ն ու ԵՄ-ն ՌԴ-ին զորավարժությունների համար: Եւ դարձյալ ամեն ինչ կախված է լինելու առաջին հայացքից ոչինչ չնշանակող մի շարք մանրամասներից: Բայց հենց դրանք են հանգեցնում կամ պատերազմի, կամ հաշտության պայմանագրի ստորագրման: Երրորդ տարբերակ չի լինում: Ամենայն հավանականությամբ, նախագահներին մի քիչ էլ ժամանակ կտան սակարկելու համար, իսկ հետո, Ալիեւի խոսքով, միջնորդների համբերությունը կհատնի, եւ նրանք պարզապես կստիպեն ստորագրել ենթադրվող փաստաթուղթը: Եւ վերջինը: Արդեն ավանդույթ է դարձել, որ նախքան բարձր մակարդակով հանդիպումը պաշտոնական Բաքուն բարձրաձայն ռազմատենչ հայտարարություններ է կատարում, որոնք, ինչպես միշտ, իրականում դատարկաբանություն են: Ուժեղանում է լրատվամիջոցներում հակահայկական քարոզչությունը, թեեւ այն առանց այդ էլ բավական է: Դժվար թե այդ ամենը հաշվարկված է միայն ներքին օգտագործման համար: Եւ, ինչպես միշտ, այդ օդային տատանումները ոչնչի չեն հանգեցնում: Իսկ այ եթե Իլհամ Ալիեւի եւ նրա ԱԳ փոխնախարարի հայտարարություններն իսկապես բովանդակություն ստանան, նշանակում է պատերազմը կամ խաղաղությունը հեռու չեն: Նոյեմբերի 22-ին նախագահ Վուդրո Վիլսոնը ստորագրեց իր իրավարարական որոշումը Արեւմտյան Հայաստանի վերաբերյալ, որը, ճիշտ է, չվավերացվեց ԱՄՆ Սենատի կողմից: Դե արի ու այդքանից հետո մի հավատա զուգադիպություններին... Կարինե Տեր-Սահակյան / PanARMENIAN News Ամենաընթերցվողը բաժնում Ինչ է իրենից ներկայացնելու Սաուդյան Արաբիայում կառուցվելիք աշխարհի խոշորագույն շինությունը Վերջին ամսվա զարգացումները Իրադարձություններ, որոնք զարգացել են 1 ամսից էլ քիչ ժամանակում Ինչպես անցավ Eurosatory 2022-ը Բաժնի այլ նյութերը Ալիևը փորձում է ԵՄ-ին համոզել, թե «Զանգեզուրի միջանցք» կոչվածը պետք է Եվրոպային Ամենազգայուն՝ գազի գործոնով Բայրաքթարից պակաս աղմկահարույց, բայց ավելի փորձառու Իրանական ԱԹՍ-ների չբացահայտված պոտենցիալը Հին վիրուսի նոր բռնկումը Ինչ է հայտնի կապիկի ծաղկի դեպքերի աճի մասին | Զախարովա․ ՀՀ-ն շարունակում է ՀԱՊԿ լիարժեք անդամ մնալ իր համապատասխան պարտավորություններով Նա նաև ասել է, որ ՌԴ–ն կասկածի տակ չի դնում իր արտաքին քաղաքական կուրսն ընտրելու ՀՀ սուվերեն իրավունքը Կուպմանը Բաքվում ասել է, որ Եվրահանձնաժողովը ողջունում է ՀՀ-ի և Ադրբեջանի միջև վերջին պայմանավորվածությունները Նա ասել է, որ Եվրահանձնաժողովում դրական են գնահատում Հարավային Կովկասում վերջին իրադարձությունները Էրդողան․ Թուրքիան որոշել է խզել առևտրային կապերն Իսրայելի հետ Առևտրաշրջանառությունը երկրների միջև հասնում է 9․5 մլրդ դոլարի Ֆասթ Բանկն աջակցում է «Ժողովրդական երաժշտության և պարի ազգային կենտրոն» մշակութային ՊՈԱԿ-ին Ֆասթ Բանկը 6 մլն դրամ է նվիրաբերել ՊՈԱԿ-ին |