  ԵՄ-ն ուժեղացնում է իր ազդեցությունը տարածաշրջանում` միևնույն ժամանակ Հարավային Կովկասի երկրներին չխոստանալով շուտափույթ արդյունքներԵՄ-ն բոլորովին չի պատրաստվում թուլացնել իր դիրքերը տարածաշրջանում, ավելի շուտ` հակառակը Հուլիսի 19-ին մեկնարկեցին Հայաստանի ու Եվրամիության միջև Ասոցիատիվ համաձայնագրի ստորագրման շուրջ բանակցությունները: Բանակցությունների մեկնարկը հստակ նշում է Երևանի, Թբիլիսիի ու Բաքվի հետ Բրյուսելի առաջիկա համագործակցության շրջանակներն ու ձևաչափը: Իհարկե, Հայաստանի շարքային քաղաքացու համար դժվար կլինի միանգամից հասկանալ, թե ինչու ԵՄ-ն «Արևելյան գործընկերության»` բավական թարմ նախաձեռնության հետ զուգահեռ որոշում է տարածաշրջանում մեկնարկել ևս մեկ ծրագիր: Ասոցիատիվ համաձայնագիրը բոլորովին չի նշանակում, որ Եվրոպան լայնորեն բացում է իր դռներն ու շտապում իր շարքերն ընդունել նոր անդամների: Հաշվի առնելով հետճգնաժամային իրադրությունը ԵՄ անդամ երկրներում` Բրյուսելում սկսեցին զգուշավորությամբ վերաբերվել «եվրոպական ակումբին» միանալու` արևելյան հարևանների ձգտմանը: Ամենայն հավանականությամբ, հենց դրանով կարելի է բացատրել Թուրքիայի հիասթափությունը ԵՄ-ին անդամակցելու գործընթացից: Չնայած, որ Թուրքիան արդեն ավելի քան 45 տարի հանդիսանում է Եվրոպական Միության «ասոցացված անդամը», Անկարային հստակ հասկացրեցին, որ այդ կազմակերպությանը լիարժեք անդամակցելու գործում մոտ ապագայում չարժե հույսեր փայփայել: Բայց, այնուամենայնիվ, դա կողմերին չխանգարեց Մաքսային միության մասին համաձայնագիր կնքել և ակտիվորեն համագործակցել տնտեսության ու առևտրի ոլորտում:   27 հուլիսի 2010PanARMENIAN.Net - Ինչ վերաբերում է Հարավային Կովկասի երկրներին, ապա այստեղ ամեն ինչ այդքան դյուրին չէ` փոքր շուկա և դրան գումարած տարածաշրջանային հակամարտությունները: Եվրոպացի պաշտոնյաները շատ լավ գիտակցում են, որ չլուծված ղարաբաղյան հակամարտությունը զրոյի է հավասարեցնում տարածաշրջանում միասնական տնտեսական պլատֆորմ հաստատելու բոլոր հնարավոր ծրագրերը: Սակայն Բրյուսելը չի շտապում նաև ամբողջությամբ հրաժարվել Հարավային Կովկասի հետ կապերից` հաշվի առնելով տարածաշրջանի աշխարհաքաղաքական նշանակությունը: Իսկ Թուրքիայում իսլամիստական ու հակաեվրոպական տրամադրությունների աճն Արևմուտքին, մասնավորապես` Եվրոպային ստիպում է ավելի լրջորեն պատրաստվել հնարավոր սցենարներին, որոնք կարող են զարգանալ Անկարայի նեոօսմանիզմի քաղաքականության արդյունքում: Այս ամենից բացի, Հարավային Կովկասը ԵՄ-ին ձգում է որպես էներգետիկ ռեսուրսների մատակարարման այլընտրանքային միջանցք: Ինչպես Երևանում Հայաստանի ԱԳ նախարարի տեղակալ Կարինե Ղազինյանի հետ համատեղ մամլո ասուլիսում հայտնել է արտաքին կապերի հարցերով Եվրոպական հանձնաժողովի գլխավոր տնօրինության տնօրեն Գուննար Վիգանդը, բացի քաղաքական, տնտեսական ու մշակութային հարցերից Հայաստան-ԵՄ բանակցությունների օրակարգում կլինի նաև համագործակցությունն էներգետիկայի ոլորտում: Սակայն միամտություն կլիներ մոտ ապագայում ԵՄ հետ համատեղ էներգետիկ նախագծերի իրագործում ակնկալել և դարձյալ ղարաբաղյան հիմնախնդրի չլուծված լինելու պատճառով: Այնուամենայնիվ, Հարավային Կովկասի միանգամից երեք երկրներում Ասոցիատիվ համաձայնագրի մասին բանակցությունների մեկնարկը վկայում է այն մասին, որ ԵՄ-ն բոլորովին չի պատրաստվում թուլացնել իր դիրքերը տարածաշրջանում: Ավելի շուտ հակառակը: Դանդաղ, բայց վստահ քայլերով Եվրամիությունը փորձում է պահպանել և ուժեղացնել իր ազդեցությունը տարածաշրջանում` միևնույն ժամանակ Հարավային Կովկասի երկրներին չխոստանալով շուտափույթ արդյունքներ, օրինակ` անդամակցություն ԵՄ-ին: Ամենայն հավանականությամբ, հենց դա նկատի ուներ արտաքին գործերի ու անվտանգության քաղաքականության հարցերով Եվրամիության գերագույն ներկայացուցիչ Քեթրին Էշթոնը, երբ հայտարարեց, որ ասոցացման մասին բանակցություններն ամբողջությամբ արտացոլում են Բրյուսելի ռազմավարական շահերը Հարավային Կովկասում: Ինչ վերաբերում է Հայաստանի մոտեցմանը ԵՄ հետ համագործակցության նման ձևաչափին, ապա այն բավական հավասարակշռված է: Պաշտոնական Երևանը գիտակցում է, որ այդ բանակցությունները երկար ու բարդ գործընթաց է, և չի կարելի հստակ նշել դրանց ավարտի ժամկետը: Հայկական կողմը եվրոպական գործընկերներին հասկացրել է, որ լուրջ է վերաբերվում այդ նախաձեռնությանը և պատրաստ է գործադրել բոլոր ջանքերը, որպեսզի բանակցությունները հաջող ավարտին հասնեն: Երևանում նաև ակնարկել են, որ նման պատրաստակամությանն ի պատասխան, Հայաստանն ակնկալում է մինչև այս տարվա վերջ ԵՄ հետ անցագրային ռեժիմի պարզեցման մասին համաձայնագիր ստորագրել: Եկատերինա Պողոսյան / PanARMENIAN News  Ամենաընթերցվողը բաժնում Ինչ է իրենից ներկայացնելու Սաուդյան Արաբիայում կառուցվելիք աշխարհի խոշորագույն շինությունը Վերջին ամսվա զարգացումները Իրադարձություններ, որոնք զարգացել են 1 ամսից էլ քիչ ժամանակում Ինչպես անցավ Eurosatory 2022-ը    Ուշադրության կենտրոնում Բաժնի այլ նյութերըԱլիևը փորձում է ԵՄ-ին համոզել, թե «Զանգեզուրի միջանցք» կոչվածը պետք է Եվրոպային  Ամենազգայուն՝ գազի գործոնովԲայրաքթարից պակաս աղմկահարույց, բայց ավելի փորձառու Իրանական ԱԹՍ-ների չբացահայտված պոտենցիալըՀին վիրուսի նոր բռնկումը Ինչ է հայտնի կապիկի ծաղկի դեպքերի աճի մասին |  Այլ հոդվածներ Վերջին լուրեր Բաքվի դատարանը 5 ամսով երկարացրել է նաև Ռուբեն Վարդանյանի կալանքը Դատարանը հավանություն է տվել դատախազության միջնորդությանըՀՀ-ն Կիպրոսում դեսպանություն կբացի Նշվել է, որ դա կնպաստի Հայաստան–Կիպրոս հարաբերությունների հետագա զարգացմանըԿիրանցի բնակիչները դժգոհ են սահմանազատման արդյունքներից. Գյուղապետն ասել է՝ մինչև վերջ նրանց կողքին է Կառավարությունից ասել են, որ բնակիչներից մի քանիսի հետ կհանդիպեն ԻջևանումԱԺ նախկին պատգամավոր Ախոյանը կալանավորվել է ուրիշի գույքի առանձնապես խոշոր չափի հափշտակության համար Նախաքննությունը շարունակվում է |
