Գիյոմ Դելորմ. Ես չեմ ասել թուրքական թերթին, թե Հայոց ցեղասպանություն չի եղել10 հունվարի 2011 - 11:10 AMT PanARMENIAN.Net - Թուրքական մամուլը հերթական անգամ կեղծիք է տարածել Հայոց ցեղասպանության մասին, այս անգամ օգտագործելով ֆրանսիացի դերասան Գիյոմ Դելորմին: 2010թ. դեկտեմբերի 19-ին երիտասարդ դերասանը հարցազրույց է տվել թուրքական «Հյուրիեթ» թերթին, որտեղ ասել է, որ ինքը կատարելու է հայ երիտասարդի դեր թուրքական ֆիլմում: Դա սիրո պատմություն է, որտեղ երիտասարդ հայ Մարկոսը հակամարտության մեջ է իր մանկության ընկեր՝ թուրք Քերիմի հետ աղջկա պատճառով: Մինչ այստեղ դերասանի խոսքերը ճիշտ են մեջբերված: Սակայն, հետո «Հյուրիեթը» հարցնում է Դելորմին հայ-թուրքական հարաբերությունների մասին և մեջբերում է դերասանի պատասխանը, որը նշել է, թե Ֆրանսիան ընդունել է Հայոց ցեղասպանությունը քրեականացնող օրինագիծ և ասել է. «Ֆրանսիայի խորհրդարանը գնահատական է տվել Թուրքիայի պատմությանն, ինչն անընդունելի է: Դա խորհրդարան է, ոչ թե դատարան»: Իսկ երբ լրագրող Օմուր Գեդիկը հարցրել է դերասանին նրա սեփական կարծիքի մասին, ապա Դելորմն իբր ասել է, թե Ֆրանսիան անարդար է Թուրքիայի հանդեպ: «Իհարկե, հակամարտություն եղել է, բայց ոչ Ցեղասպանություն»: «Ես կասկածեցի, որ Դելորմը կարող էր նման բան ասել և հանդիպեցի նրա հետ Փարիզում 2010թ. դեկտեմբերի 26-ին: Իվ ահա թե նա ինչ ասաց. «Ես չեմ ասել թուրքական թերթին, թե Ցեղասպանություն չի եղել: Ես վստահ եմ, որ 1915թ. Հայոց ցեղասպանություն է իրագործվել: Ես մեծացել եմ Մարսելում, հայերի հետ մանկապարտեզ եմ գնացել, ես հայ ընկերներ ունեմ: Ես ուղղակի չէի կարող նման բան ասել՝ դա հակասում է իմ համոզմունքներին և կրթությանը»,-գրում է ֆրանսիացի լրագրող Ժան Էքյանը: Ըստ նրա, այժմ դերասանը սպասում է ֆիլմի ամբողջական սցենարին, որոշելու համար՝ նկարահանվի այդ ֆիլմում, թե ոչ: Ֆիլմը նկարահանվելու է Ֆրանսիայում և Թուրքիայում՝ Վանում ու Էրզինջանում: Հայոց ցեղասպանությունը քրեականացնող օրինագիծն ընունվել է Ֆրանսիայի Ազգային ժողովի կողմից 2006թ. հոկտեմբերի 13-ին: Մինչ օրս Սենատն այդպես էլ քվեարկության չի դրել օրինագիծը: Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում | Բագրատ սրբազան․ Մեծ հանդիպում ենք նախատեսում բոլոր քաղուժերի հետ` քննարկվելու է վարչապետի թեկնածուի հարցը Նա նշել է, որ Բաքվի բանտերում պահվող Արցախի ղեկավարության հետ աղ ու հաց են կիսել, բայց հարցը չեն բարձրաձայնում Փաշինյանը՝ Ադրբեջանի հետ խաղաղ գործընթացի մասին. Տիեզերք թռիչքները ևս անիրական էին թվում Նա ընդգծել է, որ ՀՀ ռազմավարությունն ուղղված է տարածաշրջանի հարևանների հետ տնտեսական ինտեգրման խորացմանը Ուրուգվայի Ներկայացուցիչների պալատը միաձայն ընդունել է ապրիլի 24-ը Հայոց ցեղասպանության հիշատակի օր հռչակող օրինագիծը Նախաձեռնությունը Սենատի կողմից հավանության էր արժանացել մայիսի 7-ին ՀՀ–ն և Սլովակիան պայմանավորվել են ռազմատեխնիկական գործակցության շուրջ Կարեն Բրուտյանի գլխավորած պատվիրակությունը Բրատիսլավայում է |