Show must go-Իրանի և «վեցյակի» հաջորդ հանդիպումը կրկին ՍտամբուլումՄոսկովյան բանակցությունների ընթացքում պայմանավորվածություն է ձեռք բերվել հաջորդ հանդիպման վերաբերյալ, որը հուլիսի 3-ին կկայանա Ստամբուլում «Վեցնյակի»` Իրանի հետ բանակցությունների հերթական փուլի ընթացքում կողմերին այդպես էլ չհաջողվեց պայմանավորվածություն ձեռք բերել Թեհրանի միջուկային ծրագրի վերաբերյալ: Միանգամից նշենք, որ կողմերը չկարողացան պայմանավորվել, քանի որ կողմերի դիրքորոշումները միանգամայն հակասական են: Իրանը կարծում է, որ իրավունք ունի միջուկային էներգետիկա ունենալու և այդ հարցում իրեն մերժել չի կարելի: Արևմուտքը, իր հերթին, ոգևորվելով Իսրայելի արհեստական մտահոգվածությամբ, դեմ է դրան: 24 հունիսի 2012 PanARMENIAN.Net - ԶԼՄ-ների հաղորդմամբ, հանդիպման արդյունքում Ֆրանսիայի ԱԳՆ կոչ է արել խստացնել Իրանի դեմ պատժամիջոցները, սակայն եվրոպական դիվանագիտության ղեկավար Քեթրին Էշթոնը հայտարարել է, որ Թեհրանն առաջին անգամ է ըստ էության երկխոսության գնում: «Կոշտ և անկեղծ բանակցություններից հետո կողմերի միջև դեռևս էական տարաձայնություններ կան»,-բանակցությունների արդյունքում հայտարարել է Էշթոնը: Ինչպես հայտնի է, «վեցնյակը» փորձում է համոզել Իրանին ետ կանգնել ուրանը մինչև 20 տոկոս հարստացնելու ինքնուրույն փորձից: Իրանն իր հերթին ցանկանում է շարունակել հարստացումը և հասնել համաշախարհային տերությունների կողմից խաղաղ ատոմային ծրագրի զարգացման իր իրավունքի վերաբերյալ գրավոր հաստատման: Ընդհանուր առմամբ, պատժամիջոցները ավելի շատ վնաս են հասցնում եվրոպական երկրներին, քան Իրանին, առավել ևս, որ աշխարհում դիտվում է նավթի գների անկում, որը շարունակական է լինելու: Փաստացի, Արևմուտքն ինքն իրեն փակուղու առջև է կանգնեցրել` չցանկանալով քայլեր ձեռնարկել Իրանի հետ բանակցելու հարցում: Պարզ է դարձել նաև, որ ուժի ցուցադրումն ու միջուկային ծրագրի ռազմական լուծման վերաբերյալ նախազգուշացումները ոչ մի կերպ չեն ազդում իրանական կողմի վրա: Մոսկովյան բանակցությունների ընթացքում պայմանավորվածություն է ձեռք բերվել հաջորդ հանդիպման վերաբերյալ, որը հուլիսի 3-ին կկայանա Ստամբուլում: Քեթրին Էշթոնի խոսքով, բանակցությունները կշարունակվեն տեխնիկակակն մակարդակում: Փորձագետների նիստից հետո, Ստամբուլում կկայանա Էշթոնի և Ջալիլիի տեղակալների հանդիպումը: Իրանական պատվիրակության ղեկավարի` Ազգային անվտանգության բարձրագույն խորհրդի քարտուղար Սաիդ Ջալիլիի խոսքով, կայացած բանակցություններն ավելի լուրջ և իրատեսական էին, քան նախկինները: Սակայն նա ևս մեկ անգամ հաստատել է Իրանի դիրքորոշումը` պնդելով, որ Իրանը ուրանի հարստացման իրավունք ունի: «Փորձագետների հանդիպման արդյունքում, հնարավոր է, բանակցությունների համար հստակ գաղափարներ առաջարկվեն: Այսօր միջազգային միջնորդները մեծ փորձություն են անցնում, որպեսզի իրանցիների վստահությանն արժանանան, սակայն իրանական նավթի գնման վերաբերյալ զանգվածային էմբարգոն, որը ԵՄ երկրները մտադիր են ընդունել հուլիսի 1-ից, կարող են բանակցային գործընթացին խոչընդոտող պայման հանդիսանալ»,-ասել է Ջալալին:Իր հերթին, ԱՄՆ վարչակազմի ներկայացուցիչը հհայտարարել է, որ Իրանը այժմ ընտրության առջև կանգնած չէ: «Թեհրանը շատ տեղեկատվություն է տրամադրել, ինչպես և մենք, և այժմ պետք է մտածի, թե այս իրավիճակում ինչ ընտրություն կատարի»,-ընդգծել է նա: Միևնույն ժամանակ Իսրայելը վերջերս ավելի հաճախ է ակնարկում, որ եթե Իրանը չդադարեցնի միջուկային զենքի ստեղծմանն ուղղված աշխատանքները, ապա դա կարվի ռազմական ուժի միջոցով: Ներկայումս Իրանի նկատմամբ գործում են ՄԱԿ-ի ԱԽ-ի 4 բանաձևեր: Բացի այդ, մի շարք երկրներ և կազմակերպություններ ընդունել են տարբեր բանաձևեր, որոնք պահանջում են Իրանից ապահովել միջուկային ծրագրի լիարժեք թափանցիկությունը և ապացուցել, որ այն բացառապես խաղաղ բնույթ է կրում: Մասնավորապես, Եվրամիության 27 երկրների ԱԳ նախարարներ և առաջնորդներ հունվարի 23-ին Բրյուսելում կայացած հանդիպմանը որոշում են կայացրել հաստատել իրանական նավթի ներմուծման վերաբերյալ էմբարգոն: Նոր պատժամիջոցների փաթեթի շրջանակներում նախատեսվում է, որ արդեն հուլիսի 1-ից Եվրամիության բոլոր անդամները, որոնք նավթ են գնում Իրանից, պետք է ամբողջությամբ դադարեցնեն այդ երկրից իրականացվող ներմուծումը: Թեհրանի միջուկային ծրագրի նկատմամբ պահանջները մնում են ուժի մեջ: «3+3» ձևաչափը Իրանին վերաբերող միջազգային մտահոգություն առաջացնող խնդրի վերաբերյալ դիվանագիտական լուծում գտնելու միակ տարբերակն է, որի միջոցով փորձում են հասնել նրան, որ Իրանն ընդունի ՄԱԿ-ի ԱԽ բանաձևերն ու ՄԱԳԱՏԷ-ի հետ աշխատելու առաջարկները: «3+3» ձևաչափը հաստատել է Բաղդադում արված հավասարակշռված առաջարկությունը` դադարեցնելու Իրանի կողմից ուրանի` մինչև 20 տոկոս հարստացումը և միջուկային գործարանի փակումը: Միաժամանակ, Մոսկվայի բանակցություններին զուգահեռ, իրանական ատոմի ճակատագիրը քննարկվել է նաև մեքսիկական Լոս-Կաբոսում տեղի ունեցած G20 գագաթնաժողովում: Երկկողմ հանդիպման ընթացքում այս թեմային մեծ ուշադրություն են դարձրել ՌԴ և ԱՄՆ նախագահները: Ինչպես ասվում է նրանց համատեղ հայտարարությունում, Մոսկվան և Վաշինգտոնը կողմ են հադես գալիս բանակցությունների միջոցով իրանական միջուկային ծրագրի փուլային կարգավորմանը և պահանջում են Իրանից իրականացնել ՄԱԿ-ի ԱԽ-ի բանաձևերը, ինչպես նաև համագործակցել ՄԱԳԱՏԷ-ի հետ: «Մեր ընդհանուր նպատակն է փոխադարձ վստահության և փուլայնության սկզբունքների հիման վրա ընդգրկուն բանակցային կարգավորումը, և մենք ակնկալում ենք «վեցնյակի» մեխանիզմի միջոցով Իրանի հետ կառուցողական խոսակցություն, այդ թվում` հունիսի 18-19 Մոսկվայում կայանալիք բանակցային փուլի ընթացքում»,-ասվում է փաստաթղթում: Իսկ հունիսի 18-ին Իրանի նախագահ Մահմուդ Ահմադինեժադը հայտարարել է, որ Իրանը կհամաձայնի դադարեցնել ուրանի` մինչև 20 տոկոս հարստացումը,եթե ստանա միջուկային վառելիքի մատակարարման երաշխիքներ: Մի խոսքով, բանակցությունների մասնակիցներից և ոչ մեկը դռներ չի փակում` չնայած Իսրայելի աճող դժգոհությանը: Սակայն դա արդեն, այսպես ասած, վերջինիս խնդիրն է: Առավել ևս, որ հենց վերջերս Al-Jazeera հեռուստաալիքին տված հարցազրույցում Իսրայելի փոխվարչապետը և հետախուզության ու ատոմային էներգիայի հարցերով նախարար Դան Մերիդորը խոստովանել է, որ «աշխարհի երեսից Իսրայելը ջնջելու անհրաժեշտության» մասին հայտնի արտահայտությունը, որը հաճախ վերագրվում է Իրանի նախագահ Մահմուդ Ահմադինեժադին, իրականում երբևէ չի արտաբերվել: «Նա երբևէ նման բան չի ասել»,-ասել է Մերիդորը: Վերջինիս այս հայտարարությանը որևէ բան ավելացնելը դժվար է: Կարինե Տեր-Սահակյան Ամենաընթերցվողը բաժնում Ինչ է իրենից ներկայացնելու Սաուդյան Արաբիայում կառուցվելիք աշխարհի խոշորագույն շինությունը Վերջին ամսվա զարգացումները Իրադարձություններ, որոնք զարգացել են 1 ամսից էլ քիչ ժամանակում Ինչպես անցավ Eurosatory 2022-ը Բաժնի այլ նյութերը Ալիևը փորձում է ԵՄ-ին համոզել, թե «Զանգեզուրի միջանցք» կոչվածը պետք է Եվրոպային Ամենազգայուն՝ գազի գործոնով Բայրաքթարից պակաս աղմկահարույց, բայց ավելի փորձառու Իրանական ԱԹՍ-ների չբացահայտված պոտենցիալը Հին վիրուսի նոր բռնկումը Ինչ է հայտնի կապիկի ծաղկի դեպքերի աճի մասին | ԱԳՆ․ Ստացել ենք խաղաղության պայմանագրի նախագծի վերաբերյալ Ադրբեջանի առաջարկները Սա տեքստի 9-րդ խմբագրությունն է Թունյան․ Ադրբեջանից գազ գնելու հարց այս պահին չկա օրակարգում Ըստ նրա՝ Հայաստանի կամ որևէ այլ երկրի համար տարբերություն չկա, թե որտեղից կգնի իր էներգառեսուրսը ՀՀ–ն կգործակցի Իտալիայի հետ ռազմական, ռազմատեխնիկական ոլորտներում․ Կան պայմանավորվածություններ Այցը տեղի է ունեցել ապրիլի 23-25-ը Վենետիկի 60-րդ հոբելյանական բիենալեի հայկական տաղավարի պաշտոնական աջակիցն է ARARAT լեգենդար հայկական կոնյակը Ազգային տաղավարի համադրողն է ԳԱԿ ցուցադրությունների գծով տնօրեն Արմեն Եսայանցը |