Լիբանանյան ընտրություններն ԱՄՆ հովանու ներքո՞ԵՄ և ԱՄՆ երկրների ներկայացուցիչները քննարկել են Լիբանանում նոր կառավարություն ձևավորելու մտադրությունը, որտեղ շարունակվում են միջհամայնքային բախումները Հոկտեմբերի 19-ին Բեյրութում տեղի է ունեցել պայթյուն, որի արդյունքում զոհվել է լիբանանյան հետախուզության գեներալ Վիսամ ալ-Հասսանը: Ամենայն հավանականությամբ, Լիբանանում սպասվում են հերթական ընտրությունները, ինչը պնդում է ընդդիմությունը և, եթե ամեն ինչ սահմանափակվի միայն դրանով, կարելի է համարել, որ Լիբանանի «բախտը բերել է», ինչպես որ հարևան պետություններինը, այդ թվում` Սիրիան ու Իսրայելը: Ճիշտ է, Լիբանանում ընտրությունները գրեթե չեն լուծում իշխանության հարցը, և թե ինչ է լինելու հետո, կանխատեսելն այդքան էլ բարդ չէ. կսկսվի նախարարական պորտֆելների առևտուր, ինչպես որ բազմիցս եղել է: Թեև այս անգամ ամեն ինչ շատ ավելի լուրջ է, քանի որ ընտրություններին ցանկանում են միջամտել ԱՄՆ-ն ու ԵՄ-ն: 6 նոյեմբերի 2012 PanARMENIAN.Net - ԱՄՆ պետդեպարտամենտը արդեն հայտարարել է, որ «լիբանանցիների համար ժամանակն է ընտրելու կառավարություն, որը կկարողանա ընդդիմանալ սիրիական ազդեցությանը»: Թե ինչ է դա իրականում նշանակում, Մերձավոր և Միջին Արևելքի երկրները լավ գիտեն` սկզբում հանրահավաքներ, հետո անկարգություններ, արյունահեղություն և քաոս: «Սիրիա և Իրան ժողովրդավարություն ներմուծելու ԱՄՆ փորձերը վտանգավոր երազանքներ են: Առաջին համաշխարհայինից հետո Անգլիայի և Ֆրանսիայի կողմից հաստատված մերձավորարևելյան երկրիների սահմանները կայունությամբ չեն առանձնանում: Անգամ տարածաշրջանի հարաբերականորեն կայուն երկրները`Թուրքիան և Իրանը, խոցելի են ներքին էթնիկական և կրոնական հակամարտությունների առումով»,-կարծում է Զբիգնև Բժեզինսկին: Իսկ նա գիտի` ինչի մասին է խուսում. տարածաշրջանը խորասուզվել է խավարի և քաոսի մեջ, և միայն Լիբանանը, Իսրայելն ու Իրանն են առայժմ դիմակայում: Սակայն որքան երկար նրանք կկարողանան դիմակայել «ԱՄՆ ժողովրդավարական էքսպանսիային», կանխատեսելը դժվար է: Ահա և հերթը Լիբանանինն է: Իսկ վերջինս բորբոքելը շատ հեշտ է. 1974-1975թթ քաղաքացիական պատերազմը որոշակի զգուշություն է սովորեցրել լիբանանցիներին: Սակայն 2005թ Լիբանանի վարչապետ Ռաֆիկ Հարիրիի ապանությունը դեռ երկար ժամանակով Լիբանանին շեղեց իր հունից, իսկ սպանության մեջ մեղադրվեց Սիրիան: Վերջինիս ուղղակիորեն չմեղադրելով` ԱՄՆ պետդեպարտամենտը այն ժամանակ հայտարարեց, որ «Լիբանանում հենց սիրիական ռազմական միջամտությունն է լիբանանյան անկայունության պատճառը»: Միաժամանակ ԱՄՆ-ն հայտարարեց Սիրիայի նկատմամբ նոր պատժամիջոցներ ընդունելու մասին, քանի որ վերջինս չի կատարում ՄԱԿ-ի ԱԽ-ի 1559-դ բանաձևը, որով պահանջվում էր անհապաղ կերպով դուրս բերել սիրիական զորքերը Լիբանանից: Ռաֆիկ Հարիրիի հուղարկավորության ժամանակ ԱՄՆ պետքարտուղարի տեղակալ Ուիլյամս Բերնսը ևս մեկ անգամ պահանջեց «Լիբանանից սիրիական զորքերի լիակատար և անհապաղ դուրսբերում»: Այն ժամանակ Սիրիայի նախագահ Բաշար Ասադը հայտարարել էր Հարիրիի մահվան հանգամանքների հետաքննության սեփական հանձնաժողովի ստեղծման մասին: Նա նաև խոստացել էր խստացնել վերահսկողությունը Սիրիա մտնող արաբական երկրների քաղաքացիների նկատմամբ, որոնք, ինչպես հետագայում պնդեց ԱՄՆ-ն, տեղափոխվում են Իրաք և համալրում իրաքյան գրոհայինների շարքերը: Համաշխարհային հանրության ճնշման ներքո Սիրիան ստիպված էր լիովին դուրս բերել իր զորքերը Լիբանանից: Սակայն վերադառնանք մեր օրեր: ԱՄՆ և ԵՄ երկրնեի ներկայացուցիչները քննարկել են Լիբանանում նոր կառավարություն ձևավորելու մտադրությունը: Նշենք, որ Լիբանանում շարունակվում են միջհամայնքային բախումները: Թեև դա ավելի շուտ պայքար է լիբանանյան հասարակության երկու թևերի միջև` նրանց, ովքեր Բաշար Ասադի կողմնակիցներն են և նրանց, ովքեր վերջինիս հակառակորդներն են: Իր հերթին ԵՄ արտաքին հարցերով ներկայացուցիչ Քեթրին Էշթոնն ընդգծել է իշխանության կողմից նման քաղաքականություն վարելու վտանգավորությունը: Լիբանանի կառավարությունը պատրաստակամություն է հայտնել ընդառաջ գնալ ընդդիմության պահանջներին: Տվյալ պահին քննարկվում է նախարարների կաբինետի` պաշտոնաթող լինելու պատրաստակամությունը, հետևաբար պետք չէ ակնկալել «արաբական գարուն»: Կլուծեն, արդյոք, արտահերթ ընտրությունները երկրի ներքին խնդիրները, հարցի պատասխանը բացասական է: Արտահերթ ընտրությունները չեն լուծի Լիբանանի ներքաղաքական խնդիրները, այլ պարզապես որոշակիորեն կմեղմեն երկրում թեժացած իրավիճակը: Հնարավոր է, որ կառավարության պաշտոնաթողությունից հետո կձևավորվի նոր կոալիցիոն կառավարություն: Արտահերթ ընտրությունները ստեղծված իրավիճակից դուրս գալու ելքերից մեկն է: Մինչ այդ, երկրում սրվել են հակասությունները արևմտամետ հակասիրիական «Ալ-Մուտակբալ» շարժման և «Հզբոլլահ» կազմակերպության միջև, որը հանդիսանում է Լիբանանի ներկայիս կառավարության միջուկը: Ներկայիս վարչապետ Նաջիբ Միկատին դարձել է կոալիցիայի կոմպրոմիսային կերպար, սակայն կկարողանա՞ արդյոք Լիբանանի ընդդիմությունը ստանալ նմանատիպ կերպար կայանալիք ընտրություններից հետո: Կարինե Տեր-Սահակյան Ամենաընթերցվողը բաժնում Ինչ է իրենից ներկայացնելու Սաուդյան Արաբիայում կառուցվելիք աշխարհի խոշորագույն շինությունը Վերջին ամսվա զարգացումները Իրադարձություններ, որոնք զարգացել են 1 ամսից էլ քիչ ժամանակում Ինչպես անցավ Eurosatory 2022-ը Բաժնի այլ նյութերը Ալիևը փորձում է ԵՄ-ին համոզել, թե «Զանգեզուրի միջանցք» կոչվածը պետք է Եվրոպային Ամենազգայուն՝ գազի գործոնով Բայրաքթարից պակաս աղմկահարույց, բայց ավելի փորձառու Իրանական ԱԹՍ-ների չբացահայտված պոտենցիալը Հին վիրուսի նոր բռնկումը Ինչ է հայտնի կապիկի ծաղկի դեպքերի աճի մասին | Հայկական առաջին բանկը Ֆասթեքսվերսում․ Ֆասթ Բանկը ներկայացնում է իր վիրտուալ տարածքը Oգտատերերը ևս կարող են ստեղծել իրենց սեփական ավատարները Երևանում իրազեկման ակցիաներ են անցկացվել, փողոցներ փակվել Դավթաշենում քաղաքացիները 15 րոպեով փակել էին ճանապարհը ԱՄՆ փոխնախագահ․ Երբեք չենք մոռանա Հայոց ցեղասպանությունը Նա նշել է, որ 1․5 մլն հայ ենթարկվել է բռնագաղթի, սպանվել է և մահվան երթի զոհ դարձել Նախագիծ․ Ոստիկանությունը 24-ժամյա հասանելիություն կունենա հանրային տարածքների տեսահսկման համակարգերին Տնտեսվարող սուբյեկտները կպարտավորվեն ունենալ անընդմեջ և բարձր որակի տեսագրություն իրականացնող տեսահսկման համակարգեր |