Թուրքիան հարևաններից ստանում է «զրո խնդիրներ» հարևանների հետ քաղաքականության պատասխանները

Թուրքիան հարևաններից ստանում է «զրո խնդիրներ» հարևանների հետ քաղաքականության պատասխանները

Թեհրանը տարածության վրա է պահում Անկարային, հասկացնելով, որ իր համար Թուրքիան ընդամենը տարածաշրջանում ԱՄՆ քաղաքականության իրագործողն է

Տարածաշրջանում գլխավոր դեր խաղալու Թուրքիայի վարչապետի անզուսպ ցանկությունը վերջ ի վերջո հանգեցրեց նրա երկրի համար բավական տհաճ հայտարարությունների Իրանի և Սիրիայի կողմից: Ինչպես Իրանը, այնպես էլ Սիրիան բավական ոչ երկիմաստ արտահայտվել են Թուրքիայի տարածքի վրա ռազմական հարվածի հնարավորության մասին: Այսպես, Իրանի Հեղափոխական գվարդիայի գլխավոր հրամանատարը հայտարարել է, որ Իրանը հարձակում կգործի Թուրքիայում ՆԱՏՕ-ի Հակահրթիռային պաշտպանության (ՀՀՊ) համակարգերի վրա այն դեպքում, եթե ԱՄՆ-ը և Իսրայելը սկսեն հարվածել Իրանի օբյեկտներին:

PanARMENIAN.Net - ԶԼՄ-ների տեղեկությունների համաձայն, գեներալ Ամիր Ալի Հաջիզադեն՝ Օդատիեզերական զորքերի գվարդիական դիվիզիայի ղեկավարը, կատարել է նախազգուշացումը, դատելով ամեն ինչից, Իրանի նոր պաշտպանական ռազմավարության շրջանակներում՝ փորձելով դիմակայել ԱՄՆ և Իսրայելի կողմից աճող սպառնալիքին: Այն, որ հենց Թուրքիան լինելու է ԱՄՆ և Իսրայելի կողմից, պարզ էր այն բանից հետո, երբ նա համաձայնվեց իր տարածքում ՆԱՏՕ ՀՀՊ տեղակայմանը: Իսկ Իրանի նախազգուշացումը ևս մեկ անգամ ապացուցեց, որ Անկարան տարածաշրջանում ազդեցություն չունի, որի մասին նա հայտարարում է: «Զրո խնդիրներ» հարևանների հետ տխրահռչակ քաղաքականությունն իսկապես գլխացավանք է դարձել և այնպիսի ջախջախիչ կործանում ապրեց, որին Անկարան չէր սպասում: Քաղաքականության հեղինակ, ԱԳՆ ղեկավար Ահմեդ Դավութօղլուն ակնհայտորեն շտապեց, որոշելով, որ Թուրքիան ի վիճակի է իր պայմանները թելադրել Մեծ Մերձավոր Արևելքին: «Արաբական գարունը» Թուրքիային ոչինչ չտվեց բացի հեղափոխությունն իր օգտին շուռ տալու փորձերի հիասթափությունից, ինչի մասին խոսում է իսլամիստների գրեթե համատարած հաղթանակը: Ընդ որում այդ իսլամիստներն ավելի արմատական են, քան Արդարություն և զարգացում կուսակցությունը (ԱԶԿ): Ինչ վերաբերվում է Իրանին, ապա չնայած «եղբայրական հարաբերություններին», Թեհրանը տարածության վրա է պահում Անկարային, հասկացնելով, որ իր համար Թուրքիան ընդամենը տարածաշրջանում ԱՄՆ քաղաքականության իրագործող է, ինչ էլ որ ասի Էրդողանը «ինքնուրույնության» մասին:

Միաժամանակ, Թուրքիայի հանդեպ հավակնությունների մասին արդեն հայտարարել է նաև Սիրիան: Իրանական Press TV հեռուստացանցի կայքը, մեջբերելով թուրքական աղբյուրները, հաղորդել է, որ Սիրիան ուղորդել է ռուսական արտադրության իր «Սկադ» հրթիռները դեպի Թուրքիայի կողմը: Դա տեղի է ունենում թուրքական հռետորության ուժգնացման ֆոնի վրա, որն ուղղված է սիրիական իշխանությունների դեմ: Հաղորդվում է նաև այն մասին, որ Թուրքիան իբր աջակցում է սիրիական զինված ընդդիմությանը: Իսկ չէ որ բոլորովին վերջերս Էրդողանը հրապարակավ սիրո խոստովանություն էր կատարում Բաշար Ալ Ասադին և արդեն պատրաստվում էր փոքրիկ Եվրամիություն ստեղծել Մերձավոր Արևելքում: Չստացվեց: Եվ չէր էլ կարող ստացվել՝ չափազանց տարբեր են բոլոր նպատակները, առավել ևս այնպիսի երկրների, ինչպիսիք են Սիրիան և Լիբանանը, դե նաև Թուրքիան: Միակ բանը, որն ընդհանուր է այդ երկրների մոտ, քրդական սպառնալիքն է և Քուրդիստան անկախ պետության ստեղծումը: Առկա է նաև ընդհանուր թշնամին՝ Իսրայելը: Ճիշտ է, հրեական պետությունն Իրանի թիվ 2 թշնամին է և Թեհրանն արդեն մատի փաթաթան է դարձրել «սիոնիստական դավադրության և սիոնիստների մասին» խոսքերը, որոնց կյանքի նպատակը Իրանին ոչնչացնելն է... Եվ այստեղ Իրանը չդիմացավ և հայտարարեց, որ եթե սիոնիստները համարձակվեն հարձակում գործել Իրանի ռազմական օբյեկտների վրա, նրանք ի պատասխան կստանան 150 հազար հրթիռ: Այդ մասին ասել է Իրանի պաշտպանության նախարար Ահմեդ Վահիդին:

Միաժամանակ պետք է նշել, որ տարածաշրջանում իրավիճակն ակնհայտորեն դուրս է գալիս հենց ապստամբների վերահսկողությունից, և ոչ Թուրքիան, ոչ Իրանն ի վիճակի չեն շտկել իրավիճակը: Իրանը խելամտորեն չի խառնվում Լիբիայի, Թունիսի, Եգիպտոսի ներքին գործերին, ինչը չի կարելի ասել Թուրքիայի մասին: Արդյունքում Անկարան ստանում է ավերված դեսպանատներ և դիվանագիտական առաքելություններ, ինչը թուրքերի նկատմամբ արաբների ատելության վառ օրինակ է: Սիրիայի նկատմամբ դիրքորոշման մեջ Արաբական պետությունների լիգային աջակցելն Անկարային ոչ մի լավ բանի չի հանգեցնի: Վերջ ի վերջո Ասադը կարող է մի քանի «Սկվադ» բաց թողնել Թուրքիայի ուղղությամբ, ինչը կնշանակի, որ տարածաշրջանում պատերազմը կթևակոխի ակտիվ փուլ: Դա կլինի պատերազմ, որում չկա հաղթող: Ավելի ճիշտ, այն կա՝ օվկիանոսից այն կողմ և հնարավոր է Մեծ Կովկասյան շղթայի ետևում, այստեղ գրեթե անհնար է հասնել մահմեդական միասնության՝ չափազանց շատ են տարբեր շահերը և ցեղերը:

Կարինե Տեր-Սահակյան
 Ամենաընթերցվողը բաժնում
Ինչպես է իրականանում Հոլիվուդ հասնելու երևանցի աղջկա երազանքը
Ինչ պատահեց «Վագներ ՄԶԿ»-ին Դեր Զորի մատույցներում
Ազնավուրը՝ կյանքի, կանանց ու արվեստի մասին
Հայաստանի (և ոչ միայն) ամենատարօրինակ օրենքները
 Ուշադրության կենտրոնում
BBC. Ադրբեջանական բանակում խոշտանգումների միջոցով հայ լրտեսների են փնտրել

BBC. Ադրբեջանական բանակում խոշտանգումների միջոցով հայ լրտեսների են փնտրել Ըստ իրավապաշտպան Օքթայ Գյուլալիևայի, նրանցից 9 մահացան՝ չդիմանալով կտտանքներին

 Բաժնի այլ նյութերը
Հոքինգից մինչև Ազնավուր Ում կորցրինք 2018-ին
Խաչապուրի bizimdir Վրաստանի տնտեսական կախվածությունն Ադրբեջանից՝ թվերով
Ընտանեկան բռնություն, գարդասիլ ու ծխելու արգելք 2017-ի ամենահնչեղ 10 հասարակական իրադարձությունը