  Թուրքիան որոշել է հաշտվել Ֆրանսիայի հետ, սպասում է, թե երբ Փարիզը կկողմնորոշվի Ցեղասպանության հարցում 11 մայիսի 2012 - 13:53 AMT PanARMENIAN.Net - Ինչպես գրում են թուրքական ԶԼՄ-ները, մեկնաբանելով Ֆրանսիայի նախագահի թեկնածուների նախընտրական խոստումները Հայոց ցեղասպանության ժխտումը քրեականացնող օրինագծի կրկին շրջանառության մեջ դնելու վերաբերյալ, Թուրքիայի ԱԳՆ մամլո քարտուղար Սելջուկ Ունալը հայտարարել է, որ հարկավոր է «ուսումնասիրել թեկնածուների հայտարարությունները և հետևել իրադարձությունների հետագա զարգացմանը»: «Մենք սպանում ենք, թե երբ Ֆրանսիան նոր կառավարություն կձևավորի: Իրավիճակը, որ ստեղծվել է երկկողմ հարաբերություններում, չի համապատասխանում թուրք-ֆրանսիական ամուր կապերին»,-ասել է Թուրքիայի ԱԳՆ մամլո քարտուղարը՝ նշելով, որ եթե Ֆրանսիան գործի «ըստ այն դիրքորոշման, որը Թուրքիան ընդունելի է համարում, Անկարան պատրաստ է ամրապնդել երկկողմ կապերն ու սերտորեն համագործակցել Ֆրանսիայի հետ միջազգային հարցերում, որոնք վերաբերում են Եվրոպայի ապագային»: Թուրքիայի ԱԳՆ ներկայացուցիչը նշել է, որ պաշտոնական Անկարան ակնկալում է, որ Ֆրանսիայի նոր ղեկավարությունը կբացի նախկինում սառեցված բանակցային հինգ կետերը, որոնք վերաբերում են Թուրքիայի անդամակցությանը Եվրամիությանը: Հարկ է նշել, որ նախընտրական արշավի ժամանակ նորընտիր նախագահ Ֆրանսուա Օլանդը նույնպես հանդես եկավ Հայոց ցեղասպանության օրինագծի ընդունմանը կողմ: «Անկախ ճնշումներից, ես ամեն ինչ կանեմ, որ օրենքն ընդունվի: Հայերի պատմությունը երբեք չի մոռացվի, քանի որ երբեք չի վիճարկվի»,-ասել է նա: Հունվարի 23-ին Ֆրանսիայի Սենատը կողմ է քվեարկել ցեղասպանությունների,այդ թվում` Հայոց ցեղասպանության ժխտումը քրեականացնող օրինագծին: Ընդհանուր առմամաբ քվեարկել են 213 սենատորներ, որոնցից 127-ը «կողմ», 86-ը «դեմ»: Օրինագիծը մերժման համար նախատեսում է 1 տարվա ազատազրկում և 45 հազար եվրո տուգանք: Թուրքիան շատ ցավագին արձագանքեց օրինագծի ընդունմանը՝ հայտարարելով, թե կսառեցնի համագործակցությունը Ֆրանսիայի հետ ամենատարբեր ոլորտներում: Փետրվարի 29-ին Ֆրանսիայի Սահմանադրական խորհուրդը օրինագիծը ճանաչեց ոչ սահմանադրական: Գրեթե անմիջապես Ֆրանսիայի նախագահ Նիկոլյա Սարկոզին հանձնարարեց կառավարությանը նախապատրաստել նոր օրինագիծ:   Ուշագրավ Ընդգծվել է ուժի կիրառման անընդունելիությունը և կոչ է արվել ձեռնպահ մնալ ռազմատենչ հռետորաբանությունից «Մեզ ասում էին, թե մեր խոսքերը չափազանց կտրուկ են, որ դա չի մոտեցնում խաղաղությունը»,–բողոքել է նա Հաջիզադեն ասել է, թե հայտարարությունը «զարմանք է առաջացնում», և մեղադրանքներ հնչեցրել Հայաստանի հասցեին Նա հավելել է, որ Թուրքիան աջակցում է Ադրբեջանի և ՀՀ միջև խաղաղության գործընթացին   Ամենաընթերցվողը բաժնում |  Սյուժե Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
