  Սաֆարովի արտահանձնում. Ադրբեջանը, փաստորեն, խաբել է Հունգարիային 31 օգոստոսի 2012 - 20:01 AMT PanARMENIAN.Net - Հունգարիայի արդարադատության նախարարությունը մեկնաբանել է Ռամիլ Սաֆարովի արտահանձնումը Ադրբեջանին: Ըստ նախարարության, Ադրբեջանը վստահեցրել է Հունգարիային, որ Սաֆարովի պատժաչափը կմնա անփոփոխ: Իսկ երբ հասկացան, որ Ադրբեջանի տարածքում Սաֆարովի պատժաչափը կփոփոխվի ըստ ադրբեջանական օրենսդրության, արդեն շատ ուշ էր: PanARMENIAN.Net ի գրավոր հարցմանը պատասխանելով` նախարարությունը հղել է դատապարտյալների հանձնման մասին Ստրասբուրգի 1983թ կոնվենցիան և նշել, որ կոնվենցիայի մասնակից կողմն իրավունք ունի իր տարածքում դատապարտված անձանց հանձնելու, որպեսզի վերջիններս շարունակեն կրել իրենց պատիժն ընդունող երկրի տարածքում: Ընդունող կողմը կարող է պահպանել կամ փոփոխել պատիժը` ըստ իր երկրում գործող իրավաբանական և վարչական օրենքների: «Քանի որ Ադրբեջանն ընդունել է կոնվենցիայի պայամնները, Հունգարիայի արդարադատության նախարարությունն այսօր իրականացրել է Ռամիլ Սաֆարովի արտահանձնումը Ադրբեջանին: Ըստ կոնվենցիայի, փոխանցումից հետո դատապարտյալի պատժաչափը որոշվում է նրան ընդունող երկրի օրենսդրությամբ»,-ասվում է նախարարության մեկնաբանությունում: Նախարարության պատասխանում նաև նշվում է, որ ընդունող կողմը պատժի իրականացման հարցում պետք է սահմանափակվի մեղադրանքի իրավական բնույթով: Ադրբեջանի արդարադատության նախարարությունը հավաստիացրել է հունգարական կողմին, որ Սաֆարովի մեղադրանքը պարունակում է այնպիսի հանցակազմ, որն ըստ Ադրբեջանի ՔՕ-ի, ենթական է ցմահ ազատազրկման: Ցմահ ազատազրկման դատապարտված դատապարտյալները կարող են ներման արժանանալ 25 տարուց ոչ շուտ: Հունգարիայի արդարադատության նախարարությունն ընդգծել է, որ Բուդապեշտը գործել է համաձայն միջազգային իրավունքի նորմերի:   Ուշագրավ Ընդգծվել է ուժի կիրառման անընդունելիությունը և կոչ է արվել ձեռնպահ մնալ ռազմատենչ հռետորաբանությունից «Մեզ ասում էին, թե մեր խոսքերը չափազանց կտրուկ են, որ դա չի մոտեցնում խաղաղությունը»,–բողոքել է նա Հաջիզադեն ասել է, թե հայտարարությունը «զարմանք է առաջացնում», և մեղադրանքներ հնչեցրել Հայաստանի հասցեին Նա հավելել է, որ Թուրքիան աջակցում է Ադրբեջանի և ՀՀ միջև խաղաղության գործընթացին   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
