  Շահան Քանդահարյան. Սաֆարովին ներում շնորհելու մասին Ալիևի որոշումը անակնկալ չէր  1 սեպտեմբերի 2012 - 14:13 AMTPanARMENIAN.Net - Հայ սպա Գուրգեն Մարգարյանին Բուդապեշտում կացնահարած ադրբեջանցի Ռամիլ Սաֆարովին ներում շնորհելու մասին Ալիևի որոշումը անակնկալ չէր՝ մարդասպանը ազատ արձակելու առումով, PanARMENIAN.Net ի թղթակցին է ասել Բեյրութում հրատարակվող «Ազդակ» թերթի խմբագիր Շահան Քանդահարյանը։ «Ադրբեջանը վաղուց արդեն հերոսի նման էր ընկալում ոճրագործին։ Խնդիրը այստեղ Հունգարիայի իշխանություններին ընդառաջ գնալն էր Բաքվի առաջարկած գործարքին։ Կարծում եմ համայն հայության քարոզչաքաղաքական գործողությունները պետք է ուղղել Հունգարիայի առած քայլին դեմ լուսարձակի տակ բերելով առնված քայլին հակաօրինականությունը, Եվրոպական նորմերի հետ հակասությունը շեշտելով, որ երևույթը անուղղակի քաջալերում է մարդասպանությունը։ Այս դեպքում սա խոսում է մարդասպանության անպատժելիության և անուղղակի խրախուսում է էթնիկ հողի վրա նման սպանությունների կրկնությունը»,-ասել է Քանդահարյանը: Նա նշել է նաև, որ ՀՀ նախագահի քայլը՝ դադարեցնելու Հունգարիայի հետ դիվանագիտական կապերը, սկսելու համար ընկալելի քայլ է, որին պետք է հետևեն այլ որոշումներ։ Համոզված եմ, որ Սփյուռքը անելիք ունի՝ օտար երկրներում հարցը բարձրաձայնելու և պատահածը հակադրելու միջազգային և եվրոպական նորմերին դեմ»,-ասել է Քանդահարյանը:   Գուրգեն Մարգարյան 2004 թ. փետրվարի 19-ին ադրբեջանցի սպա Ռամիլ Սաֆարովը գիշերը կացնահարում է Գուրգենի Մարգարյանին, երբ նա քնած էր: Երկուսն էլ մասնակցում էին Բուդապեշտում ՆԱՏՕ-ի ,Գործընկերություն հանուն խաղաղությանե ծրագրի շրջանակներում կազմակերպված անգլերենի դասընթացներին: Սաֆարովն առաջին հարցաքննության ժամանակ իր արարքի պատճառներն այսպես է բացատրել. «Ես ափսոսում եմ, որ ոչ մի հայ մինչ այժմ չեմ սպանել...Բանակն ինձ գործուղեց այս դասընթացներին, եւ այստեղ ես իմացա, որ մեզ հետ դասընթացներում նաեւ երկու հայ կա: Ասեմ, որ իմ մեջ ատելություն ծագեց հայերի հանդեպ: Սկզբում բարեւում էինք, այսինքն` նրանք էին բարեւում, սակայն ես չէի պատասխանում: Սպանության պատճառն այն է, որ նրանք անցան մեր մոտով եւ ժպտացին մեր երեսին: Այդ պահին ես որոշեցի սպանել նրանց, այսինքն լուսադեմին կտրել նրանց գլուխները»: Partner news  Ուշագրավ «Շուշիի ազատագրման համար» մեդալով պարգևատրվել են ազատամարտիկներ Արարատ Ավանեսյանը և Արթուր Գասպարյանը Այս ընթացքում հայ դիրքապահների ուղղությամբ արձակվել է ավելի քան 1500 կրակոց Գիտաժողովի աշխատանքին մասնակցել են 12 գիտնականներ Հայաստանից, Ավստրալիայից, Մեծ Բրիտանիայից ու Հյուսիսային Ամերիկայից Համատեղ հայտարարությունը հրապարակվել է Թուրքիայի վարչապետ Ռեջեփ Թայիփ Էրդողանի ԱՄՆ այցի օրերին   Partner news Ամենաընթերցվողը բաժնում |  Վերջին լուրեր Գյումրու տնակային ավաններն օր օրի մեկուսանում են քաղաքից (վիդեո)  Բազմաթիվ ընտանիքներ առանց տղամարդկանց են, շատ ընտանիքներում էլ հիվանդ և հաշմանդամություն ունեցող երեխաներ կանՄ-19 տ. Հայաստանի հանդբոլի հավաքականն անհաջող է մասնակցել ԵԱ ընտրական մրցաշարում Բոլոր 3 խաղերում էլ հայ հանդբոլիստուհիները զիջել են խոշոր հաշվովԵղանակը վերջապես կփոխվի. Օդի ջերմաստիճանն այս օրերին զգալի կբաձրանա Ցերեկը սպասվում է +21+23, երեկոյան +14+16 աստիճան տաքություն |
