  Շվեդիայի հայեր. Ադրբեջանն ուղղակի արհամարհեց հունգարական արդարադատությունը 3 սեպտեմբերի 2012 - 16:05 AMT PanARMENIAN.Net - Շվեդիայի հայկական ասոցիացիաների միության խորհուրդը նամակ է հղել Ստոկհոլմում Հունգարիայի դեսպանատանը՝ հայ սպային կացնահարած ադրբեջանցի Ռամիլ Սաֆարովին Հունգարիայի կողմից Ադրբեջանին արտահանձնման վերաբերյալ, որին հաջորդ իսկ օրը ներում շնորհվեց Ադրբեջանի նախագահի կողմից: Նամակում մասնավորապես ասվում է. «Վերջին 24 ժամերին համաշխարհային ԶԼՄ-ները հայտնում են հայ սպայի մարդասպանին Ռամիլ Սաֆարովին արտահանձնելու մասին, որին Բաքվում դիմավորել են որպես հերոսի և ներում շնորհել նախագահի հրամանագրով: Ավելին նրան շնորհվել է մայորի կոչում, բնակարան է տրվել և վերջին 8 տարվա աշխատավարձը: Այս ամենը նշանակում է, որ Բուդապեշտում սպանություն կատարած ու դատապարտված Սաֆարովը այս ողջ ընթացքում դե-ֆակտո եղել է ադրբեջանական բանակի շարքերում: Ոչ մի երկրում մարդասպանին աշխատավարձ չեն վճարում և առաջ չեն քաշում: Իսկ Ադրբեջանն այդ քայլով բացահայտորեն արտոնում է հայերի սպանությունը հետագա պարգևատրմամբ: Ադրբեջանական ղեկավարության այդ քայլը ոչ միայն հերթական անգամ արտահայտեց ատելությունը հայերի հանդեպ, այլ նաև խախտեց ու արհամարհեց Հունգարիայի արդարադատության համակարգը, որը ԵՄ անդամ է: Հունգարիայի արդարադատության նախարարությունը հայտարարել է, որ Բաքուն պնդում է, թե Սաֆարովը, ըստ Ստրասբուրգի կոնվենցիայի, կշարունակի կրել պատիժը, սակայն, իրականում ամեն ինչ հակառակը եղավ: Շվեդիայի հայկական ասոցիացիաների միությունը կցանկանար իմանալ, թե ինչպես է Շվեդիայի կառավարությունը մտադիր արձագանքել օրենքի ու պայմանավորվածությունների այս խախտմանն ու պահանջի Բաքվից հարգել օրենքը, որի շրջանակում Սաֆարովն արտահանձնվել է: Որոշ աղբյուրներ պնդում են, որ մինչ նրա արտահանձնումը Բաքուն ու Բուդապեշտը համաձայնության են եկել, որ Ադրբեջանը կգնի Հունգարիայի պետական պարտատոմսերը: Այնուամենայնիվ, մենք հուսով ենք, որ հունգարական կառավարությունը վեր է նման գործարքներից ու այդ լուրերը միայն ասեկոսեներ են: Մենք հուսով ենք, որ Շվեդիայի կառավարությունը, որպես 21 դարի եվրոպական ընկերակցության անդամ, հարգում է միջազգային օրենքն ու կդատապարտի Բաքվին արդարադատությունը, մարդկային արժեքներն ու Հունգարիայի հեղինակությունը անարգելու համար»:   Գուրգեն Մարգարյան 2004 թ. փետրվարի 19-ին ադրբեջանցի սպա Ռամիլ Սաֆարովը գիշերը կացնահարում է Գուրգենի Մարգարյանին, երբ նա քնած էր: Երկուսն էլ մասնակցում էին Բուդապեշտում ՆԱՏՕ-ի ,Գործընկերություն հանուն խաղաղությանե ծրագրի շրջանակներում կազմակերպված անգլերենի դասընթացներին: Սաֆարովն առաջին հարցաքննության ժամանակ իր արարքի պատճառներն այսպես է բացատրել. «Ես ափսոսում եմ, որ ոչ մի հայ մինչ այժմ չեմ սպանել...Բանակն ինձ գործուղեց այս դասընթացներին, եւ այստեղ ես իմացա, որ մեզ հետ դասընթացներում նաեւ երկու հայ կա: Ասեմ, որ իմ մեջ ատելություն ծագեց հայերի հանդեպ: Սկզբում բարեւում էինք, այսինքն` նրանք էին բարեւում, սակայն ես չէի պատասխանում: Սպանության պատճառն այն է, որ նրանք անցան մեր մոտով եւ ժպտացին մեր երեսին: Այդ պահին ես որոշեցի սպանել նրանց, այսինքն լուսադեմին կտրել նրանց գլուխները»: Partner news  Ուշագրավ Համանախագահները այցը կսկսեն Բաքվից, նրանք կհանդիպեն Ադրբեջանի նախագահ Իլհամ Ալիևի հետ, մայիսի 23-ին կժամանեն Երևան Անցած ամիս հայտնի թուրք դաշնակահար Ֆազիլ Սայը նույնպես դատապարտվեց 10 ամսվա ազատազրկման Մարգարեի հասցեին արտահայտությունների համար Ամեն դեպքում Մոնսերատ Կաբալյեն կհայտնվի շատ պատշաճ շրջապատում տասնյակից ավելի ֆրանսիացի խորհրդարանականների, դիվանագետների ու ռուս պատգամավորների հետ միասին Սերգեյ Լավրով. Գոյություն ունեցող ստատուս քվոն, անկասկած, անընդունելի է   Partner news Ամենաընթերցվողը բաժնում |  Վերջին լուրեր Երևանում ամփոփվել են դպրոցականների առարկայական օլիմպիադայի քաղաքային փուլի արդյունքները  Այս տարի բարձր է աշակերտների առաջադիմությունը հատկապես բնագիտական և տեղեկատվական տեխնոլոգիաներին առնչվեղ առարկաներիցՄեզ պետք է նոր մտածողություն, որ լուծենք խնդիրները, որոնք հին մտածողության արդյունք են. Շարմազանովը հիշեց Էնշտեյնին Էդուարդ Շարմազանովը նկատեց, որ համգործակցությունը չի ենթադրում, որ կառավարությունն ինչ ասի ընդդիմությունը պետք է ծափահարիՇիրակ. Հարուցվել է քրեական գործ` յուրացում և պաշտոնեական կեղծիք կատարելու փաստերի առթիվ Դեպքի առթիվ հարուցվել է քրեական գործ` ՀՀ քրեական օրենսգրքի 179-րդ հոդվածի 3-րդ մասի 1-ին կետով և 314-րդ հոդվածի 1-ին կետով«Արի տուն-2013»-ը կմեկնարկի հունիսի 16-ին և 8 փուլով կշարունակվի մինչև օգոստոսի 31-ը Այս տարի ծրագիրը համալրվել է բովանդակային նոր բաղադրիչներով՝ հայոց լեզվի ամենօրյա դասընթացներով |
