  Bora Jet. Վան-Երևան չվերթի իրականացումը դեռ հարցականի տակ է 28 նոյեմբերի 2012 - 14:35 AMT PanARMENIAN.Net - Մասնավոր թուրքական Bora Jet ընկերության կողմից Վան-Երևան չվերթի իրականացումը դեռ հարցականի տակ է: Այդ մասին հայտնել են Bora Jet ընկերությունում, փոխանցում է «Թրենդ» գործակալությունը: Ըստ ստացված տեղեկատվության, «կողմերը դեռևս բանակցում են և համաձայնություն ձեռք բերված չէ»: «Դեռ վաղ է խոսել այն մասին, որ Վան-Երևան ավիաչվերթը կիրագործվի, այս փուլում կողմերը բանակցում են»,-ասել են ընկերությունում: Եթե պայմանավորվածություն լինի, ապա չվերթերը կլինեն միայն ուղևորատար, բեռնափոխադրումներ չեն նախատեսվում, ասել են ընկերությունում: Ավելի վաղ Հայաստանի արդյունաբերողների ու ձեռնարկատերերի (գործատուների) նախագահ Արսեն Ղազարյանը հայտարարել է, որ փաթեթն արդեն պատրաստ է, և Հայաստանի ու Թուրքիայի ավիացիոն ղեկավարությունը արդեն տվել է իր համաձայնությունը: Ըստ նրա, մնում է ինքնաթիռ գտնել, որը կբավարարի կոմերցիոն շահերին ու կողմերի պահանջներին: Ղազարյանը նշել էր, որ պետք է ամեն ինչ արվի, որպեսզի Երևան-Վան չվերթը հիմնական լինի, ոչ թե ժամանակավոր բնույթ կրի: Նա հայտնել է, որ չվերթն, առաջին հերթին կարևոր է, քանի որ հայ-թուրքական տնտեսական հարաբերությունների բարելավման մեջ շահագրգռված են հիմնականում Վան, Բիթլիս, Կարս քաղաքների գործարարները: «Մենք փորձում ենք համագործակցել թուրքական ծառայությունների հետ: Ի վերջո, եթե թուրքական կառավարությունը դեմ չէ Երևան-Ստամբուլ չվերթին, ինչո՞ւ պետք է դեմ լինի Վան-Երևանին»,-ասել էր Ղազարյանը: Երևան-Վան-Երևան չվերթի իրականացման փաթեթը ստեղծվել է «Աջակցություն հայ-թուրքական հարաբերություններին» ծրագրի շրջանակներում:   Ուշագրավ Ընդգծվել է ուժի կիրառման անընդունելիությունը և կոչ է արվել ձեռնպահ մնալ ռազմատենչ հռետորաբանությունից «Մեզ ասում էին, թե մեր խոսքերը չափազանց կտրուկ են, որ դա չի մոտեցնում խաղաղությունը»,–բողոքել է նա Հաջիզադեն ասել է, թե հայտարարությունը «զարմանք է առաջացնում», և մեղադրանքներ հնչեցրել Հայաստանի հասցեին Նա հավելել է, որ Թուրքիան աջակցում է Ադրբեջանի և ՀՀ միջև խաղաղության գործընթացին   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
