Ալեքսանդր Սկակով. Իլիա Բ-ն վաղուց իր խաղն է վարում

PanARMENIAN.Net - Հազիվ թե Վրաստանի պատրիարք Իլյա Բ-ն կարող է համարվել Իվանիշվիլու դեսպանը:Այդ մասին PanARMENIAN.Net ին ասել է ՌԳԱ Արևելագիտության ինստիտուտի Կենտրոնական Ասիայի և Կովկասի ուսումնասիրման կենտրոնի աշխատանքային խմբի համակարգող, պատմական գիտությունների թեկնածու Ալեքսանդր Սկակովը` խոսելով Մոսկվայում Վրաստանի պատրիարքի և Վլադիմիր Պուտինի հանդիպման մասին: «Իլիա Բ-ն վաղուց իր խաղն է վարում: Նրան անհանգստացնում է նաև Աբխազիայի և Հարավային Օսեթիայի հպատակությունը եկեղեցական առումով: Փաստացի երկիշխանության իրավիճակում շանս է հայտնվում դառնալ գլխավոր մեդիատորը և իշխանության երրորդ կենտրոնը: Մի մոռացեք, որ ցանկացած եկեղեցական կազմակերպություն երբեք կանգ չի առնում ձեռք բերածի վրա: Նայեք ռուսականին` նույն պատմությունը»,- ասել է նա:

Ինչ վերաբերվում է ռուս-վրացական հարաբերությունների կարգավորմանը, ապա Սկակովը կարծում է, որ դրանք չեն հարթվի: «Տեսանելի հեռանկարում առկա է Աբխազիայի և Հարավային Օսեթիայի չլուծված խնդիրը: Գլխավորը, որ հարաբերությունները կհայտնվեն, չէ որ դրանք ընդհանրապես բացակայում էին: Կընթանա տարբեր թեմաներով երկխոսություն, բայց ոչ այդ երկու նոր պետությունների թեմայով»,- ասել է փորձագետը: