Հրադադարի պահպանման ռեժիմն այս շաբաթ խախտվել է մոտ 150 անգամ

Հրադադարի պահպանման ռեժիմն այս շաբաթ խախտվել է մոտ 150 անգամ

PanARMENIAN.Net - ՊԲ օպերատիվ տվյալների համաձայն, հունվարի 12-18-ն ընկած ժամանակահատվածում ղարաբաղա-ադրբեջանական հակամարտ զորքերի շփման գծում հակառակորդի կողմից հրադադարի պահպանման ռեժիմը խախտվել է մոտ 150 անգամ, որի ընթացքում, տարբեր տրամաչափի հրաձգային զինատեսակներից, հայ դիրքապահների ուղղությամբ արձակվել է ավելի քան 800 կրակոց:

ՊԲ առաջապահ զորամասերը հավատարիմ են մնացել հրադադարի պահպանման ռեժիմին և շարունակել վստահորեն իրականացնել մարտական դիրքերի պաշտպանություն:

Ըստ ՊԲ օպերատիվ տվյալների ամփոփագրի, 2012թ. ընթացքում ղարաբաղա-ադրբեջանական հակամարտ զորքերի շփման գծում հակառակորդի կողմից հրադադարի պահպանման ռեժիմը խախտվել է շուրջ 14.000 անգամ, որի ընթացքում, տարբեր տեսակի հրաձգային զինատեսակներից, հայ դիրքապահների ուղղությամբ արձակվել է ավելի քան 68.700 կրակոց:

Պաշտպանության նախարարության տվյալներով՝ Ադրբեջանը Հայաստանի և ԼՂՀ-ի Զինված ուժերի հետ շփման գծում 2012 թվականի դեկտեմբերին հրադադարի ռեժիմը խախտվել է 914 անգամ: Ադրբեջանն այդ ընթացքում 170 անգամ կիրառել է դիպուկահար զենք, շուրջ 6 անգամ՝ խոշոր տրամաչափի դիպուկահար զենք:

Նոյեմբերին Ադրբեջանը հրադադարի ռեժիմը խախտել է շուրջ 1000 անգամ: Ադրբեջանն այդ ընթացքում 210 անգամ կիրառել է դիպուկահար զենք, շուրջ 10 անգամ՝ խոշոր տրամաչափի զենք, մեկ անգամ՝ РПГ-7:

Հոկտեմբերին հրադադարի ռեժիմը խախտել է շուրջ 1050 անգամ, սեպտեմբերին՝ 1185 անգամ, օգոստոսին՝ 1161 անգամ, հուլիսին՝ ավելի քան 1300 անգամ, հունիսին՝ 3750 անգամ, մայիսին՝ 1300 անգամ:

Հակառակորդի կողմից հրադադարի պահպանման ռեժիմի խախտման ինտենսիվություն հատկապես նկատվել է պետական նշանակության միջոցառումների և տոն օրերի ժամանակ ու դրանց նախորդած շրջանում:

2013 թվականի ամփոփ տվյալները դեռ չեն հրապարկվել:

 Ուշագրավ
Դամասկոսը բարձր է գնահատում Սիրիական ճգնաժամի վերաբերյալ Հայաստանի հավասարակշռված դիրքորոշումը, ասել է Ասադը
Ստամբուլի Թուզլա շրջանում գտնվող «Արմեն» որբանոցը հայ մանուկների ճամբարը քանդելու դեմ հայտարարության է տարածել Թուրքիայի «Ժողովուրդների դեմոկրատական կոնգրես»-ը
«Քանդելու դեմ մի շարք մարդկանց աջակցությամբ պայքար սկսվեց, բազմաթիվ մարդիկ այնտեղ հերթապահություն սկսեցին»«-ասվում է հոդվածում
«Օրհանի ժառանգությունը» վեպն արժանացել է բարձր գնահատականների բազմաթիվ գրախոսականներում, մասնավորապես՝ New York Times, Elle, Entertainment Weekly պարբերականների կողմից