Հրթիռակոծվել է Հալեպի Նոր գյուղ թաղամասը, թիրախը հայկական եկեղեցին էր25 մարտի 2014 - 15:56 AMT PanARMENIAN.Net - Հրթիռակոծվել է Հալեպի Նոր գյուղ թաղամասը: Ինչպես հայտնում է ՀՅԴ լրատվական ծառայությունը Հալեպում, մարտի 24-ին Նոր գյուղի վրա 7 հրթիռ ու ական է արձակվել, հայկական Սբ Երրորդություն եկեղեցու ուղղությամբ: Եկեղեցին հայտնի է նաև որպես Զվարթնոց: Ականները ընկել են բնակելի տների ու շենքերի տանիքների վրա: Հրթիռակոծության ու հրետակոծման արդյունքում վիրավորվել են երիտասարդ պատանի ու աղջիկ, ինչպես նաև մայր ու որդի: Զոհերի մասին տեղեկություններ չկան: Հրթիռների թիրախը հայկական եկեղեցին է եղել՝ հրթիռներից մեկը վնասել է եկեղեցու գմբեթը, հայտնում է Armenia Today-ը: Արդեն մի քանի օր է սիրիական հայաբնակ Քեսաբում ողբերգական իրադարձություններ են կատարվում: Թուրքական կողմը, խախտելով միջազգային օրենքներն ու պարտավորությունները, գնդակոծել է հայկական գյուղերն ու ավանները, իսկ հետո ճանապարհ բացել ապստամբների համար, որ նրանք գրավեն հայաբնակ շրջանը: Քեսաբը Սիրիայի ու Թուրքիայի սահմանին է, այնտեղ հազարավոր հայեր են ապրում, կան հայաբնակ բնակավայրեր, համայնքային ու կուսակցական հաստատություններ, դպրոցներ ու հիվանդանոցներ: Ինչպես հայտնել է The Armenian Weekly-ին, գրոհայինների հարձակումից հետո մոտ 400 հայ ընտանիքներ (այլ տվյալներով մոտ 600 ընտանիք) Քեսաբից տարհանվել ու ապաստանել են Լաթակիայում, իսկ մի քանի մարդու ճակատագիրն անհայտ է մնում: «Բազում հայ ընտանիքներ ապրում են Լաթակիայում հարազատների ու բարեկամների մոտ, ոմանք ապաստան են գտել հայկական եկեղեցում: Հալեպի թեմը և Սիրիայի Կարմիր Մահիկի կազմակերպությունն օգություն են ցուցաբերում փախստականներին»,- ասել է Լաթակիայի հայ համայնքի ներկայացուցիչ Ներսես Սարգսյանը: Ապստամբները պղծել են Քեսաբի եկեղեցին, թալանել տներն ու քանդել մի շարք կառավարական շենքեր: Ըստ Սարգսյանի, ապստամբները Սիրիա են ներթափանցել Թուրքիայից և աջակցություն են ստանում թուրք զինվորականներից: Վիրավոր գրոհայինները տեղափոխվում են Թուրքիա բուժման նպատակով: Մարտի սկզբին սիրիական Հոմս քաղաքի հայկական Ալ Արման թաղամասում, որտեղ հիմնականում քրիստոնյաներ ու ալևիներ են ապրում, ականապատ մեքենա պայթեց: Զոհվեց 13 մարդ և 30-ը վիրավորվեց: Թաղամասին լուրջ նյութական վնաս հասցվեց: Քաղաքացիական պատերազմը Սիրիայում շարունակվում է արդեն 3 տարի: Ըստ ՄԱԿ տվյալների, այդ ընթացքում զոհվել է մոտ 125 հազար մարդ, 2 միլիոնը փախստականներ են դարձել, ևս 4 միլիոնը՝ ներքին տեղահանված անձինք: Այժմ պատերազմն ընթանում է ինչպես ընդդիմության ու կառավարական զորքերի միջև, այնպես էլ իսլամիստական խմբավորումների ներսում: Իսլամիստական խմբավորումների նպատակն է շարիաթի օրենքներով ապրող պետության ստեղծումը: Մոտ 9,5 մլն մարդ ստիպված է եղել հեռանալ մարտական գործողությունների գոտուց, ինչը մեծածավալ հումանիտար աղետի պատճառ է դարձել Սիրիայում և հարևան երկրներում: Սիրիայում պատերամի ընթացքում 68 հայ է զոհվել: Հայերը Սիրիայում բնակվում են հիմնականում Հալեպում ու Դամասկոսում: Մինչ պատերազմը հայ համայնքը հասնում էր 80 հազարի: Այժմ Սիրիայից մոտ 20 հազար հայ է հեռացել: Ուշագրավ
Նրանք նաև կոչ են արել դադարեցնել Ադրբեջանին ցանկացած ռազմական օգնության Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը Ամենաընթերցվողը բաժնում | Գասպարյան․ 2022-ի սեպտեմբերի 13-ին զոհված 2 զինվորի դիերը դեռ միջդիրքային հատվածում են Չնայած նրան, որ հայկական կողմը Ադրբեջանին է տրամադրել դիերի կոորդինատները, սակայն մինչ օրս որևէ պատասխան չի ստացվել ԱՄՆ կոնգրեսականին մեղադրանք է առաջադրվել Ադրբեջանից տարիներ շարունակ կաշառք ստանալու համար Նույն գործով անցնում է նաև կոնգրեսականի կինը Բագրատ սրբազան․ Կիրանցից քայլերթով շարժվում ենք Երևան Նախատեսում են Երևան հասնել մայիսի 9-ին Կիրանցի բնակչուհի. Արդեն մենք չենք ուզում, որ ոստիկանները գնան՝ ականները հանել են, այլևս անվտանգ չէ «Երեկ ականազերծել են, թե ինչու են ոստիկանները գյուղում մնացել չգիտեմ»,–ասել է նա |