Սոչիի քաղաքապետը խոստանում է կանգնեցնել զորավար Անդրանիկի արձանը 6 հունիսի 2014 - 16:15 AMT PanARMENIAN.Net - Ըստ ՌՀՄ փոխնախագահ Գերման Անանյանցի, Սոչիի քաղաքապետը խոստցել է, որ զորավար Անդրանիկի հուշարձանը կանգնեցվելու է: «Այս պահի դրությամբ Նոր Լույս գյուղում հուշարձանի կանգնեցման համար անհրաժեշտ բոլոր փաստաթղթերը պատրաստ են: Կա իշխանությունների համաձայնությունը, կա կազակների համաձայնությունը, ձևական կողմը պահպանված է: Մնում է միայն ստանալ թույլտվությունը գրավոր տեսքով ու կանգնեցնել հուշարձանը: Ավելին, Անդրանիկ Օզանյանի դիմանկարը Ադլերի «Համշենների բակը» թանգարանում տեսել է Սոչիի քաղաքապետ Անատոլի Պախոմովը, որը հետաքրքրվել է, թե ում դիմանկարն է դա: Նրան պատասխանել են, որ դա Ռուսական կայսրության բանակի գեներալ Անդրանիկ Օզանյանն է, որի հուշարձանը ապամոնտաժվեց Լազարևի շրջանի Վոլկոնկա գյուղում: Սոչիի քաղաքապետը խոստացել է, որ Անդրանիկի հուշարձանը կկանգնեցվի»,-ասաց նա, գրում է LifeArmenia.com-ը: Գերման Անանյանցը նաև նշեց, որ զորավարի կիսանդրիի շուրջ առաջացած սկանդալը հիմնականում ՌԴ օրենսդրության խախտման պատճառով էր: «Բոլոր նրանց, ով մեզ մեղադրանքներ է ներկայացնում, ես կուզենայի հարցնել. «Եթե Երևանի փողոցներից մեկում ինչ-որ մեկն ուզենար առանց համապատասխան թույլտվության հուշարձան կանգնեցնել, ինչպե՞ս կվարվեին քաղաքի իշխանությունները: Մի՞թե չէին պահանջի հանել հուշարձանը մինչև անհրաժեշտ փաստաթղթերի ստացումը»: Անանյանցը նշել է նաև, որ տեղեկությունն այդ հարցի վերաբերյալ նա ստանում է անմիջապես ՌՀՄ Սոչիի բաժանմունքի նախագահ Հրաչյա Մակիյանից և այս պահի դրությամբ, քանի դեռ բոլոր իրավաբանական պահանջներն ամբողջ ծավալով կատարված չեն, հուշարձանի կանգնեցման հստակ ամսաթիվը նշել դժվար է: Սակայն դա տեղի կունենա մոտ ապագայում: 2011 թվականի մայիսի 28-ին Վոլկոնկա ավանում (քաղաք Սոչի) պետք է տեղի ունենար ռուսական բանակի գեներալ, զորավար Անդրանիկ Օզանյանի հուշարձանի բացումը: Իրադարձությունը նվիրված էր Հայաստանի Առաջին հանրապետության օրվան, ուստի պետք է հավաքվեին մոտ 5-6 հազար հայեր Կրասնոդարի երկրամասի տարբեր վայրերից, Աբխազիայից և այլն: Սակայն տեղի իշխանությունները կտրականապես թույլ չտվեցին բացել հուշարձանը և հայտարարեցին, որ հայերը ստիպված են լինելու ապամոնտաժել հուշարձանը, հակառակ դեպքում, դա կանեն իշխանությունները, և այդ դեպքում արդեն այն կքանդվի: Ինչպես հայտնեց Սոչիի հայ համայնքը, իշխանությունները հայտարարեցին, որ նրանց դիրքորոշման պատճառն այն է, որ եթե հուշարձանը բացվի, Թուրքիան կարող է հրաժարվել մասակցությունից Սոչիի Օլիմպիադային: Հեռախոսազրույցում ՀՀ հյուպատոս Արարատ Գոմցյանը հայտնեց, որ չի կարող ոչ մի բան ձեռնարկել և խորհուրդ է տալիս ապամոնտաժել հուշարձանը: Ըստ համայնքի, իշխանությունների վրա ազդել էին նաև Ադրբեջանի ներկայացուցիչները, և որոշումը կայացվել էր ոչ թե երկրամասում, այլ Մոսկվայում: Հարկ է նշել, որ սա առաջին հակահայկական գործողությունը չէր Կրասնոդարի երկրամասում: «Առկա է ՌԴ որոշակի քաղաքականություն հայ բնակչության հանդեպ»,-ասվում էր համայնքի հայտարարության մեջ: 2011 թ. հունիսի 1-ին տեղի ունեցավ ՌՀՄ Սոչիի բաժանմունքի խորհրդի ընդլայնված նիստը, որին ներկա էր ՌՀՄ փոխնախագահ Գերման Անանյանցը: Ըստ Անանյանցի, Լազարևի շրջանի ՌՀՄ ղեկավարությունը հրաժարական տվեց՝ գիտակցելով իր մեղքը: Այժմ պատրաստվում են իրավաբանական փաստաթղթերը, որպեսզի Անդրանիկի արձանը կանգնեցվի Ադլերում: Ուշագրավ Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը
«Կշարունակենք այն վնասի հատուցման ուղիների քննարկումը, որը հասցնում է այդ աննախադեպ ճնշումը»,–ասել է նա ՀՀ և Ադրբեջանի միջև խաղաղ բանակցություններին և կարգավորմանը վերաբերող հարցերը չեն քննարկվելու «Այն անպայման կցուցադրվի, սակայն պարզ չէ, թե երբ»,–ասել է Սեիդովը Ամենաընթերցվողը բաժնում | Փաշինյան․ Մենք գնում ենք Ադրբեջանի գնած սպառազինության 15-20%-ը Նա հավելել է, որ որևէ երկիր չի կարող վիճարկել որևէ այլ երկրի մարտունակ բանակ ունենալու իրավունքը ՀՀ և Ադրբեջանի սահմանին փորձագետները սկսել են կոորդինատների ճշտումը Նշվում է, որ դա արվում է հանձնաժողովի 8-րդ հանդիպման արդյունքներով ձեռք բերված պայմանավորվածությունների համաձայն Վարչապետ․ ՀԱՊԿ–ը սահման պիտի գար որպես ՀՀ դաշնակից, ոչ թե որպես խաղաղապահ կամ խաղաղարար «Այս պայմաններում մենք չենք կարող ուղղակի ձևացնել, թե այդ ամեն ինչը չենք նկատում»,–ասել է նա Բաղանիսի և Ոսկեպարի ղեկավարները դժգոհ են փոխվարչապետի հետ հանդիպումից․ Երևանում նրանց հորդորել են հանդարտեցնել մարդկանց Նշվել է, որ կոնկրետ Բաղանիս Այրումի հատվածում սահմանի փոփոխություններ կլինեն արդեն ապրիլի 23–ից սկսած |