ԵՏՄ-ին անդամակցելու դեպքում սոցիալական նշանակության 800 ապրանքների մաքսատուրքերը, հավանաբար, չեն փոխվի25 հուլիսի 2014 - 11:53 AMT PanARMENIAN.Net - Հայաստանը համաձայնեցրել է Եվրասիական տնտեսական միության (ԵՏՄ) միասնական մաքսային տուրքերի ցուցակից 800 անուն ապրանքների առգրավումը, հայտնել է ՀՀ էկոնոմիկայի նախարար Կարեն Ճշմարիտյանը լրագրողներին, հայտնում է Ինտերֆաքսը: Ըստ նրա, այդ ապրանքների հարցում կողմերն արդեն համաձայնության են եկել և նոր առաջարկներ չկան: Ցուցակում սոցիալական նշանակության այն ապրանքներն են, որոնց դեպքում Հայաստանը ցանկանում է պահպանել գործող մաքսատուրքերը ԵՏՄ-ին անդամակցելու դեպքում: Հիմնականում խոսքը հումքի մասին է, սննդամթերքի, դեղորայքի: Ավելի վաղ ասվել է, որ տուրքերը ԵՏՄ-ում միջինը երկու անգամ գերազանցում են Հայաստանում գործող դրույքները: Նախարարը ԵՏՄ-ին անդամակցելու ժամկետ չի նշել: Հունիսի վերջում ՌԴ առաջին փոխվարչապետ Իգոր Շուվալովը հայտարարեց, որ ԵՏՄ-ին Հայաստանի անդամակցումը բանակցություններ է պահանջում ԱՀԿ հետ գործընկեր երկրների օգտին փոխհատուցումների վերաբերյալ: «Եթե Հայաստանը հաջողությամբ միանա մեր ձևաչափին, ստորագրի համաձայնագիրն ու այն վավերացնի, ապա հարկ կլինի, որ Հայաստանը բանակցություններ սկսի ԱՀԿ հետ փոխհատուցումների մասին»,-ասել է նա: Շուվալովը ճշտել է նաև, որ Հայաստանին հարկ կլինի միանալ միասնական մաքսային սակագնին, որն այսօր գործում է Ռուսաստանի, Բելառուսի ու Ղազախստանի տարածքում: «Դա կտարբերվի այն պարտավորություններից, որը նա ստանձնել է ԱՀԿ շրջանակում: Քանի որ իրավիճակը Հայաստանի առևտրային գործընկերների համար փոխվում է, ապա Հայաստանն ըստ ԱՀԿ կանոնակարգի պետք է բանակցություններ սկսի գործընկերների հետ»,-պարզաբանել է առաջին փոխվարչապետը: ԱՀԿ հետ բանակցությունների առումով Հայաստանը պետք է որոշոկի փոխհատուցում ստանձնի, քանի որ որոշ ապրանքների առումով Հայաստանում տուրքերի դրույքաչափերը, որոնք համաձայնեցվել են ԱՀԿ-ին անդամակցելիս, ավելի ցածր են ներկայիս ՄՄ և ԵՏՄ անդամ երկրնեում կիրառվող միասնական մաքսատուրքից: Հուլիսի 17-ին ՀՀ վարչապետ Հովիկ Աբրահամյանը հայտարարել է լրագրողներին, որ ԵՏՄ-ին Հայաստանի անդամակցության մասին համաձայնագիրը կստորագրվի հոկտեմբերին: «Մինչև հոկտեմբերի վերջ մենք կանադամակցենք ԵՏՄ-ին: Մնացածի մասին կհայտնի կառավարության մամուլի ծառայությունը»,-ասել է Աբրահամյանը: Այն մասին, որ ԵՏՄ-ին Հայաստանի անդամակցության մասին պայմանագիրը կստորագրվի առաջիկայում, հայտարարվել է հուլիսի 11-ին Սոչիում Հովիկ Աբրահամյանի և նրա ռուս գործընկեր Դմիտրի Մեդվեդևի հանդիպման ավարտին: Ինչպես հայտնում է կառավարության մամուլի ծառայությունը, զրույցի ժամանակ Աբրահամյանն ու Մեդվեդևը գոհունակություն են հայտնել երկու երկրների միջև ապրանքաշրջանառության ծավալների աճի կապակցությամբ և վստահություն են հայտնել, որ աճը կշարունակվի նաև ԵՏՄ-ին Հայաստանի անդամակցությունից հետո: Մաքսային միություն Մաքսային միությունն իր աշխատանքը սկսել է 2010 թվականին: Սկզբում միությանն անդամկցում էին Ռուսաստանը, Բելառուսն ու Ղազախստանը: Հետագայում միությանն անդամակցելու մտադրության մասին հայտարարեցին նաև Ղրղզստանն ու Տաջիկստանը: Ուշագրավ Ուսումնասիրությունները մեկնարկել են Փաշինյանի հանձնարարությամբ Երասխում պողպատի գործարանի կառուցման համար ընկերությունը ներդրել էր 2 միլիարդ դրամ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը | Սենատի Ֆրանսիա-Հայաստան բարեկամական խումբն այցելել է Հայոց ցեղասպանության հուշահամալիր Հյուրերը շրջել են նաև Հայոց ցեղասպանության թանգարանում Թրյուդո․ Պետք է հիշենք և հարգենք Հայոց ցեղասպանության զոհերի հիշատակը Նա նշել է, որ Կանադայում ապրիլը համարվում է Ցեղասպանության, հիշատակի, դատապարտման և կանխարգելման ամիս Թուրքիայի ընդդիմադիր DEM կուսակցությունը ոգեկոչել է Հայոց ցեղասպանության զոհերի հիշատակը Ոգեկոչման ակցիան ուղեկցվել է ցեղասպանության զոհ գնացած հայ մտավորականների լուսանկարների ցուցադրմամբ Սերժ Սարգսյանը՝ ընդդիմության անհաջողության մասին․ Կան ոչ միասնական մոտեցումներ Նա նշել է նաև, որ կա արտաքին սատարում այս իշխանություններին |