ՖԻԴԵ-ի նախագահը ցանկանում է, որ Հայաստանը մասնակցի Բաքվում կայանալիք շախմատային մրցաշարերին 3 հոկտեմբերի 2014 - 18:01 AMT PanARMENIAN.Net - ՖԻԴԵ-ի նախագահ Կիրսան Իլյումժինովը Բաքվում հայտարարել է, որ կցանկանար տեսնել Հայաստանի հավաքականին Ադրբեջանում կայանալիք Շախմատի աշխարհի գավաթին ու շախմատային օլիմպիադային: Ինչպես հայտնում է azerisport-ը, Իլյումժինովը հայտարարել է, որ հարցը քննարկելու է ՀՀ նախագահ, Շախմատի ֆեդերացիայի նախագահ Սերժ Սարգսյանի հետ հոկտեմբերի 17-ին: «ՖԻԴԵ-ն մի մեծ ընտանիք է: Մենք ուզում ենք, որ Հայաստանի հավաքականը ևս մասնակցի այս մրցաշարերին: Այդ հարցի շուրջ քննարկումներ կանցկացվեն: Հայաստանի վերջին այցելության ժամանակ ես հայտարարեցի, որ իրենք պետք է մասնակցեն: Մենք ցանկանում ենք, որ բոլոր հավաքականները մասնակցեն Շախմատի աշխարհի գավաթին ու շախմատային օլիմպիադային»,-ասել է նա, հայտնում է azerisport-ը: Հայ մարզիկների մասնակցությունը Բաքվում անցկացվող մրցումներին հաճախ միջադեպերով է ուղեկցվում՝ հայ մարզիկներին, հայկական դրոշն ու օրհներգը սուլոցներով են դիմավորում, պատվիրակության անդամների անվտանգության նկատառումներով արգելում են հեռանալ հյուրանոցից: Դա առնչվել է նաև շախմատին: 2012-ին ՀՀ շախմատի հավաքանի առաջատար Լևոն Արոնյանը հրաժարվեց մասնակցել Բաքվում հավակնորդների մրացաշարին և նամակ հղեց Իլյումժինովին՝ իր որոշումը հիմնավորելով երկու երկրների միջև լարված հարաբերություններով: «Պատասխանատու և կարևոր մրցաշարը հանգստություն ու հատուկ կենտրոնացում է պահանջում: Շախմատի հետ կապ չունեցող ոչ մի հանգամանք չպետք է խանգարի գրոսմայստերին ցուցադրել իր վարպետությունը: Ցավոք, այս պահի դրությամբ ոչ մի հայ չի կարող բարենպաստ կամ ադեկվատ հոգեբանական մթնոլորտ գտնել Ադրբեջանում, այն դեպքում, երբ դա անհրաժեշտ է»,-գրել է Արոնյանը: Ուշագրավ Նա սուտ է անվանել այդ տեղեկությունները
Նրանք նաև կոչ են արել դադարեցնել Ադրբեջանին ցանկացած ռազմական օգնության Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը | «Փյունիկի» չեմպիոնական գավաթը՝ ftNFT ֆիջիթալ սփեյսում Արդյունքները կամփոփվեն հունիսի 10-ին Բագրատ սրբազան․ ՀՀ և ՌԴ հարաբերություններում ճգնաժամ կա, նոր և խորը երկխոսության կարիք կա Սրբազանը ասուլիս է տվել միջազգային ԶԼՄ-ներին Սիմոնյանը՝ Զախարովային․ Կարող ենք փոխանցել ԼՂ-ում վերջին ռազմական գործողության ժամանակ 200-ից ավելի մահացած հայերի անունները Նա նաև ասել է, որ ստեր չի մեկնաբանում Մի դրամի ուժը՝ «Կյանքի ճանապարհին»․ Հունիսի շահառուն «Հզոր միտքն» է «Հզոր միտք» հասարակական կազմակերպությունն է, որն իրականացնում է ոչ ֆորմալ կրթական ծրագրեր |