«Վրդովված» Ադրբեջանը չի մասնակցի Երևանում կայանալիք «Եվրանեսթի» նիստին23 հոկտեմբերի 2014 - 14:59 AMT PanARMENIAN.Net - Եվրամիության Արևելյան գործընկերության «Եվրանեսթ» խորհրդարանական վեհաժողովի չորրորդ լիագումար նիստը տեղի կունենա Երևանում գալիք տարվա մարտի 16-20-ը: Համապատասխան որոշումը հաստատվել է «Եվրանեսթի» Բյուրոյի նիստում, հայտարարել է հայկական պատվիրակության ղեկավար Արտակ Զաքարյանը: Ըստ նրա, «Եվրանեսթի» նիստը պատշաճ մակարդակով կազմակերպելու նպատակով ԱԺ-ում կստեղծվի աշխատանքային խումբ, հայտնում է ԱԺ մամուլի ծառայությունը: Ըստ ադրբեջանական «Թրենդ» գործակալության, «Եվրանեսթում» ադրբեջանական պատվիրակության ղեկավար Էլհան Սուլեյմանովն իր «վրդովմունքն է» հայտնել նիստը Երևանում անցկացնելու որոշման կապակցությամբ: Նա հայտարարել է, որ դեռևս բյուրոյի նիստում, անցյալ տարվա մայիսին Կիևում, նա իր բողոքն է հայտնել չորրորդ լիագումար նիստը Երևանում անցկացնելու մտադրության վերաբերյալ: Ադրբեջանական պատվիրակությունը չի մասնակցի «Եվրանեսթի» միջոցառումներին Երևանում, քանի դեռ հայկական կողմը չի կատարել մի շարք պայմաններ: Ըստ նրա, ադրբեջանական պատվիրակությունն իր բողոքն է հայտնել նաև Հայաստանի համանախագահության դեմ: «Նստաշրջանի անցկացումը Երևանում վիրավորանք է Ադրբեջանի համար: Դա ցույց է տալիս Եվրանեսթի և եվրոպական կառույցների երկակի չափանիշները, սուբյեկտիվ վերաբերմունքն Ադրբեջանի հանդեպ»,-ասել է ադրբեջանական պատվիրակության ղեկավարը: 2013-ի նոյեմբերին ԱՄՆ հետախուզությունը հրապարակեց Ադրբեջանում 2013-ի նոյեմբերի 9-ի նախագահական ընտրությունների ընթացքին հետևող ԵԽԽՎ դիտորդական խմբի անդամներին կաշառելու ապացույցները: ԱՄՆ-ն հայտարարեց, որ կան անհերքելի ապացույցներ, որ ԵԽԽՎ դիտորդները կաշառվել են: Ըստ աղբյուրի, ապացույցների թվում են նաև եվրախորհրդարանականների հեռախոսազրույցները: Ըստ տեղեկատվության, ԱՄՆ հետախուզությունը դեռ ընտրություններից առաջ էր իրազեկված ԵԽԽՎ պատգամավորների հետ հնարավոր գործարքի մասին և նախապես կազմակերպեց նրանց հեռախոսազրույցների գաղտնալսումն ու նամակագրության հսկողությունը համացանցում: Բանակցությունները հանձնարարվել էին, ըստ աղբյուրի, «Եվրանեսթում» ադրբեջանական պատվիրակության նախագահ Էլհան Սուլեյմանովին: Ասվում էր, որ ԱՄՆ-ն ապացույցներ ունի, որ նա Եվրոպայում խորհրդատվական իրավաբանական կառույցներից մեկի միջոցով, մասնավորապես, Գերմանիայում, մի շարք եվրոպացի խորհրդարանականների է փոխանցել 50-հազարական դոլար: «Այդ մասին իրազեկվել են նաև Ադրբեջանի իշխանությունները»: Ավելի հստակ, փաստարկված պատասխան է տրվել Բաքվի այն պնդումներին, թե իբր «Ամերիկան ճնշում է գործադրում Եվրոպայի վրա, որպեսզի վերջինս չճանաչի ընտրությունների արդյունքները»: Սուլեյմանովի անունը նախկինում էլ է շոշափվել եվրախորհրդարանականներին կաշառելու առումով: Լուրեր են տարածվում, որ Սուլեյմանովը «խավիարային դիվանագիտության առաջատար դեմքերից է: Վերջերս «Եվրոպական կայունության նախաձեռնության» հաշվետվության մեջ ասվում էր, որ Բաքու այցելության ժամանակ ԵԽԽՎ-ում Ադրբեջանի բարեկամների խմբի անդամները որպես նվեր ստանում են խավիար, մետաքսե գորգեր, ոսկյա ու արծաթյա իրեր, ինչպես նաև կանխիկ դրամ: Photo: euronest.blogspot.com Ուշագրավ Նա նաև ասել է, որ տարածաշրջանային անվտանգությունը պետք է ապահովեն տարածաշրջանի երկրները
Նա հավելել է, որ թուրքական կողմն ավարտել է Նախիջևանի և Կարսի միջև 224 կմ երկարությամբ երկաթուղային գծի կառուցումը Փետրվարի 1-ին Միջազգային քրեական դատարանը իրավասություն է ստանալու հետաքննել Ալիևի գործողությունները Նա նշել է, որ դիտարկում է հայկական բանակին «ոչ մահաբեր ձևաչափով» աջակցություն ցուցաբերելու հնարավորությունը, բայց կոնկրետ որոշումներ չկան Ամենաընթերցվողը բաժնում | Խուզարկվում են ԱԺԲ գրասենյակներն ու անդամների տները մոտ 40 հասցեում Խուզարկել են Ժիրայր Սեֆիլյանի, Արա Պապյանի և այլոց տները Ստեփանյան․ Արցախից բռնի տեղահանվածներից մոտ 11,000–ն արտագաղթել է ՀՀ-ից Ըստ նրա, կան նաև այլ տվյալներ՝ 15,000 արտագաղթածի մասին Լոնդոնի հետ քննարկվել են Երևանի նոր գլխավոր հատակագծի մշակման հարցեր Քննարկումն ընթացել է Լոնդոնի քաղաքային պլանավորման OUTCOMIST ընկերության հիմնադիր-տնօրեն Քրիս Չոայի հետ Նախարար․ Աշակերտների թիվը դասարաններում կկրճատվի Միջին դպրոցում աշակերտների թիվն առավելագույնը կլինի 25, իսկ ավագ դպրոցում՝ 20 |