  Գենդերային հավասարության վարկանիշային աղյուսակ. Հայաստանը 103-րդ տեղում է 28 հոկտեմբերի 2014 - 11:52 AMT PanARMENIAN.Net - Համաշխարհային տնտեսական ֆորումը ներկայացրել է 2014 թվականի գենդերային հավասարության ամենամյա վարկանշային աղյուսակը, ըստ որի Հայաստանը 142 երկրի թվում զբաղեցնում է 103-րդ տեղը: Միևնույն ժամանակ Վրաստանը զբաղեցրել է 85-րդ տեղը, Ադրբեջանը՝ 94-րդ,Թուրքիան` 125-րդ, Իրանը` 137-րդ:ԱՄՆ-ը ցանկում 20-րդ տեղում է, Ռուսաստանը` 75-րդ: Կանանց տնտեսական մասնակցության ցուցանիշով Հայաստանը 82-րդն է, կրթական մակարդակով՝ 31-րդը, առողջական պայմաններով՝ 142-րդը, իսկ քաղաքական ներգրավվածության առումով՝ 123-րդը: Համաշխարհային տնտեսական ֆորումի գենդերային հավասարության ամենամյա վարկանշային աղյուսակը ցույց է տալիս գենդերային անհավասարության մասշտաբներն ու ժամանակի ընթացքում դրա առաջընթացի տեմպերը: Թեև ոչ մի չափորոշիչ չի կարող ամբողջովին բնութագրել իրավիճակը, տվյալ զեկույցում ներկայացված ինդեքսը ձգտում է չափել գենդերային խտրականության կարևոր ասպեկտներից մեկը` տղամարդկանց և կանանց իրավունքներ իրացման աստիճանների հարաբերակցությունը չորս հիմնական ոլորտներում` առողջապահական, կրթական, տնտեսական և քաղաքական: Հյուսիսային Եվրոպայի երկրները կրկին առաջ են անցել աշխարհի մյուս պետություններից գենդերային հավասարության մակարդակով. առաջատար դիրքը զբաղեցնում է Իսլանդիան: Գենդերային հավասարության ամենամյա ինդեքսը կազմող Համաշխարհային տնտեսական ֆորումի տվյալներով՝ զգալի բարելավվել են ցուցանիշները Ֆիլիպիններում և Ռուանդայում. երկու երկրներն էլ մտել են վարկանշային ցանկի երկրների առաջին տասնյակ: BBC-ի ռուսական ծառայությունը հաղորդում է, որ Համաշխարհային տնտեսական ֆորումի զեկույցի համաձայն, ռուանդացի կանայք ստացել են առողջապահությանը և կրթությանը մեծ հասանելիություն, ինչպես նաև սկսել են զբաղեցնել նախարարական պաշտոններ: Գենդերային անհավասարության բարձր մակարդակը շարունակում է պահպանվել Չադում, Պակիստանում և Եմենում, որտեղ իրավիճակը չի փոխվել անցած տարվանից:   Ուշագրավ Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը «Կշարունակենք այն վնասի հատուցման ուղիների քննարկումը, որը հասցնում է այդ աննախադեպ ճնշումը»,–ասել է նա ՀՀ և Ադրբեջանի միջև խաղաղ բանակցություններին և կարգավորմանը վերաբերող հարցերը չեն քննարկվելու «Այն անպայման կցուցադրվի, սակայն պարզ չէ, թե երբ»,–ասել է Սեիդովը   Ամենաընթերցվողը բաժնում |  Վերջին լուրեր Վարչապետ․Եթե Տավուշում տների հետ կապված խնդիր լինի, պետությունը տեր կկանգնի՝ նոր տներ կկառուցի  Վարչապետի խոսքով՝ խնդիրները, որ տեղ-տեղ ծագում են հայկական կողմի համար, հնարավոր է, որ ծագեն նաև Ադրբեջանի համարՓաշինյան․ Ռուսական հենակետերը դուրս կբերվեն Տավուշից Խոսելով հայ սահմանապահների տեղակայման ժամկետների մասին` նա շեշտել է, որ այդ գործընթացը պետք է հնարավորինս արագ անելՎարչապետ․ Որոշումը նվազեցնելու է անվտանգային ռիսկը Բաղանիս-Կիրանց-Ոսկեպար հատվածում և ՀՀ սահմանի ամբողջ երկայնքով Նա ընդգծել, որ իհարկե, սա ձեռքբերում է Ադրբեջանի համար, բայց սա նաև էական ձեռքբերում է նաև ՀՀ համար |
