ՀՀ-ն ու ՌԴ-ն պայմանավորվել են երկարաձգել հայկական ԱԷԿ-ի 2-րդ բլոկի շահագործման ժամկետը22 դեկտեմբերի 2014 - 22:17 AMT PanARMENIAN.Net - Ռուսաստանն ու Հայաստանը դեկտեմբերի 20-ին հայկական ԱԷԿ–ի 2–րդ բլոկի շահագործման ժամկետը երկարացնելու վերաբերյալ գործակցության համաձայնագիր են ստորագրել: Այս մասին հայտնել է «Ռոսատոմ» պետկորպորացիայի հաղորդակցությունների դեպարտամենտը։ Հայկական ատոմակայանի երկրորդ էներգաբլոկի շահագործման ժամկետը լրանում է 2016 թվականի սեպտեմբերին։ Համաձայնագրով նախատեսվում է դրա շահագործման ժամկետի երկարաձգում: «Այդ գործողությունների արդյունքը պետք է լինի շահագործումը 10 տարով` մինչև 2026 թվականը երկարացնելու արտոնագիր ստանալը»,– ասված է հաղորդագրությունում։ Համաձայնագիրը ստորագրել են Ռոսատոմի գլխավոր տնօրեն Սերգեյ Կիրիենկոն և Հայաստանի էներգետիկայի և բնական պաշարների նախարար Երվանդ Զախարյանը, հաղորդում է ՌԻԱ Նովոստիին։ Հայաստանի տարածքում գործող միակ ատոմային էներգաբլոկի շահագործման ժամկետների երկարացման աշխատանքների անցկացման վերաբերյալ աջակցության մասին պայմանավորվածությունը ձեռք է բերվել դեռևս 2013 թվականին։ Այդ պայմանավորվածությունների իրագործման շրջանակում Ռոսատոմի մասնագետներն արդեն անցկացրել են էներգաբլոկի նախնական զննում և հետագա գործողությունների ծրագիր կազմել։ Ներկայիս համաձայնագրով նախատեսվում է, որ մինչև 2015 թվականի առաջին եռամսյակի ավարտը կանցկացվի էներգաբլոկի համալիր հետազոտություն։ Դրա արդյունքներով կձևավորվի էներգաբլոկի շահագործման երկարացման նախապատրաստման ծրագիր։ Դրա իրականացումը ծրագրված է 2015-2016 թվականներին։ «2016 թվականի սեպտեմբերին ծրագրվում է արտոնագիր ստանալ, ինչից հետո կսկսվի աշխատանքների եզրափակիչ փուլը, որը ծրագրվում է ավարտել մինչև 2019 թվականը։ Համաձայնագրով նախատեսվում է, որ կանցկացվեն սարքավորման նորոգում և փոխարինում, դրա կարգավորումը, շահագործման փաստաթղթային նախապատրաստումը և անձնակազմի վերաորակավորումը։ Այդ ամենը հնարավորություն կտա հուսալի և անվտանգ շահագործել կայանը, առնվազն, մինչև 2026 թվականը»,– ասված է հաղորդման մեջ։ Կողմերը պայմանավորվել են, որ աշխատանքների ֆինանսավորումը կիրականացվի Հայաստանին ՌԴ–ի կողմից տրվող վարկի հաշվին։ Վարկի ձևաչափն ու պայմաններն այս պահին պայմանավորվում են երկու երկրների ֆինանսների նախարարությունների միջև, նշվում է մամուլի հաղորդագրությունում։ Դեկտեմբերի 15-ին հայտնի է դարձել, որ ՄԱԳԱՏԷ-ի դիտորդները երկու շաբաթ հետևել են Հայկական ատոմակայանում միջուկային անվտանգության պահպանման նորմերին: Դիտարկումները ցույց են տվել, որ Հայաստանը բարձր մակարդակով է ապահովում ՀԱԷԿ միջուկային անվտանգության նորմերը: «Երկրի իշխանությունները ձեռնարկում են անհրաժեշտ միջոցներն ապահովելու համար միջուկային և այլ ռադիոակտիվ օբեյկտների ու նյութերի պահպանությունը»,-ասվում է գործակալության զեկույցում: ՄԱԳԱՏԷ-ի փորձագետները ծանոթացել են Հայաստանի օրենսդրական և նորմատիվ բազային միջուկային և այլ ռադիոակտիվ նույթերի, դրանց հետ կապված օբյեկտների ու միջոցառումների անվտանգության ապահովման ոլորտում, ինչպես նաև ուսումնասիրել են անվտանգության ապահովման մեխանիզմները ռադիոակտիվ աղբյուրների տեղափոխման դեպքում: ՀԱԷԿ-ում, ինչպես նաև երեք օբյեկտներում, որտեղ օգտագործվում և պահվում են ռադիացիայի աղբյուրներ, ստուգվել է ֆիզիկական պաշտպանության համակարգը: Ըստ փորձագետների գնահատականների, 2003 թ. ի վեր զգալի առաջընթաց է գրանցվել երկրում միջուկային անվտանգության ապահովման գործում, հայտնում է Armenia Today-ը: Ավելի վաղ հայտնի դարձավ, որ ՌԴ-ն Հայաստանին 270 մլն դոլար վարկ կտրամադրի ՀԱԷԿ-ի երկրորդ բլոկի վերանորոգման համար: ՀՀ կառավարությունը նոյեմբերի 19-ի նիստում հավանություն տվեց Ռուսաստանի և Հայաստանի կառավարությունների միջև վարկային համաձայնագրի նախագծին, ըստ որի` Ռուսաստանի տրամադրած 270 միլիոն դոլար վարկը ուղղվելու է Մեծամորի ԱԷԿ-ի երկրորդ էներգաբլոկի շահագործման ժամկետի երկարացման աշխատանքների ֆինանսավորմանը: Վարկը տրամադրվել է 10 տարի ժամկետով տարեկան 3 տոկոս տոկոսադրույքով, առաջին վճարումը պետք է կատարվի 2019 թ. հունվարի 15-ին: Վարկից բացի՝ Ռուսաստանը Հայաստանին է տրամադրում 30 միլիոն դոլարի անհատույց ֆինանսական օգնություն: Իր հերթին, հայկական կողմը պարտավորվում է ԱԷԿ-ի երկրորդ էներգաբլոկի շահագործման ժամկետի երկարացման աշխատանքների կատարումը պատվիրել ռուսաստանյան «Ռոսատոմ» ատոմային էներգիայի պետական կորպորացիային: Այս նպատակով կառավարության նիստում հաստատվեց մեկ այլ համաձայնագրի նախագիծ: Հայկական ԱԷԿ-ի երկրորդ էներգաբլոկը շահագործման է հանձնվել 1980թ.-ին՝ 30 տարի շահագործման նախագծային ժամկետով: Հաշվի առնելով այն հանգամանքը, որ այդ էներգաբլոկը 1989–1995թթ. ժամանակահատվածում չի աշխատել, ինչպես նաև այն, որ նոր միջուկային էներգաբլոկի կառուցումը հետաձգվել է, ՀՀ կառավարությունը որոշել է շահագործման ժամկետի ավարտը սահմանվել է 2016թ.: Ուշագրավ Ուսումնասիրությունները մեկնարկել են Փաշինյանի հանձնարարությամբ Երասխում պողպատի գործարանի կառուցման համար ընկերությունը ներդրել էր 2 միլիարդ դրամ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը | Կիրակոսյանը՝ Հաագայում․ ՄԱԿ ԱԽ-ն ու Եվրոպական դատարանը երբևէ չեն վճռել, որ ՀՀ-ն օկուպացրել է ԼՂ-ն Նա ներկայացրել է առարկություններն Ադրբեջանի ներկայացրած պահանջների նկատմամբ Ապրիլի 28–ին մայրաքաղաքում փակ փողոցներ կլինեն․ «Երևանի մարաթոնն» է Նախատեսվում է, որ միջոցառմանը կմասնակցի մոտ 2000 վազորդ Հայաստան-Չեխիա ռազմատեխնիկական գործակցության մասով պայմանավորվածություններ կան ՊՆ էին այցելել չեխական ռազմարդյունաբերական ընկերությունների ներկայացուցիչներ Ըստ ԱԺԲ–ի՝ իրենց անդամներին բռնության են ենթարկել․ 96 բերման ենթարկված կա Նա ասել է, որ որ ոստիկանության բաժանմունքներում իրենց անդամները «ծեծի են ենթարկվել», կան տուժածներ |