ԵԽ նախագահն «արդարացել է» Դավութօղլուի առջև. Ներկա չի եղել Ցեղասպանության մասին բանաձևի ընդունման նիստին17 ապրիլի 2015 - 16:08 AMT PanARMENIAN.Net - Եվրախորհրդարանի նախագահ Մարտին Շուլցը Թուրքիայի վարչապետ Ահմեդ Դավութօղլուի հետ հեռախոսազրույցում հայտարարել է, որ «հասկանում է» Անկարայի արձագանքը Հայոց ցեղասպանության վերաբերյալ ԵԽ բանաձևի ընդունմանը: Այդ մասին ապրիլի 17-ին հայտարարել է TRT հեռուստաալիքը վարչապետին մոտ աղբյուրի վրա հղումով: Շուլցը հայտնել է Դավութօղլուին, որ 1915-ի իրադարձություններին վերաբերող բանաձևն ընդունվել է Եվրախորհրդարանի նիստում, որին ինքը ներկա չի գտնվել: Դավութօղլուն իր հերթին հայտարարել է Շուլցին, որ Թուրքիան մերժում է Եվրախորհրդարանի այդ բանաձևը «որպես չհիմնավորված, որը ոչ միայն կարող է վնասել Թուրքիայի ու ԵՄ հարաբերություններին, այլ նաև կարող է բացասաբար անդրադառնալ Թուրքիայի ու Հայաստանի միջև կամուրջների հաստատմանն ուղղված ջանքերի վրա»: Թուրքիայի վարչապետն առաջարկել է եվրոպական երկրներին «երկխոսության կոչով Հայաստանին ու հայկական սփյուռքին դիմել»: Նա հիշեցրել է, որ «1915 թ. իրադարձությունների ուսումնասիրման պատմաբանների համատեղ հանձնաժողով ստեղծելու առաջարկն արձագանք չունեցավ հայկական կողմից»: «Իրական իրադարձությունների ուսումնասիրությունն ու փոխզիջումն արդար պատմական հիշողության հիման վրա հնարավոր են միայն այս հարցի վերաբերյալ համատեղ ջանքերի խթանման դեպքում»,-մեջբերում է հեռուստաալիքը Դավութօլղուի խոսքերը, հայտնում է ՌԻԱ Նովոստի գործակալությունը: Ապրիլի 15-ին Եվրոպական խորհրդարանը լիագումար նիստում ընդունեց «Հայոց ցեղասպանության 100-րդ տարելիցի» վերաբերյալ բանաձևը: Ընդունված փաստաթուղթը հաստատում է 1987 թվականի՝ Ցեղասպանությունը փաստող բանաձևի դրույթներն ու կոչ անում Թուրքիային ճանաչել այն: Քվերակության արդյունքների հրապարակումից հետո դահլիճում ծափահարություններ են հնչել: Այն առաջարկում և հանձնարարում է ԵՄ անդամ երկրների ազգային խորհրդարաններին ու կառավարություններին համապատասխան բանաձևեր ընդունել և որոշումներ կայացնել երևույթի ճանաչման ու դատապարտման վերաբերյալ: Սա Եվրոպական խորհրդարանի ընդունած երրորդ փաստաթուղթն է, որը ճանաչում է 1915 թվականին Օսմանյան կայսրության կառավարության կանխամտածած և իրականացրած՝ 1.5 մլն հայերի ցեղասպանությունը: Եվրախորհրդարանը պաշտոնապես ճանաչել է Ցեղասպանությունը դեռ 1987 թվականին։ 2015 թվականի մարտի 13–ի մեկ այլ բանաձևով Եվրախորհրդարանը կոչ արեց ԵՄ անդամ երկրներին ճանաչել Հայոց ցեղասպանությունը: Ուշագրավ Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը
«Կշարունակենք այն վնասի հատուցման ուղիների քննարկումը, որը հասցնում է այդ աննախադեպ ճնշումը»,–ասել է նա ՀՀ և Ադրբեջանի միջև խաղաղ բանակցություններին և կարգավորմանը վերաբերող հարցերը չեն քննարկվելու «Այն անպայման կցուցադրվի, սակայն պարզ չէ, թե երբ»,–ասել է Սեիդովը Ամենաընթերցվողը բաժնում | ԱՄՆ Կոնգրեսում օրինագիծ են պատրաստում Ադրբեջանի պաշտոնյաների դեմ պատժամիջոցների վերաբերյալ Օրինագծում նաև խոսվում է հայ ռազմագերիների իրավունքների խախտման մասին Կիրակոսյանը՝ Հաագայի դատարանում. ԼՂ բազմաթիվ գյուղեր ու քաղաքներ պարզապես անհետացան Նա նաև փաստարկներ է ներկայացրել, թե ինչու ՀՀ-ն չի կարող մեղադրվել Ադրբեջանի դեմ ռասայական խտրականության մեջ Պուտինը՝ Ալիևին․ Անվտանգային հարցերը տարածաշրջանում շատ զգայուն են «Հարցերն այստեղ շատ են և շատ զգայուն»,–ասել է նա ԿԸՀ նախագահ․ 2026–ի հունիսին ԱԺ ընտրություններ կլինեն՝ հուսով եմ, մինչ այդ համակարգն ավելի պատրասված կլինի Նա ԿԸՀ աշխատանքի ամենակարևոր գնահատանքը համարել է այն, որ Երևանի ավագանու ընտրություններում ոչ մի բողոքարկում չի եղել |