Ազատ առևտրի գոտի Իրանի և Վիետնամի հետ. ԵՏՄ ու ՀՀ համար զարգացման նոր հեռանկարը14 մայիսի 2015 - 22:44 AMT PanARMENIAN.Net - Եվրասիական տնտեսական միության հանձնաժողովի կոլեգիան քննարկել է Իրանի հետ ազատ առևտրի գոտի ստեղծելու հնարավորությունը, այսօր` մայիսի 14-ին, լրագրողների հետ հանդիպման ժամանակ ասել է Եվրասիական տնտեսական հանձնաժողովի կոլեգիայի անդամ-նախարար Անդրեյ Սլեպնյովը: «Իրանը ցուցաբերել է նախաձեռնություն, փորձագիտական մակարդակում գաղափարն արժանացել է ԵՏՄ բոլոր երկրների հավանությանը: Հույսով ենք, որ շուտով կսկսվեն Իրանի հետ ազատ առևտրի համաձայնագրերի ստորագրման բանակցությունները»,- ասել է նա, գրում է Panorama.am-ը: ՀՀ միջազգային տնտեսական ինտեգրման և բարեփոխումների նախարարության հրավերով Անդրեյ Սլեպնյով Հայաստանում են ԵՏՄ հանձնաժողովի կոլեգիայի այլ անդամ-նախարարներ: Ինչպես ասուլիսի ժամանակ հայտնլ է ՀՀ միջազգային տնտեսական ինտեգրման և բարեփոխումների փոխնախարար Սուրեն Կարայանը, այցի նպատակն է ՀՀ պետական մարմինների ու գործարարների հետ քննարկել մաքսային օրենսգրքի, ինչպես նաև արտահանման և ներմուծման հետ կապված խնդիրներ, ինչպես նաև հայ հանրությանը ներկայացնել ԵՏՄ-ի և Վիետնամի Սոցիալական Հանրապետության միջև կնքվելիք ազատ առևտրի մասին համաձայնագրի մանրամասները: Նրա խոսքերով՝ Վիետնամի հետ ազատ առևտրի պայմանագիրն առաջինն է, որը ԵՏՄ-ն պատրաստվում է ստորագրել երրորդ երկրի հետ: Եվրասիական տնտեսական միության հանձնաժողովի անդամ Անդրեյ Սլեպնյովն ասել է, որ ԵՏՄ երկրների նախագահներն արդեն քննարկել են Վիետնամի հետ ազատ առևտրի համաձայնագիր ստորագրելու մասին հարցը: Ներկա պահին ավարտվում են համաձայնագրի հետ կապված ներպետական գործընթացները, և հույս ունեն, որ այն առաջիկայում կստորագրվի: Ըստ նրա՝ համաձայնագիրը ներառում է թե՛ գյուղատնտեսության, թե՛ արդյունաբերության ոլորտները: Ա. Սլեպնովի խոսքով՝ ԵՏՄ-ի ու Վիետնամի միջև կնքվելիք համաձայնագիրը կարևոր նշանակություն է ունենալու Հայաստանի համար: «Իհարկե, այսօր Հայաստանի ու Վիետնամի միջև զրոյական է տնտեսական համագործակցությունը, բայց Վիետնամը մեծ երկիր է և կարող է Հայաստանի համար ծառայել որպես մուտք՝ դեպի ասիական շուկաներ»,- ասել է Ա.Սլեպնյովը՝ հավելելով, որ համաձայնագիրը պետք է քննարկվի Հայաստանի խորհրդարանում: ՀՀ միջազգային տնտեսական ինտեգրման և բարեփոխումների նախարարության հրավերով մայիսի 13-15-ը կայացել է Եվրասիական տնտեսական հանձնաժողովի կոլեգիայի անդամներ (նախարարներ), հարկային ոլորտի պատասխանատու Տիմուր Սուլեյմենովի, մաքսային օրենսդրության պատասխանատու Վլադիմիր Գոշինի, առևտրի ոլորտի պատասխանատուներ Անդրեյ Սլեպնովի, Արա Նռանյանի, Ռոբերտ Հարությունյանի այցը Հայաստանի Հանրապետություն: Հղումներ թեմայով. Ուշագրավ Ուսումնասիրությունները մեկնարկել են Փաշինյանի հանձնարարությամբ Երասխում պողպատի գործարանի կառուցման համար ընկերությունը ներդրել էր 2 միլիարդ դրամ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը | Սենատի Ֆրանսիա-Հայաստան բարեկամական խումբն այցելել է Հայոց ցեղասպանության հուշահամալիր Հյուրերը շրջել են նաև Հայոց ցեղասպանության թանգարանում Թրյուդո․ Պետք է հիշենք և հարգենք Հայոց ցեղասպանության զոհերի հիշատակը Նա նշել է, որ Կանադայում ապրիլը համարվում է Ցեղասպանության, հիշատակի, դատապարտման և կանխարգելման ամիս Թուրքիայի ընդդիմադիր DEM կուսակցությունը ոգեկոչել է Հայոց ցեղասպանության զոհերի հիշատակը Ոգեկոչման ակցիան ուղեկցվել է ցեղասպանության զոհ գնացած հայ մտավորականների լուսանկարների ցուցադրմամբ Սերժ Սարգսյանը՝ ընդդիմության անհաջողության մասին․ Կան ոչ միասնական մոտեցումներ Նա նշել է նաև, որ կա արտաքին սատարում այս իշխանություններին |