  ԵԱՀԿ գործող նախագահը ժամանել է Հարավային Կովկաս. Հունիսի 3-ին նա կլինի Երևանում 1 հունիսի 2015 - 11:54 AMT PanARMENIAN.Net - Սերբիայի ԱԳՆ ղեկավար և ԵԱՀԿ գործող նախագահ Իվիցա Դաչիչը այցով ժամանել է Հարավային Կովկասի տարածաշրջան: Ինչպես հայտնում է ԵԱՀԿ մամուլի ծառայությունը, հունիսի 1-ին Դաչիչը հանդիպում ունի Ադրբեջանի նախագահ Իլհամ Ալիևի, խորհրդարանի ներկայացուցիչ Օքթայ Ասադովի, ԱԳ նախարար Էլմար Մամեդյարովի, ինչպես նաև առաջատար քաղաքական կուսակցությունների ներկայացուցիչների հետ: Երկուշաբթի Դաչիչը մամուլի ասուլիս կանցկացնի Ադրբեջանի ԱԳՆ շենքում: «Հունիսի 2-ին Դաչիչը կմեկնի Վրաստան, որտեղ կհանդիպի նախագահ Գեորգի Մարգվելաշվիլիի, վարչապետի, ԱԳ նախարարի, խորհրդարանի խոսնակի և քաղաքական կուսակցությունների ներկայացուցիչների հետ»,-ասվում է ԵԱՀԿ մամուլի հաղորդագրության մեջ: Վրաստանից ԵԱՀԿ նախագահը կմեկնի Հայաստան: Դաչիչը հունիսի 3-ին հանդիպում կունենա ՀՀ նախագահ Սերժ Սարգսյանի, ԱԳ նախարարի, խորհրդարանի խոսնակի, քաղաքական կուսակցությունների ներկայացուցիչների հետ, ինչպես նաև կայցելի ԵԱՀԿ երևանյան գրասենյակ, հայտնել է ԵԱՀԿ մամուլի ծառայությունը: ՀՀ մայրաքաղաքում նաև տեղի կունենա Դաչիչի և ՀՀ ԱԳ նախարար Էդվարդ Նալբանդյանի համատեղ մամուլի ասուլիսը: Մայիսի 21-ին ԵԱՀԿ գործող համանախագահ, Սերբիայի ԱԳ նախարար Իվիցա Դաչիչը հանդիպել է Բելգրադում ԵԱՀԿ Մինսկի խմբի համանախագահների հետ: Ինչպես ասվում է ԵԱՀԿ պաշտոնական կայքում զետեղված հաղորդագրության մեջ, հանդիպմանը ներկա են եղել ՌԴ-ն, Ֆրանսիան և ԱՄՆ-ն ներկայացնող համանախագահներ Իգոր Պոպովը, Պիեռ Անդրիեն և Ջեյմս Ուորլիքը: Հանդիպմանը մասնակցել է նաև գործող նախագահի անձնական ներկայացուցիչ Անջեյ Կասպրշիկը և Հարավային Կովկասի գծով գործող նախագահի հատուկ ներկայացուցիչ Անջելո Գնեդինգերը: Դաչիչը երախտագիտություն է հայտնել ԵԱՀԿ ՄԽ համանախագահներին իրենց աշխատանքի համար: Ինչպես գրել է իր միկորբոլգոմ ամերիկացի համանախագահը, «այսօր Բելգրադում քննարկեցինք ղարաբաղյան հարցը Սերբիայի ԱԳՆ ղեկավար Դաչիչի հետ: Կարող ենք միասին աշխատել խաղաղ համաձայնագրի վրա»: Հղումներ թեմայով.   Ուշագրավ Մշակվում է Հավաքական անվտանգության խորհրդի որոշման նախգիծը Նա սուտ է անվանել այդ տեղեկությունները Նրանք նաև կոչ են արել դադարեցնել Ադրբեջանին ցանկացած ռազմական օգնության Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները   |  Վերջին լուրեր Երևանում մեկնարկում է հայ–ամերիկյան համաժողովը․ Կմասնակցի Պետքարտուղարի տեղակալը  Համաժողովը, որ առաջին է իր տեսակի մեջ, կմիավորի ԱՄՆ-ի և Հայաստանի քաղաքապետներին, ինչպես նաև նահանգների ղեկավարներինՔՊ-ականը սահմանի սահմանազատված հատվածի լուսանկար է հրապարակել «ՀՀ սահմանազատված պետական սահման` Տավուշ»,–գրել է նաԽոստացվածից 3 տարի անց Շուռնուխի 13 տունը շահագործման է հանձնվել Շինարարությունը պետք է ավարտվեր դեռ 2021–ին, սակայն, մինչ օրս պարբերաբար հետաձգվում էրՔԿ-ն՝ gg–ի հայտարարության մասին․ Իրականությունը խեղաթյուրելու անհաջող փորձ է Նշվում է, որ վարույթը նախաձեռնվել է դեռևս 2023 թվականի մայիսին |
