  ՀՀ նախագահ. Իրավիճակը ՀՀ և Ադրբեջանի սահմանին կարող է ապակայունանալ 15 սեպտեմբերի 2015 - 15:52 AMT PanARMENIAN.Net - Սրացումը Հայաստանի և Ադրբեջանի սահմանին կարող է ապակայունացնել իրավիճակը տարածաշրջանում, հայտարարել է ՀՀ նախագահ Սերժ Սարգսյանը Դուշանբերում, որտեղ նա մասնակցում է Հավաքական անվտանգության պայմանագրի կազմակերպության (ՀԱՊԿ) Հավաքական անվտանգության խորհրդի նստաշրջանին: Բանակցություններն ընթացել են նախ նեղ կազմով՝ Ռուսաստանի, Բելառուսի, Ղազախստանի, Հայաստանի, Ղրղզստանի, Տաջիկստանի նախագահների և Կազմակերպության գլխավոր քարտուղարի մասնակցությամբ: Ելույթ ունենալով նստաշրջանի մասնակիցների առջև` Սերժ Սարգսյանը նշել է, որ ՀԱՊԿ անդամ պետությունների ղեկավարները հանդիպում են ունեցել նեղ կազմով` քննարկելով սուր հարցերը, և հանդիպումն «ավանդաբար կրել է անկեղծ բնույթ և անցել է վստահության մթնոլորտում»: «Ես տեղեկացրել եմ ՀԱՊԿ անդամ պետությունների ղեկավարներին Հարավային Կովկասի տարածաշրջանում սետղծված իրավիճակի մասին` շեշտը դնելով հայ-ադրբեջանական սահմանին և ղարաբաղա-ադրբեջանական շփման գծում լարվածության զգալի աճի սպառնալիքի վրա: Երկրորդ անգամ կանգ չեմ առնի այս հարցի վրա, ուղղակի կնշեմ, որ իրավիճակը սրելու ադրբեջանական կողմի փորձերը միջազգային հանրության համարժեք արձագանքի բացակայության պայմաններում հղի են ամբողջ տարածաշրջանում իրավիճակի ապակայունացման վտանգով»,-ասել է ՀՀ նախագահը, հայտնում է ՌԻԱ Նովոստի գործակալությունը: ՀԱՊԿ անդամ պետությունների Խորհրդի լիագումար նիստի ընթացքում ստորագրվել են մի շարք փաստաթղթեր, այդ թվում՝ ՀԱՊԿ անդամ պետությունների ղեկավարների հայտարարությունը: Նստաշրջանի ավարտից հետո Սարգսյանը, Տաջիկստանի նախագահ Էմոմալի Ռահմոնը և ՀԱՊԿ Գլխավոր քարտուղար Նիկոլայ Բորդյուժան հանդիպում են ունեցել ԶԼՄ ներկայացուցիչների հետ, որտեղ ամփոփել են նստաշրջանի արդյունքները: ՀԱՊԿ անդամ վեց երկրների ԱԳ, պաշտպանության նախարարների և անվտանգության խորհրդի քարտուղարների համատեղ նիստի արդյունքներով ՌԴ ՊՆ հենքի վրա կստեղծվի ՀԱՊԿ Ճգնաժամային արձագանքման կենտրոն: Սեպտեմբերի 30-ից հոկտեմբերի 4-ը Հայաստանում կանցկացվեն խաղաղապահ ուժերի «Անխախտ բարեկամություն-2015» զորավարժություններ հավաքական անվտանգության համակարգի օպերատիվ և մարտական պատրաստականության կատարելագործման շրջանակում:  Ուշագրավ Ընդգծվել է ուժի կիրառման անընդունելիությունը և կոչ է արվել ձեռնպահ մնալ ռազմատենչ հռետորաբանությունից «Մեզ ասում էին, թե մեր խոսքերը չափազանց կտրուկ են, որ դա չի մոտեցնում խաղաղությունը»,–բողոքել է նա Հաջիզադեն ասել է, թե հայտարարությունը «զարմանք է առաջացնում», և մեղադրանքներ հնչեցրել Հայաստանի հասցեին Նա հավելել է, որ Թուրքիան աջակցում է Ադրբեջանի և ՀՀ միջև խաղաղության գործընթացին   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
