Հունիսի 2-ի Կառավարության նիստում ներկայացվել է ՀՀ կառավարության և Չինաստանի Ժողովրդական Հանրապետության կառավարության միջև տեխնիկատնտեսական գործակցության մասին համաձայնագրի կնքման առաջարկության մասին նախագիծը: Այն հավանության է արժանացել:
Եզրակացության մեջ նշվում է, որ մինչ այժմ ՀՀ և ՉԺՀ կառավարությունների միջև տեխնիկատնտեսական գործակցությունը հաջող ընթացք է ունեցել և իրականացվել են տարբեր ծրագրեր` գյուղատնտեսության, առողջապահության, տրանսպորտի և այլ ոլորտներում:
Այս համաձայնագրով նախատեսվում է ՀՀ կառավարությանը 60 միլիոն ՉԺՀ յուանի անհատույց տեխնիկական օգնության տրամադրում ($9.2 մլն-ի)` Հայաստանի Հանրապետության Հանրային հեռուստաընկերության համար հեռուստատեսային տաղավարի ծրագրի և Հայաստանի Հանրապետության այլ ծրագրերի քննարկման և իրականացման նպատակով: