Օզդեմիր. Ընդունում ենք կայզերական Գերմանիայի՝ ցեղասպանություն հանցանքը չկանխելու մեղքը 9 հունիսի 2016 - 17:18 AMT PanARMENIAN.Net - Գերմանիայի խորհրդարանի պատգամավոր, «Կանաչների կուսակցության» համանախագահ ազգությամբ թուրք Ջեմ Օզդեմիրը Բունդեսթագում Հայոց ցեղասպանության բանաձևի ընդունումից հետո առաջին անգամ խոսել է բանաձևի մասին: Օզդեմիրը Հայոց ցեղասպանության ճանաչման բանաձևի նախաձեռնողն է ու համահեղինակ: Բունդեսթագի ընդունած բանաձևն իր նշանակությամբ տարբերվում է այլ խորհրդարանների կողմից ընդունված բանաձևերից: «Մենք, որպես Գերմանիայի դաշնային խորհրդարան, ընդունում ենք ներկայիս Գերմանիայի նախորդի՝ կայզերական Գերմանիայի մեղքը, որ նա գործել էր մարդկության դեմ իրականացված այս հանցագործությունը չկանխելով, հակառակ այն բանի, որ ունեցել է հայերի ծրագրված տեղահանության և ջարդերի մասին ակնհայտ փաստեր՝ ուղարկված դիվանագետների և միսիոներների կողմից»,- ասել է Օզդեմիրն՝ ընդգծելով, որ բանաձևի ընդունմամբ ո՛չ ներկայիս Թուրքիային են մեղադրում, ո՛չ էլ Գերմանիային, հայտնում է «Ակօս» շաբաթաթերթը: «Դեռ ավելին, մեր պարտականությունն ենք համարում գործադրել ամեն հնարավոր ջանք Թուրքիա-Հայաստան հարաբերությունների կարգավորման համար»: Օզդեմիրը բանաձևի ուղերձի մասին խոսելիս, նշել է. «Ուղերձը, որ ցանկանում էինք հղել, շատ պարզ է և ակնհայտ է. մենք ընդունում ենք մեր պատասխանատվությունը և ցանկանում ենք առերեսվել ցավոտ անցյալի հետ, որը մեր պատմության մի մասն է: Ասում ենք՝ եկեք միասին անենք դա, որքան էլ դժվար լինի: Վստահ եմ, որ սա Թուրքիայում արձագանք կգտնի և ավելի կուժեղացնի սրա համար պայքարող Թուրքիայի և Հայաստանի քաղաքացիական հասարակությանը: Այլևս հետդարձ չկա»: Հայկական բանաձևի համահեղինակը կարծում է, որ այսուհետև կարիք չկա ժխտողական քաղաքականություն վարել: Հունիսի 2-ին Գերմանական խորհրդարանը ձայների ճնշող մեծամասնությամբ կողմ է քվեարկել հայերի ու այլ քրիստոնյաների ցեղասպանությունը ճանաչող բանաձևին: Դեմ էր ընդամենը 1 պատգամավոր, ևս մեկը ձեռնպահ է մնացել:Բանաձևում ասվում է՝ «101 տարի առաջ հայերի և այլ քրիստոնյա փոքրամասնությունների դեմ իրականացված ցեղասպանությունը պետք է հիշատակել»։ Նշվում է, որ խորհրդարանը դատապարտում է Օսմանյան կառավարության կողմից հայերին գրեթե ամբողջությամբ ոչնչացնելու գործողությունները։ 5 էջանոց բանաձևում նշվում է, որ «Հայերի ճակատագիրը 20-րդ դարում տեղի ունեցած կոտորածի, էթնիկ զտման, տեղահանության ու ցեղասպանության օրինակ է»։ Գերմանիան բանաձևով ընդունում է նաև իր պատմական պատասխանատվությունը ողբերգության համար: Թուրքական արմատներով պատգամավորներից առնվազն 7-ը կողմ են քվեարկել բանաձևին։ Բանաձևին դրական է արձագանքել նաև Գերմանիայի կառավարության կազմում միակ թուրք նախարար, բանաձևի նախաձեռնող Այդան Օզողուզը: Թուրք ազգայնականները սպառնում են սպանել Բունդեսթագում ցեղասպանության բանաձևը նախաձեռնողին Օզդեմիրը՝ Էրդողանին. Պարտավոր չենք համապատասխանել ավտորիտար առաջնորդի քմահաճույքներին Ուշագրավ
Նրանք նաև կոչ են արել դադարեցնել Ադրբեջանին ցանկացած ռազմական օգնության Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը Ամենաընթերցվողը բաժնում | Գասպարյան․ 2022-ի սեպտեմբերի 13-ին զոհված 2 զինվորի դիերը դեռ միջդիրքային հատվածում են Չնայած նրան, որ հայկական կողմը Ադրբեջանին է տրամադրել դիերի կոորդինատները, սակայն մինչ օրս որևէ պատասխան չի ստացվել ԱՄՆ կոնգրեսականին մեղադրանք է առաջադրվել Ադրբեջանից տարիներ շարունակ կաշառք ստանալու համար Նույն գործով անցնում է նաև կոնգրեսականի կինը Բագրատ սրբազան․ Կիրանցից քայլերթով շարժվում ենք Երևան Նախատեսում են Երևան հասնել մայիսի 9-ին Կիրանցի բնակչուհի. Արդեն մենք չենք ուզում, որ ոստիկանները գնան՝ ականները հանել են, այլևս անվտանգ չէ «Երեկ ականազերծել են, թե ինչու են ոստիկանները գյուղում մնացել չգիտեմ»,–ասել է նա |