Գինեգործների միության նախագահ. Խաղողի արտահանման ծավալների ավելացման պայմանավորվածությունը ՌԴ հետ կպահպանվի 5 հուլիսի 2016 - 15:22 AMT PanARMENIAN.Net - Ռուսաստանի հետ կա պայմանավորվածություն, որ խաղողի արտահանման ծավալները 2016-ին ավելացվեն: Այդ մասին հայտարարել է Գինեգործների միության նախագահ Ավագ Հարությունյանը, հայտնում է Tert.am-ը: Նա նաև կարծում է, որ այդ պայմանավորվածությունը կպահպանվի՝ անկախ Թուրքիայի նկատմամբ ՌԴ պատժամիջոցները վերացնելուց: «Պատժամիջոցների վերացումը, իհարկե, կազդի, բայց մենք այդ ծավալներն էլ չունեինք, որ փոխարինենք Թուրքիայի խաղողը: Այսինքն՝ էական ազդեցություն չի ունենա: Թուրքիայի նկատմամբ պատժամիջոցները հանելը մեծ ողբերգություն չէ, սակայն հնարավոր է, որ Ռուսաստանի հետ ձեռք բերված պայմանավորվածությունները 20-25 տոկոսով չիրականանան»,-ասել է միության նախագահը և նշել, որ բացի Ռուսաստանից Հայաստանն այլ երկրներ խաղողի մեծածավալ արտահանում չի իրականացնում: «Մենք մեծ ծավալի որակյալ խաղող չունենք և ծավալային առումով Թուրքիային մրցակից չենք, խաղողի արտադրության ծավալով նա աշխարհում երրորդ տեղում է գտնվում »,-ասել է Ավագ Հարությունյանը: Ինչ վերաբերում է այս տարի խաղողի բերքի ծավալներին, Ավագ Հարությունյանը չնայած վաղ համարեց գնահատելը, թե ինչպիսի բերք կունենանք, սակայն նշել է, որ տարին կլինի լարված, քանի որ գործարանները չեն կարող մթերել: «Ծավալներն անցած տարվա չափ կլինեն, սակայն լարումը կպահպանվի, քանի որ մենք ունենք լճացում, չիրացում»,-ասել է Գինեգործների միության նախագահը: Ավելի վաղ հայտնի դարձավ, որ ՀՀ կառավարության կողմից խաղողագործության և գինեգործության ոլորտներում վարվող պետական քաղաքականության և զարգացման ծրագրերի իրականացման նպատակով կստեղծվի Հայաստանի խաղողագործության և գինեգործության հիմնադրամ: ՀՀ գյուղատնտեսության նախարար Սերգո Կարապետյանը կառավարության նիստում նշել է, որ որոշման ընդունումը պայմանավորված է խաղողագործության և գինեգործության ոլորտներում արձանագրված հաջողություններն ամրապնդելու և զարգացման հետագա ընթացքն ապահովելու անհրաժեշտությամբ: Նախագծով առաջարկվում է հիմնել խաղողագործության և գինեգործության ոլորտներում առկա խնդիրների լուծմանը մեծապես նպաստող, ոլորտների շահերը արտացոլող, ֆինանսական որոշակի հնարավորություններ ունեցող առանձին կառույց, որը կգործի պետություն-մասնավոր հատված համագործակցության սկզբունքով: Հղումներ թեմայով. Ուշագրավ Ուսումնասիրությունները մեկնարկել են Փաշինյանի հանձնարարությամբ Երասխում պողպատի գործարանի կառուցման համար ընկերությունը ներդրել էր 2 միլիարդ դրամ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը | Սենատի Ֆրանսիա-Հայաստան բարեկամական խումբն այցելել է Հայոց ցեղասպանության հուշահամալիր Հյուրերը շրջել են նաև Հայոց ցեղասպանության թանգարանում Թրյուդո․ Պետք է հիշենք և հարգենք Հայոց ցեղասպանության զոհերի հիշատակը Նա նշել է, որ Կանադայում ապրիլը համարվում է Ցեղասպանության, հիշատակի, դատապարտման և կանխարգելման ամիս Թուրքիայի ընդդիմադիր DEM կուսակցությունը ոգեկոչել է Հայոց ցեղասպանության զոհերի հիշատակը Ոգեկոչման ակցիան ուղեկցվել է ցեղասպանության զոհ գնացած հայ մտավորականների լուսանկարների ցուցադրմամբ Սերժ Սարգսյանը՝ ընդդիմության անհաջողության մասին․ Կան ոչ միասնական մոտեցումներ Նա նշել է նաև, որ կա արտաքին սատարում այս իշխանություններին |